Ụhịrẹyị 4:18 - IWE ỌNỊNỊ

¹⁸ Ọnịrẹyịzẹyịza ọọ̄ ma hụrẹ ayịnẹ. Ẹhẹ anị ọ mā nyị ọjịrẹka.

Ụhịrẹyị 4:18 ပူးပေါင်းရင်းမြစ်များ

2 Ịsamụwẹrị 23:4

Irima ẹngụ aza ẹnẹẹ, vị ana sị mẹẹ ẹtohweyi ẹnịnị. Ẹnịnị vị ana sị mẹẹ ọ́yị ana yaa tụ̀ụ vẹ. Ọyị ẹnẹnẹ ẹnẹ ẹ̀ yị nyị eguhi ana dà kú ọ. Aa zẹtẹ ini orihi ana yaā zụ̀ hi avị eteesu.

Ijoovu 11:17

Dị ẹhẹ anị vana vara anka etohozi ọ vara tụ ịnị ẹtohweyi avọọ.

Ijoovu 17:9

Ịsa tụra ịsa enee tu ọnizẹyịza, vị́ ọnị aa jẹẹ gere-gere.

Ijoovu 23:10

Ọ yẹ avaba ịsa ọnị aa mẹ. Ọ̀ọ zama ọnị re, ọ yẹ ka ọnị ọ nị anka Igooru.

Ahẹ Ụgama 84:7

Ẹ́ maà na, avọ ẹ màa nyị ụkataa hu avọọ pooro di e na ngụ ana vị ịda Ohomorihi nị.

Ahẹ Ụgama 97:11

Aza ana mẹ ịzẹyịza dị ẹ nyị ayị ọnya vee re ẹtohweyi, dị ẹ yaa jẹ.

Ụhịrẹyị 13:9

Ẹhẹ ọza ọyịza sị mẹ anka ịra ana a za avọọ ama ẹhẹ ọza ọhịmị vị ana sị mẹ anka ịra ene e mi avọọ nị.

Ụhịrẹyị 15:24

Aza ana yẹ́ ịrẹyị vị anaā mẹ̀ ebira anaā sịị ọzaa ku orubo; ẹnịnị ẹ́ mā mẹ̀ ebira anaā sịị ọza naa gẹrị isu.

Ụhịrẹyị 2:20

Agụvị avọọ, saasa ebira aza ana aa ra ẹhẹ ozoza, dị waa sị ịzẹyịza ra ẹhẹ awụ.

Ụhịrẹyị 2:9

Wàa wụ́ ịrẹyị Ẹnẹyịmavara, ụ vaa yẹ ịsị ẹ vọrọ, dị waa mẹ ịzẹyịza, dị waa mẹ̀ ebira ozoza.

Ayịsaya 26:7

Ohomorihi, ẹwụ vị ana aa mẹ ka ò zee yị ọza ana aa mẹ̀ ebira ana vọrọ. Ụụ̄ mẹ ka ẹngụ ẹnịnị ọ̀ rọ.

Ịdanịyẹrị 12:3

Aza ana yẹ ịrẹyị ẹnịrị aza ana mẹ ka aza ọrụrụ-ọrụrụ ẹ̀ mẹ̀ ịsa ana vọrọ vaa za ẹtẹ anka ụzọmị ene hi ẹbẹẹba avọọ pooro zịna-zịna.

Ihoseya 6:3

Dị ẹnị ẹ yẹ ẹ, dị ẹnị ẹ yẹ huu avọọ. Ẹnẹyịmavara vee tu ẹnị ohi dị ẹtẹ o vee hozi. Ọ vaa vẹ anka orihi ịpaapa ị̀rẹ̀sụ̀ avọọ nị.

Imatiwu 5:14

Ẹwụ nịnị ọ vị ẹtohweyi yị anẹhẹ nị. Ẹkụra ana yà ịrẹsụ ataba, ọ yị zụ tẹ.

