Ụhịrẹyị 4:26 - IWE ỌNỊNỊ

²⁶ Sị eyi pe oze ọnị waa zị, agụvị wa yẹ ịsị waa mẹ.

Ụhịrẹyị 4:26 ပူးပေါင်းရင်းမြစ်များ

Ahẹ Ụgama 119:5

Ọ maa navọ kwogwo ma nyẹngụụ sị ayị ọnya saasa ọda awụ.

Ahẹ Ụgama 119:59

Ma raà zama ebira ẹngụ amị re, ma sị ọ kà ka ịrẹyị awụ mị vaa saasa nị.

Ahẹ Ụgama 37:23

Ebira ọnị ọza aa mẹ òo zee Ẹnẹyịmavara eyi dị aa gụ ọ ụvọ ịnị avaba ịsị àaa mẹ

Ahẹ Ụgama 40:2

Ộ tụ́ mị hụụnị adagu ana nyị ụdọ ana aa kụ́ ọza ọsịrị. Dị ọ sị ahụ amị jẹẹ geri-geri ịrẹsụ ịda nị.

Ụhịrẹyị 15:21

Ọnụra vị ana ayị anị hine tụ ịnị ụra ana aa mẹ̀ ama ọza ana yẹ ịrẹyị vị anaa mẹ̀ ịsa ana vọrọ.

Ụhịrẹyị 21:29

Ọza odivi vana mẹ̀ eyidaku ama ọnịzẹyịza ọ yị jị ẹngụ anị ịrẹka.

Ụhịrẹyị 23:19

Ozi emi, sị ụtọ pe mé, dị ụ wa nyị ịrẹyọyẹ ọnị ụ vaa sị mẹ̀ ẹhẹ awụ.

Ụhịrẹyị 4:25

Navọ ịsị ụ và tụ ọvịdị kẹnẹ ọ jị wụ areyi.

Ụhịrẹyị 5:21

Ẹnẹyịmavara ee re avaba ịsa ọnị waa mẹ̀. Ọ yẹ avaba ụsẹ ọnị waa zị.

Ụhịrẹyị 5:6

Ọ sị ha hụrị oze ẹhẹ obooro, dị ọ kụkụ e vu na kẹnẹ nị, ọ yị yẹ ịsa aa mẹ̀.

Ezikẹẹrị 18:28

Ka ộ zama ẹhẹ anị re, dị ọ và hụụnị ebira ọnị ọnị aa mẹ, ịzẹyịza, ọ vaa yara. É yị vee sú.

Ịhagayị 1:5

Agụvị avọọ, Ẹnẹyịmavara Ochẹtẹẹngụ kà yị wa ka è ro ịrẹyị ẹngụ ẹnịnị.

Ịhagayị 1:7

Ẹnẹyịmavara Ochẹtẹẹngụ kà ẹnịnị e ro ịrẹyị ebira ọnị ẹ yaa mẹ aanị.

Anẹhwẹsọsị 5:15

Agụvị avọọ sị eyi pe ẹngụ awụ ịnị avaba ebira ọnị ụ waa mẹ nịnị! Asị ụ rẹ̀ mẹ anka aza ẹnẹ ẹ̀ yị nyị ịsị ẹ yẹ; ama waa mẹ̀ ebira ọza ana yẹ ịrẹyị nịnị!

Anẹhwẹsọsị 5:17

Agụvị avọọ asị ụ vị ọnụra nịnị, ama re ka wáa yẹ ịsa oni Ohomorihi sì ka wa mẹ nịnị!

1 Anịtẹsaronika 3:13

Ini oze avọọ, dị ụ wa vị ọnịnị nịnị ọ́vịdị Ohomorihi Ada ayị ịnị ụmẹ oni Ijeesu Ananyị yị vaa sị vaa vẹ beri avaba aza anị!

2 Anịtẹsaronika 3:3

A zụ sị ayị tụra Ananyị yị. Ọ vaa sị ụkataa wụ nịnị, dị ọ dọ wụ nịnị tụ́ ịnị ụvọ Echu.

Anihiburu 12:13

Waa zị ụsẹ ini oze ana vọrọ nịnị! agụvị asị ahụ aza ene ee sika, ne sú saka-saka, àyị vị ka ahụ ẹnịnị ọ̀ vana ta!

1Ipita 5:10

Ohomorihiī mẹ ọyịzaa yị aza ẹtẹẹtẹrẹ, ộ hị́ wụ nịnị ka wa vẹ, dị ẹwụrị Ijeesu ọ̀ vị ọnya nịnị ịnị ụbanyị ẹnẹ ẹ̀ yị ma sa pooro zịna-zịna. Wàa sị ụya rị chee nịnị, Ohomorihi ọnị ụvọta vee tenyi wu nịnị, dị ọ̀ mẹ ka wa gụ nịnị, dị ọ rẹ mẹ ka wa nyị ụkata jẹẹ geri-geri nịnị ịnị avaba ịsa.