Ụhịrẹyị 4:4 - IWE ỌNỊNỊ

⁴ Ada amị ọ kà a yị mị ka asị mị hi ayị ịrẹyị anị. Ọ kà ma saasa a agụvị ẹhẹ amị o zee yị mị.

Ụhịrẹyị 4:4 ပူးပေါင်းရင်းမြစ်များ

Oyinyima 18:19

Mẹ yị vavọọ zụ mẹ. Ma raà nyị Abụrahamị ka ò hú ezi anị ọnịrị aneehi anị ụvọ ka ẹ̀ va tụra oze amị ka ẹ̀ẹ mẹ̀ ịsa ana vọrọ ini eyi ẹmị Ẹnẹyịmavara, dị ẹ̀ẹ mẹ ịzẹyịza. Ọnọọ vaa mẹ ka ịsa ọnị mị ka maa mẹẹ yị Abụrahamị me re oze mẹ̀ ẹ yọ.”

1 Ịtọpa 28:9

Ộ kà a yị Isoromọnị ka, ozi emi, ò re ka ọnị ọọ yẹ Ohomorihi ada anị, dị ọọ̀ sị ayị ọnya hẹkẹ ẹ, dị ọ̀ rẹẹ sị ayị anịị mẹ̀ ịsa oni o si. Ọ kà Ohomorihi ộ yẹ ịsị aza ee ro, ọnịrị ịsị eyee sì. Isoromọnị ọ̀ọ ká Ohomorihi na, vi aa dọ ọ nị. Ama ọ̀ọ va ịrẹma ka Ohomorihi, vi aa và ịrẹma anị pooro zịna-zịna nị.

Ahẹ Ụgama 119:11

Ma raà dọ ịrẹyị ọnị ụ kà tụ́ ịnị ayị amị agụvị asị mị na mẹ̀ ebira odivi vẹ ịda awụ

Ahẹ Ụgama 119:144

Ịrẹyị ọnị ụ ka aza ẹ̀ẹ mẹ vị ịrẹyị ana vọrọ pooro zịna-zịna. Navọ wa sị ịrẹyọyẹ mị, dị ma zụ yàra.

Ahẹ Ụgama 119:168

Avaba ọda ọnị ụ mẹ vị ọnị maa saasa, agụvị ka wâ yẹ avaba ịsị maa mẹ̀.

Ụhịrẹyị 22:6

Pa ozi tụ oze ana vọrọ, ọ̀ọ sị vịra ọ yị vaa ha hụụnị anị.

Ụhịrẹyị 23:26

Ozi emi, sị eyi pe mi, waa saasa ahụ ọnị mèe hu.

Ụhịrẹyị 3:1

Ozi emi, asị u hi ayị ịrẹyị ọnị mị kà yị wụ. Waa sị̀ ịrẹyị ẹnẹẹ vị ebira mẹ ụmẹ tụra ụmẹ.

Ụhịrẹyị 3:2

Ịrẹyị ẹnẹẹ vaa sị wụ ku orubo, dị ẹhẹ awụ zee yị wụ.

Ụhịrẹyị 7:2

Sị ụvọ za ịrẹyị amị dị ẹhẹ awụ o zoza. Sị eyi pe ịrẹyị amị anka ipapameyi meē sere igoreyi ọza avọọ.

Ayịsaya 55:3

Ẹwụ nịnị aza amị ọ̀ sị ụtọ pe ẹtẹ, dị ụ wa ká mị vẹ nịnị. Ká mị vẹ nịnị, ka ụ vaa yàra nịnị. Mi vee wo otoo yị wụ nịnị ọnị mị vaa mẹ pooro. Ize ọnị mị wo oto anị yị Idevidi, mị vaa sịị yị wụ nịnị.

Ijeremaya 38:20

Ijeremaya ka, dị ọnị kà a yị ọ ka, ọza ẹ́ yị vaa hụrẹ ụvọ yị wa nị. Ọnị aa dá ịpẹẹ yị ọ ka ọ̀ mẹ ịsị Ẹnẹyịmavara kà ọnị ọ̀ kà yị ọ aanị. Ịjọnọọ ọ́ vaa rọ̀ ọ ẹngụ, dị ọ ha nị.

Ịjọọnụ 12:50

Mâ yẹ ka ịrẹyị anị vị anaā mẹ ka ọza ọ̀ yàra pooro zịna-zịna. Agụvị avọọ, ịsa tụra ịsa ọnị màa kà, ịsị Ada amị rẹ sị mị ka ma kà ọ vị ọnọọ nị.”

Anẹhwẹsọsị 6:4

Ẹwụ nịnị ada ozi, asị ụ mẹ̀ ka ezi ewu nịnị ẹ̀ kụ́ ayị! Ama waa pá waa tụ́ ini oze Ikirisiti nịnị, dị ụ waa sị ịrẹyị Ananyị yịị zụ̀ wa nịnị.

Iwe Ọhụhị Imosiisi ana aa hị́ Ọyịvatụrọda 4:9

Ẹnịnị ẹ sị eyi pe ẹngụ ẹnịnị, dị asị a nyị ụmẹ ọnị ẹ sị hi ayị ịsị ẹ sị eyi ẹnịnị re. Ẹ pa ịta zụ ezi ọnịrị aazị ẹnịnị.

Iwe Ọhụhị Imosiisi ana aa hị́ Ọyịvatụrọda 6:6

Asị ụ hi ayị avaba ịrẹyị ana a ka yị wụ nịnị ajịnị aanị o.

2 Itimoti 1:5

Ma rẹ tamayị, ụ mẹmẹ sị ayị ọnya tụra Ohomorihi. Avọọ Ịrọyịsị ọnyị awụ ọbanyị ọnịrị Iyunisi ọnyị awụ mẹ̀ rẹ sị ayị ọnya tụra Ohomorihi nị. Mâ yẹ kaakara ka avọọ ẹwụ mẹ̀ rẹ sị ayị ọnya tụra Ohomorihi nị.

2 Itimoti 3:15

Wa rẹ yẹ ka, ụ mẹ̀ hụrẹ vị ozweyi, ụ hụrẹ yẹ Iwe Ohomorihi nị. Ọ zụ mẹ ka wa yẹ ịrẹyị, ana vaa mẹ ka wa sị ayị tụra Ijeesu Ikirisiti, dị ọ̀ dọ wụ há.

Anihiburu 5:9

Ịjị Ohomorihi sị Ijeesu mẹ ka ọ gụ, dị Ijeesu kụkụ vị oze ana aza ana wụ́ ịrẹyị anị aa zịị há pooro zịna-zịna.

Ọdọvịdị 13:12

Dị Imanowa ka, ẹhẹẹ, ịrẹyị anị ọ̀ọ va sị gẹẹ anka ọ mẹẹ ka a, sị ẹ ẹngụ ọdaa ana a vaa sịị pa ozi ọnọọ? Ụkọrọ ịsị ọ vaa mẹ?