Imatiwu 5:16

Navọ ẹtohweyi ọnị ụ vị nịnị ọ̀ vavọọ zẹtẹ ọ́vịdị aza, dị è zụ re ebira ozoza awụ nịnị dị ẹ̀ sị ụga yị Ada awụ nịnị ẹbẹẹba!”

Imatiwu 5:45

Wa vavọọ mẹ agụvị dị è re ka ezi Ada awụ ẹbẹẹba ụ vị nịnị nị, agụvị ka aa mẹ ka ọyị anị ọ̀ọ háa yị aza edivi ọnịrị aza ọyịza. Ọ raa zụ̀ orihii yị ọnịzẹyịza ọnịrị aza ẹnẹ ẹ̀yị nyị ịzẹyịza.

Ịjọọnụ 8:12

Dị Ijeesu rẹ kà a yị aza, dị ọ ka, “Ẹma vị ẹtohweyi yị anẹhẹ nị. Ọza ana àa dụ mị ịrẹma, o vee re ẹtohweyi anaā mẹ ka ọza ọ̀ yàra obooro. Ọza ọnọọ ọ yị kụkụ vaa zị ụsẹ ịrahụ.”

2 Anịkọrịntị 3:18

Ẹyị ana a raà hụ ịsa hụụnị eyi anị, yee re igirima Ananyị yị. I mee re e, dị aa vara yị ka yee véné e hu avọọ nị. Ananyị yị ana vị ụhwẹ Ohomorihi aa mẹ̀ ụkọrọ ọnọọ nị.

Anihwiripi 2:15

Wa vavọọ mẹ agụvị asị ụ na nyị ohuvọ, dị ụ wa zụ nị nịnị. Ọnọọ ọ vaa mẹ ka wa zụ vị ezi Ohomorihi ẹnẹ ẹ̀ yị nyị ịsa odivi nị. Ụ mẹ̀ yà ịnị akakana anẹhẹ edivi ana ayị ẹnịnị ẹ̀ yị vọrọ aanị, áa vọrọ ka wa vị ẹtohweyi yị wa tụ́ ịnị ẹhẹ nịnị.

2Ipita 1:19

Agụvị ịsa ẹnẹẹ, yâ yẹ hu avọọ ka ịrẹyị ọnịsẹ nịnị vị ịzẹyịza. Wàa sị ụtọ pe ịrẹyị ẹnịnị o vee zoza; agụvị ka vị ịrẹyị ọnọọ sị mẹẹ ozotupa ana aa za ịnị ịrahụ avọọ nị, pooro dị eyi ọ va nị. Ịhị ọnọọ, ụzọmị ẹnẹnẹ (ana vị Ikirisiti) vaa zẹtẹ ịnị ayị awụ nịnị.

2Ipita 3:18

Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.

Ẹtore 21:23

Ẹ yị nyị ịsị ẹkụra ọnọọ aa sị ọyịị̄ mẹ, à vị ụhwẹ, ka ọ̀ọ zẹtẹ ịzọọ, agụvị ka igirima Ohomorihi aa sị ẹtohweyi yị ịzọọ nị. Ozi Atẹmẹ ọ rẹ vị ẹtohweyi anị nị.

Ẹtore 22:5

Ẹtẹ o yi vee hozi ịzọọ pooro, ẹ yị nyị ịsị ẹ vaa sị ozotupa, à vị ọyịị̄ mẹ. Ohomorihi ọ vaa vị ẹtohweyi yị wa nị. Ẹnịnị vị ana vaa mẹ ohinọyị pooro zịna-zịna.

Ọdọvịdị 5:31

Ẹnẹyịmavara ọ navọ ọ wụ̀ avaba ọnịvị anị nini ha, dị ọta awụ nịnị ẹ zẹtẹ anka ọyị òo nyima aa ha avọọ. Ẹtẹ ô vene hi ahị ịrayị ẹbẹẹva.