Ụhịrẹyị 31:4 - IWE ỌNỊNỊ

⁴ Dị ộ ka, ẹ yị zoza ka ohinọyị nịnị e hu eche dị ọ̀ọ mẹrị wa dị ọ vaa sị vị eche ọkatẹngụ bẹẹ.

Ụhịrẹyị 31:4 ပူးပေါင်းရင်းမြစ်များ

1 Ohinọyị 16:9

 nyị ọga isoja anị ọnya ana aā hị́ Izimiri. Ọnị ọ sị eyi pè achẹva isoja ohinọyị anaā sịị umaata kụ̀ ịrẹkụ nị. Di Izimiri ọnọọ na mẹ eto ka ọnị ọ̀ wụ Ibaasa nị. Ibaasa vị ana yà ini eehi Ariza di ee hú eche, di eche aa mẹrị ọ. Ariza ọnọọ ọ si eyi pè irehi ohinọyị ana yà Itiriza nị.

1 Ohinọyị 20:12

Ịbẹnịhadadị ọnịrị ohinọyị ọsa vị ene hi ịnị ajẹngụ ee hụ́ eche dị a maanị va kà ụtụ yị wa. Di Ịbẹnịhadadị hí ezi ahụ anị dị ọ ka, “Ọza-ọza ọ̀ jẹẹ aha anị òo zị.” Ịzẹyịza dị ọzọza jẹẹ aha anị kara ẹkụra ọnọọ di eyee zi nị.

Ẹsịta 1:10

Ịhị ẹ tụ́ ọ ẹkụhị ịhịmba eche ọnọọ, dị ayị ohinọyị Ahasẹrọsị ee hine ọ mẹ sị eche hu nị. Dị ọ tụ́ ezi ahụ anị ịhịmba ka ẹ̀ nọ ịdị ose anị Ivasịtị nị. Ịrẹha ezi ahụ ẹnẹẹ ẹ vị Imehumani, Ibizita, Ihabona, Ibigita, Abagita, Izeta ọnịrị Ikakasi.

Ẹsịta 3:15

Agụvị ka ohinọyị ọ tụ́ wa ụtụ nị, ọnụtụ nịnị ệ jịnẹ eyiha-eyiha na kà a ịnị ẹkụra Isusa ana vị ohi ẹtẹ ẹkụra nị. Di ohinọyị ọnịrị Ịhamanị yaayịtẹ di eyee hú eche nị, dị anẹkụra Isusa ẹnị aa jị òrèrè nị.

Ụhịrẹyị 20:1

Ọza ọnị e hu eche ahaahara vị ọnị echee jị ụra. Ọnụra oō hu eche dị a mẹrị ọ nị.

Ụhịrẹyị 23:34

Vị ọ sị mẹ̀ ẹ anka ọza anaa hụtụ ịnị akakana oku avọọ nị. Dị ọ sị mẹ anka ọza ana gẹnẹ oregerege ọchị ẹpinenyi avọọ nị.

Ịrẹyị Ọzwọzịsa 10:17

Ẹkụra ọnị ohinọyị anị ọ̀ọ vị ozi ọza obooro, dị ọdọvịdị ẹnịnịị rị ịsa ịnị ụmẹ ana vọrọ nị ka nị, ẹ̀ nyarị ịrẹsụ ọyịza.

Ayịsaya 5:22

Wa sị dà nịnị, ẹwụ ene hú eche pooro dị ụ sị jị ọga tụ́ ọ nịnị. Wâ yẹ ịsa a vọrọ ka wa sị và hura eche nịnị.

Ihabaku 2:5

Ogu ẹhẹ ọnọnị vị eneē vene ọza. Ịsa ọ yị mā hụụ aza ana si ẹngụ tụ́ ẹba. Ọza anaā ha ọhọha sị mẹ anka uswọọza avọọ nị. Ẹtẹ anaā rị ọza ịnẹ ọ yị mā ha. Avọọ Anibabironi mẹ ha irenu aa za ẹkụra ana vọ mụnẹ nị.