Ụhịrẹyị 5:22 - IWE ỌNỊNỊ

²² Ebira odivi aza ọhịmị vị anaa va ịrẹpa ee zi wa. Ebira ịvị ọnị ẹ yaa mẹ̀ ọ vị ọha ana za wa nị.

Ụhịrẹyị 5:22 ပူးပေါင်းရင်းမြစ်များ

1 Ohinọyị 18:18

Di Erija ka, “Eyiye de, mẹ yị kụ́ ẹngụkata tù Anisirẹrị, ẹwụrị aneehi ada awụ ẹ vị ana aa kụ́ ẹngụkata tù Anisirẹrị nị. Ẹwụ nịnị o yi ọda Ẹnẹyịmavara tịtẹ, dị ụ kụkụ aa hẹkẹ Ịbaarị nịnị nị.

Ẹsịta 9:25

Ama ịjị Ẹsịta va ha ohinọyị eyi tu ebira odivi Ịhamanị, dị ohinọyị mẹ̀ ọda ana a chẹrẹ ka ịsị odivi oni o ro tụra Aniju ọ̀ vẹ ịrẹsụ anị nị. Di e zu Ịhamanị ọnịrị ezi anị gẹ ọchị nị.

Ijoovu 18:8

Ẹnị ụvọta ẹ va jị ahụ ngụ ịrẹpa dị ọ za wa nị. Ẹnị e vee nye ahụ ngụ usi ana a chị nị.

Ahẹ Ụgama 40:12

Ẹngụkata vị ana kara mị gụ ẹtẹ kẹnẹ ịvị ẹnị ẹmị nyẹmba aa mẹ ọ sị chị kú mi ịrẹsụ Ịvị amị ộ rụrụ huna ẹyị ịrẹsụ amị ẹ yị hyakụ kụkụ zẹẹ ka mē re ẹtẹ, ayị vị ana kụkụ aa hụrẹ mị ịnẹ.

Ahẹ Ụgama 9:15

Aza ẹnẹ ẹ̀ yị yẹ wụ mẹ̀ na hụ ụvị ọza chị ụsị dị ahịka ẹnị ẹ rẹ horo ngụ ọ nị. Ịrẹpa ẹnị ẹ̀ và zi ọza gẹdẹ-gẹdẹ ọ rẹ vara eyi za wa ahụ nị.

Ahẹ Ụgama 9:17

Avaba aza edivi ene hi ayị Ohomorihi vi ene vee súu vaa ha.

Ụhịrẹyị 1:18

Ama anako nịnị vi ene vee su usu ụkọrọ ụvọ ẹnịnị. Ebira odivi ẹnịnị vị anaa vụ ụhị tu wa.

Ụhịrẹyị 11:3

Ebira ọnịzẹyịza vị anaā zụ ọ oze ama anapẹ vị ene su usu apẹ.

Ụhịrẹyị 11:5

Ịzẹyịza vị ana mẹ̀ ẹhẹ ọnịzẹyịza rọọ ẹngụ ama ebira odivi ọza ọhịmị aa tana yị usu nị.

Ụhịrẹyị 11:6

Ịzẹyịza ọnịzẹyịza aa dọ ọ ha nị, ama ọhọha anapẹ ọ vị ịrẹpa ana aa za a nị

Ụhịrẹyị 12:14

Ịrẹyị ọnị ọza ka ọọ̄ vụhị tu ọ nị. Ịsa ọnị ọza chire ọọ̄ ha nị.

Ụhịrẹyị 14:32

Ebira odivi aza ọhịmị e vu wa ẹtẹ nị ama ebira aza ọyịza ọọ̄ dọ wa tụ nị.

Ụhịrẹyị 18:7

Irenu ọnụra ọọ̄ wụ ọ nị. Ịrẹyị irenu anị vị ọnị ọọ̄ sịị va ịrẹpa za ẹngụ anị.

