Ụhịrẹyị 31:8 - IWE ỌNỊNỊ

⁸ Ohinọyị a vọrọ ka ọ vị irenu ọkarẹyị aza ẹnẹ ẹ zụ̀ ka ịrẹyị nị. Dị ọ̀ rẹ dọ ọkụmị nịnị tịtẹ hụụnị ụvọ aza ana a mẹ̀ wa eyi ngwẹ́ngwẹ̀ nị.

Ụhịrẹyị 31:8 ပူးပေါင်းရင်းမြစ်များ

Ijoovu 29:9

Dị ọdọvịdị ẹkụra nịnị za ịrẹyị ẹnịnị jẹẹ.

Ahẹ Ụgama 79:11

Navọ aza ẹnị ẹ kụ́ hi ịnị ẹngwa ene ee nowu, wa ba wa owu. A raà mẹ̀ ọkarẹyị aza awụ ẹnyị ka à wụ̀ wa, navọ wa sị ụkata awụ dọ wa tụ́.

Ahẹ Ụgama 82:1

Ori nịnị mẹ̀ ta wara gụ, di Ohomorihi jẹẹ ịnị akakana ẹnịnị dị ọ mẹ̀ ọkarẹyị yị wa nị.

Ụhịrẹyị 24:7

Ọnụra ẹ yị yẹ ẹhahi ịrẹyị ịrẹyọyẹ. Ẹ yị nyayịnẹ há irenu ịzị àa kà ịrẹyị obooro.

Ụhịrẹyị 29:7

Ọnịzẹyịza ọ́ yẹ ịsị a vọrọ ka a mẹ yị onosiye anaa ọza ọhịmị ẹ yị tẹsị.

Ụhịrẹyị 31:7

Navọ wa e hụ eche dị e hi ayị ụzọngwa ọnịrị ụya ọnị ẹ yaa rị.

Ijeremaya 21:12

ẹ̀ wụ́ ịrẹyị ọnị Ẹnẹyịmavara aa ka: Re ka waa mẹ ịzẹyịza nịnị eyinị-eyinị. Ọza ọnị ọza aa mẹẹ rị ụ dọ ọ hụrẹ ọza ana mẹẹ rị ụvọ nịnị. Ẹ̀ yị vavọọ ebira odivi awụ nịnị vaa mẹ ka ọnị ọ̀ kụ ayị hi u nịnị anka ịra anaa zá dị ọza e yi zụ mi ọ avọọ.

Ijeremaya 26:24

Ijeremaya ka, agụvị ka ọnọrụ ana aā hị́ Ahikami ozi Isahwani ộ jẹẹ ọnị ịrẹma, ọza ẹ yị rẹ va sị ọnị chire aza ụvọ ka ana wụ ọnị.

Ịjọọnụ 7:51

“Wáá yẹ ka ọda ayị ọ yị zẹẹ ka à jị ịvị yị ọza, ẹ̀ yị vị a zẹẹ ka ọ̀ kụ́ irenu anị, dị à yẹ ịsị ọ mẹ?”

1 Ịsamụwẹrị 20:32

Di Ijonatani rẹ tụ́ Ịsọọrụ ada anị ohi dị ọ ka, “Sị ẹ vẹ dị ụ ka waa wụ ọ? Sị ọ mẹ wụ?”