Ụhịrẹyị 5:19 - IWE ỌNỊNỊ

¹⁹ Ọnẹẹ ene zoza vọnọ-vọnọ anka akọnọ avọọ. Navọ ịrẹyị anị ọ dọ wụ ayị, dị oyisì anị ọ vị ụkụ tụ wụ ayị pooro.

Ụhịrẹyị 5:19 ပူးပေါင်းရင်းမြစ်များ

2 Ịsamụwẹrị 12:4

Ẹkụhị ọnya a va nyị anusoze ene chi ịda opisa ọnọnị. Opisa ọnọọ ọ yị zẹẹ ka ọnị ò sị ini imaaru àa vị atẹmẹ anị dị ọnị ò si sì anusoze ene chi ịda anị aanị ọzọga. Dị ọ na sị ozi atẹmẹ ọnọrụ onosiye ọnọọ, dị ọ sị na mẹ̀ ịsa yị ọnọrụ ene chi ịdị anị aanị nị.”

Ụhịrẹyị 5:15

Jẹẹ pe ose ewu kẹnẹ, ẹwụrị ọ kẹnẹ ọọ̄ mẹrị ẹngụ.

Ụhịrẹyị 5:20

Ozi emi, sị ẹ vẹ dị ịrẹyị ose ọza maanị vị ụkụ tụ wụ ayị? Sị ẹ vẹ dị ahịka ịbẹhị ọ zee wu eyi hụụnị ọsẹ ẹwụ nị?

Ahẹ Isoromọnị 2:17

Avọọ ọ mẹẹ̄ yà ịzọọ pooro na ngụ ịjị ahị etumeyọnị aa tụ, dị ẹtẹ ee hweyi nị. Ẹwụ ọnị mị si, waa vaavẹ anka ẹdọ avọọ. Waa vẹ anka ùnè araka ana yà ịrẹsụ ataba ịzị aā hị́ Ịbẹta avọọ.

Ahẹ Isoromọnị 2:9

Ọza ọnị mị sì ịrẹyị aanị vị ana sị mẹẹ anka ẹdọ avọọ. Vị ọ sị mẹẹ anka ozi ùnè araka avọọ nị. Ọnị ọ jẹẹ vaka ugene ịzọọ avọọ nị. Aa dà eyi gee zị oze ini ozokete ọnịrị oze ini enyusẹ ana a sị họ̀ oze.

Ahẹ Isoromọnị 4:5

Ịrẹva awụ ẹyịva aa gẹgẹrẹgẹẹ anka ùnè. Ọ sị mẹẹ anka ezi ẹẹva anaa rị avị ịzị ọchị ana tụ́ ododo ozoza-ozoza hi avọọ nị.

Ahẹ Isoromọnị 7:3

Ịrẹva awụ vị ana sị mẹẹ anka ozi adẹgụnẹva ùnè avọọ. Mị ka vị ẹ́ sị mẹẹ anka ùnè oweyi ẹẹva avọọ nị.

Ahẹ Isoromọnị 8:14

Ẹwụ ọnị mị maanị sì ịrẹyị anị, wa ka mịị vẹ, anka ozi ùnè avọọ. Wa vẹ anka ùnè ana si hụ tụ ịnị ataba ịzị a kụ́ avị ịsẹpẹ hi avọọ.