Ụhịrẹyị 31:30 - IWE ỌNỊNỊ

³⁰ Uzoza ọ zụ vene ọza o, ọ vaa sa, ama ọnẹẹ ana nyị angwahi Ẹnẹyịmavara vị ana vọrọ ka àa ga.

Ụhịrẹyị 31:30 ပူးပေါင်းရင်းမြစ်များ

2 Ịsamụwẹrị 14:25

Abịsarọmị ô zoza pooro ọza o yi re ẹngụ anị ịnị avaba Anisirẹrị. Avọọ aza màa kà a nị. Hụrẹ ịrẹsụ anị huu na ngụ ahẹtẹ anị, ẹ yị nyị ịsa ikonya ene e zụ si du ọ.

Ahẹ Ụgama 112:1

Waa kụ́ Ẹnẹyịmavara. Aza ene eē hí angwa Ẹnẹyịmavara, dị e sì ịrẹyị ọda anị ẹtẹẹtẹrẹ ẹ̀ nyarị ịrẹsụ ọyịza.

Ahẹ Ụgama 147:11

Aza ẹnị Ẹnẹyịmavara sị̀ ịrẹyị anị ẹ vị́ aza ana nyị angwahi anị dị ẹ sị ayị tụra nị, agụvị ka ệ yẹ ka vi oō sì ịrẹyị ọza pooro nị.

Ụhịrẹyị 1:7

Ịrẹyọyẹ vị ene nyima hụụnị angwa Ẹnẹyịmavara oyi hi. Ọnụra kẹnẹ ọọ̄ sị eyi wụ̀ ịrẹyọyẹ ọnịrị ajuwe ọza nị.

Ụhịrẹyị 11:16

Ọnyẹnẹẹ ana nyị ebira ọyịza vị anaā sịị ụbanyị yị ama ọnọrụ ana zụ mẹ̀ ụkọrọ vị anaā nyị ẹkẹhị.

Ụhịrẹyị 11:22

Ọnyẹnẹẹ ene zoza dị ẹ yị nyị ịrẹyọyẹ sị mẹ̀ anka ụra ana aa sị igooru tụ́ ọbẹ avọọ nị.

Ụhịrẹyị 22:4

Ọza ene hí angwa Ẹnẹyịmavara dị ọ ka ẹngụ chi, ọọ̄ ka hịrẹ, dị ọ mẹ ka o zee yọ, di oku orubo.

Ụhịrẹyị 31:29

Dị ọ ka, ọnẹẹ ozoza gwẹtẹ de ama ose anị ọnọnị o hu nị.

Ụhịrẹyị 31:31

Sị ụbanyị yị ẹngụ ọnẹẹ ọnọọ dị ọzọza ọ̀ọ ga a, ịzị aa kụ gụ ịnị ẹkụra.

Ụhịrẹyị 6:25

Asị ụ zẹ ka uzoza anị ọ dọ wụ ayị. Asị ụ zẹ ka eyi ọyịmẹ̀ anị o vene wu ngụ ọ ụvọ.

Ụhịrẹyị 8:13

Ọza ana sị ụbanyị yị Ẹnẹyịmavara ẹẹ̄ nyị ịhyẹrẹ ịsa edivi nị. Ẹngụ ọza ọnọọ ọọ̄ nyị ịhyẹrẹ aza ana sị ẹngụ tụ ẹba, dị ẹ rẹ mẹ ịkanggụ. Ọnị ọ nyị ịhyẹrẹ ebira odivi ọnịrị ịrẹyị kẹnẹ-kẹnẹ ọ yị ka nị.

Ịrẹyị Ọzwọzịsa 12:13

Ya sị avaba ịrẹyị wụ, ịsị aa sị za ịrẹyị ịrẹsụ yị. Hi angwa Ohomorihi, dị waa saasa ọda Anị, agụvị ka avaba ụkọrọ ọnị Ohomorihi sị yị ẹyị ọza ịnị ẹhẹ ọ vị ọnọọ nị.

Ịrẹyị Ọzwọzịsa 7:18

Asị ụ na mẹ ẹnẹmẹhị ịnị ẹnẹ ẹyịva ẹnẹẹ nị. Wâ hí angwa Ohomorihi, vị o vee zozaa yị wụ nị.

Ezikẹẹrị 16:15

Ama waa hụ̀ agụvị uzoza awụ ọnịrị agụvị ka waa ngụrẹyị dị ụ kụkụ aa sẹ̀ ịrẹkaa zị nị.

Iruuku 1:6

Ẹnị ẹyịva vị ọnịzẹyịza ini eyi Ohomorihi, dị ẹ rẹ yaa saasa avaba ọda Ohomorihi nị. Ẹnịnị ẹ yị sị ahụ jị ọchị nyee vụrụ-vụrụ.

Aniroomi 2:29

Aniju obooro ọ vị ọza ana vị Aniju ịnị ayị anị nị. Ọza ana jị ụvẹvẹnẹ obooro ọ vị ọza ana vara ayị anị nị. Ụhwẹ Ọnịnị ọọ̄ mẹ̀ ọsọnị nị, ayị vị ọda anaa chẹrẹ tịtẹ. Ohomorihi ọnị ụvọta aa ga ẹngụ aza ẹnẹẹ nị, ayị vị aza.

1 Anịkọrịntị 4:5

Agụvị avọọ, asị ụ mẹ̀ ọkarẹyị yị ọzọnyị-ọzọnyị nịnị, ama jẹẹ tù ụmẹ ana Ananyị yị vaa vaa vẹ nịnị! Ọnị ọ vaa sị avaba ụkọrọ eweree vẹ ini eyigede nị, dị ọ rẹ sị ịsa ana aza sị tụ́ ịnị ayị tụ́ ẹhẹ. Ịhị ọnọọ, Ohomorihi vaa ga ọzọza, ọ mẹ̀ vọrọ.

Ijemiisi 1:11

Ọyị ọ̀ọ sị hụrẹ, dị aa há nganganga nị, dị ọ za avaba ododo, dị ọ wụ̀ wa, dị ẹ sụ̀ và ha, dị avaba uzoza anị ta saka-saka. Avọọ gẹdẹ-gẹdẹ ọzọbanyị mẹẹ̄ hụrẹ ẹhẹ ụvọ ịnị ụmẹ ọnị ọ ta ngụ ini echi ẹhẹ ee zwe nị.

1Ipita 1:24

Avaba aza vị ana sị mẹẹ anka avị avọọ Uzoza ọza vị ana sị mẹẹ anka ododo avị Ịjị avị ọ̀ọ sị wụ̀, dị ododo anị wọ̀rọ̀ va ha.

1Ipita 1:7

Iruvo ẹzamare ẹnẹẹ ọ vị ka è zu ré ka ẹdọwụ obooro ụ nyị nịnị nị. Wâ yẹ igooru nịnị, ana ahịka oō du; ịra aā sịị zama a re ka à yẹ, àa vị obooro ọ vị nị. Avọọ ọ mẹ rẹ vị yị ẹdọwụ awụ nịnị nị, ana ahịka óo huna igooru ẹtẹẹtẹrẹ. Àa zama ẹdọwụ awụ nịnị re, dị ọdịrẹma anị vị ụga ọnịrị ụbanyị ne beri igirima, ịhị Ijeesu ọ̀ọ sị ẹngụ zụ̀.