Ụhịrẹyị 24:12

Asị ụ kà a ka ẹ yị nyị awụ rị ịnị anị agụvị ka Ohomorihi ọ yẹ ayị́ ọzọza, di e re ọzọza nị. O vee sí ọzọza atọ ịsị ọnị ọ̀ mẹ̀.

Ụhịrẹyị 26:27

Ọza anaā va ịrẹpa zi ọza ọ́ vaa za nị. Ịsa ọnị ọ sị yị ọza o vee re nị.

Ịrẹyị Ọzwọzịsa 7:26

Ọ kà ọnị ọ sị yẹ ka ọnyẹnẹẹ anaā sẹ̀ ịrẹka o divi huni iswọọza nị. Ọ̀ọ ka ọnị oo sì ịrẹyị awụ, ịrẹpa aa vàa zi wụ nị. Ọ̀ọ ha ụvọ kara awụ, vị aa sịị mẹẹ anka aa sị ẹba sụ ọza avọọ nị. Aza anaā mẹ ịsị ọnị Ohomorihi sị kẹnẹ ẹ zụ ha hụrẹ ẹ ụvọ nị, ama ịrẹpa anị vị ana vaa za aza anaā mẹ̀ ebira odivi.

Ijeremaya 2:19

Ẹnẹyịmavara Ochẹtẹẹngụ ka ọnị ọ sị ọ ka: Ebira odivi awụ nịnị ọ vaa sị ụya rị ụ nịnị nị. Ụ vee vú ẹtẹ nịnị agụvị ka waa và ịrẹma anị nịnị nị. Ụ vee re ịsị aa hị́ ụya nịnị, dị wa yẹ́ nịnị ka ẹ yị zoza ka we yị Ẹnẹyịmavara ana vị Ohomorihi awụ nịnị tịtẹ, dị à sị ụ kụkụ nyị angwahi anị nịnị.

Arụwẹ 1:14

O re avaba ịvị ọnị ẹnị mẹ̀, dị ọ sụ́ ọ vabẹ nị; Dị ọ sị ọọ gẹ ẹnị ọrọkọ, dị ẹnya sị ngụ ẹnị nị. Ẹnẹyịmavara ộ sị ẹnị chire ọnịvị ẹnịnị ụvọ. Ẹ yị hyakụ nyị ịsị ẹnị zụ pe wa mẹ vụrụ-vụrụ.

Ọbadaya 1:15

Ụmẹ ọnị Ẹnẹyịmavara vaa sị họ̀ oponu ịrẹsụ avaba anẹkụra ẹnẹẹ aa gụrị ẹtẹ. Avaba odivi ọnị Anedomi nịnị mẹ̀ vị ana vaa vẹ ịrẹsụ ẹnịnị.

Ịrịka 32:23

Ama ẹnịnị ẹ yị vavọọ mẹ, ẹ raà rị ịvị Ẹnẹyịmavara, dị ọ sị ụya anị rị wa.

Anihiburu 13:4

Ọzọza ọ̀ sị ụbanyị yị oze ana a zịị nyị ọnẹẹ, àa vị ọnọrụ! Ẹvarose è re ka ẹnị ẹ́ẹ nyị ịzẹyịza hi ẹngụ! Aza ana aa mẹ̀ ebira kẹnẹ-kẹnẹ ọnịrị ọsẹrẹka nịnị, Ohomorihi vaa mẹ̀ ọkarẹyị yị wa.

Ọdọvịdị 20:41

Ịjọnọọ dị Anisirẹrị vara eyi dị ẹ yaa dụ wa nị. Dị angwahi ka Anịbẹnjamịnị vẹ agụvị ka ê re ka ụvọ ọ sị kara ẹnị.

Ọdọvịdị 9:57

Avọọ gẹdẹ-gẹdẹ Ohomorihi mẹmẹ rẹ sị Anịsẹkẹmị nịnị atọ avaba ebira odivi ẹnị ẹ mẹ, dị ozirenu Ijotami ozi Ijerubaari za wa nị.