Ụhịrẹyị 4:13 - IWE ỌNỊNỊ

¹³ Sị ụvọ za ịrẹyị ana a ka yị wụ. Ịrẹyọyẹ ọza sị mẹ̀ ẹhẹ nị.

Ụhịrẹyị 4:13 ပူးပေါင်းရင်းမြစ်များ

Oyinyima 32:26

Di ọza ọnọọ ka, “Ọ̀ jẹẹ ọnị ọ̀ na ka eyi aa vaa nị̄.” Di Ijekọvụ ka, “Ọ̀ yị mẹ̀ aduwaa yị ọnị, ọnị ẹ yị zẹẹ ka ọ̀ na.”

Ụhịrẹyị 10:17

Oō zee yị ọza ana wụ́ ịrẹyị ọza nị ama irezi ene vu ọ mā wụ eesi.

Ụhịrẹyị 23:23

Asị ụ zẹ ka ịzẹyịza ọnịrị ịrẹyọyẹ ọ jị ụ ha, sị ụvọ za ịrẹyị ana a sị zụ wụ, dị eyi awụ o hweyi.

Ụhịrẹyị 3:18

Ịrẹyọyẹ vị anaā sị ọza kụ orubo. Ọza ana nyị ọ vaa daa jẹ.

Ụhịrẹyị 3:22

Ịrẹyọyẹ vaa mẹ̀ ẹhẹ hine dị ọ rọ wu ẹngụ, dị ọ̀ mẹ ọza ku orubo.

Ụhịrẹyị 6:23

Ịrẹyị ọnị ẹ yaa sị zụ ọza vị ana sị eyi ọzaa hweyi tu ịrẹyị, dị ohuvọ ọnị ẹ tụ́ ezii mẹ ka ọza ọ yẹ tu ẹhẹ nị.

Ụhịrẹyị 8:35

Ộ ka aza ana nyị ịrẹyọyẹ ẹẹ̄ mẹ ẹhẹ obooro nị. Ayị Ẹnẹyịmavara vee hine tu wa.

Ịrẹyị Ọzwọzịsa 7:12

Ịrẹyọyẹ ọ zụ sere ọza anka ọza mẹẹ sị ẹkẹhị sere ẹngụ anị. Aha ana yà ịnị ka ọza ọ̀ yẹ ịrẹyị ọ vị ka, ọ vaa dọ ọzaa ha hụụnị ẹngụkata nị.

Ahẹ Isoromọnị 3:4

Ẹmịrị wa mẹ maanị yị para ẹngụ hu kẹnẹ, dị mị na gẹrị ọza ọnị mị maanị sì ịrẹyị anị nị. Mâ ta a ku, mẹ yị kụkụ zẹ ka ọ̀ na. Dị mị sị́ ọ va ngụ ịnị aku ọnyị amị ịzị a ya ma mị nị.

Ịjọọnụ 6:63

Ụhwẹ Ọnịnị ọọ̄ mẹ̀ ka ọza ọ̀ yàra nị; ịrẹyị ọza vị osusu kẹnẹ-kẹnẹ. Ịrẹyị ọnị maa kà a wụ nịnị aanị vị Ụhwẹ Ọnịnị, ọ rẹ zụ mẹ ka aza ẹ̀ yàra.

Ịjọọnụ 6:68

Dị Ịsayịmọnị Ipita tụ́ ohi, dị ọ ka, “Ananyị yị, ẹnẹ ẹyị kụkụ aa káa na? Ẹwa nyị ịrẹyị ana zụ mẹ ka ọza ọ̀ yàra pooro zịna-zịna nị.

Odeyi 11:23

Íbanabasị mè tù ịzọọ, di o re ịsị Ohomorihi mẹ ịzọọ ịnị ayamva anị, ayị anị ô hine. Di o hú wa ụvọ ka ẹ̀ nyị ayị ọnya, dị ẹ̀ yịị sị ayị ẹnịnịị yị Ohomorihi nị.

Odeyi 2:42

Ẹnịnị ệ sị ụmẹ ẹnịnị tịtẹ kụkụ aa kọsẹ ịdị odeyi nịnị, dị ẹyaa sị ayịị yị ẹngụ, di e re dudu aa rị ịsọyịrị Ananyị yị, di e re dudu aa mẹ̀ aduwa nị.

Iwe Ọhụhị Imosiisi ana aa hị́ Ọyịvatụrọda 32:47

Ọda ẹnịnị ẹ yị vị ịrẹyị aahị ọ vị. Ọnị ọ vị ụkata ẹnẹ ẹ vaa sị ra ẹhẹ ẹnịnị nị. Ọnị ọ zụ mẹ ka e ku orubo ịnị ẹtẹ ọnị ẹ vaa jịnẹ Okuha Ịjọdanị na dọ aanị nị.

1 Anịtẹsaronika 5:21

Waa zama avaba ịsaa re nịnị, dị ụ wa sị ụvọ za ene zoza nịnị ẹtẹẹtẹrẹ.

Anihiburu 2:1

Agụvị avọọ a sị vọrọ ka ya nyayịnẹ sị ụvọ za ịrẹyị ọnị ị wụ́, agụvị asị i ne nyeeyi nị.

Ẹtore 12:11

Ẹwụ nịnị ẹyịnyara amị e reè huna a ini oze anya Ozi Atẹmẹ ọnọọ ọnịrị ịrẹyị Ohomorihi ẹnẹ ẹyaa dọ ivenuu tụ́. Ệ dọ ka ẹnị ẹ̀ hụ rẹ ẹhẹ ẹnịnị ụvọ dị eni è sú.

Ẹtore 2:13

Ọnị ộ yẹ ịzị ụ ra nịnị, ịzọọ Échu sị aga ohinọyị anị yàatụ nị. Wâ nyị ịzẹyịza hi ọnị nịnị; wẹ yị kà ka wẹ yị kụkụ sị ayị tụra ọnị nịnị ịnị ụmẹ ana a daka sị wụ ọnọrụ ana aā hị́ Antipasi, ana a wụ agụvị ka ọ́ nyị ịzẹyịza hi ọnị. Ịzị Echu sị mẹ eehi anị ịdị awụ nịnị a yà wụ ọọ nị.