Ụhịrẹyị 31:26 - IWE ỌNỊNỊ

²⁶ Ọ̀ọ ha irenu, ịrẹyọyẹ ọ kà nị. Ọ kọ aza ka ee sì ịrẹyị ẹngụ nị.

Ụhịrẹyị 31:26 ပူးပေါင်းရင်းမြစ်များ

Ẹsịta 4:4

Ezi ahụ Ẹsịta ana vị anẹẹ ọnịrị anọrụ mẹ̀ vavọọ re Imodekaya, dị ẹ na kà a yi Ẹsịta nị. Ẹsịta mẹ wụ́ ịrẹyị ọnọọ, ẹngụ anị ộ sụ ẹgahị. Dị ọ si awuru tụ́ nā yị Imodekaya nị. Dị ọ tụ́ ka à kà a yọ ka ọ̀ ngwa awuru ayodu ọnọọ tịtẹ nị. Ama di Imodekaya yi nị.

Ẹsịta 5:8

ohi ka, “Taarụ! ịsa mee sì yị. Wàa nyị ẹngụ awụ iyi ka wa mẹ ịsị mee sì yi mi, navọ ẹwụrị Ịhamanị ọ̀ vavẹ ve chi yị mị ụhwọọ. Mị vaa sị ohi yị wụ, Taarụ!”

Ụhịrẹyị 10:31

Ọza ọyịza vị anaa kà ịrẹyọyẹ ama irenu anaa kà ọhịmị vị ene vee vú ẹtẹ.

Ụhịrẹyị 12:18

Ọjanangụ ọyị ka sị mẹ anka a ka ọza ụhwọ avọọ nị ama ịrẹyị irenu ọyẹrẹyị vị ana sị ẹngụ ọza nịya.

Ụhịrẹyị 16:24

Ịrẹyị ozoza vị ene hine ọza anka ẹhụ avọọ. Ọ́ sị ọza ayị nẹtẹ, dị ọ rọ tụ ọza ẹngụ nị.

Ụhịrẹyị 19:14

Ada ọza ò zụ da irehi, dị ọ mẹ ogu yị ọ ama Ẹnẹyịmavara kẹnẹ ọ zụ sị ọnẹẹ obooro yị ọza nị.

Ụhịrẹyị 25:15

Ayọnẹtẹ aa sị dọ ohinọyị ayị nị. Ịrẹyị anaa sị ụmẹnụmẹnẹ ka ọzaa sẹdẹ yị nị.

Ụhịrẹyị 31:27

Ọnẹẹ anaā sịị ụvọ mẹ̀ ịsa pooro kẹnẹ ọ vị nị. Ọọ̄ tẹsị anineehi anị.

Ahẹ Isoromọnị 2:14

Vị ụ sị mẹẹ anka arivadi ana tẹ ịnị anaha ịrẹta avọọ nị. Jẹẹ me re eyirẹsụ awụ ọyịza-ọyịza ọnọnị, dị ma wụ́ ọngwẹ awụ ana vavọọ hine avọọ.

Ahẹ Isoromọnị 4:11

Ẹwụ ose mi, onupa awụ ee hine anka ẹhụ avọọ, ịrarẹ awụ vị ana sị mẹẹ anka ịrẹva ụnọ ọnịrị ẹhụ avọọ yị mị. Ịta ọnị ụ kụ́ hi ẹngụ vị anaa dagụ ẹtẹ Ịrẹbanọnị.

Ịmarakayị 2:6

Ẹnịnị ệ sị ịrẹyị ịzẹyịza zụ aza, ẹnịnị e yi cheeche vụrụ-vụrụ. Ẹnịnị ệ ra ẹhẹ ozoza, dị ẹ mẹ̀ ebira ana vọrọ. Dị ẹ mẹ ka aza ọrụrụ-ọrụrụ ẹ hụụnị ebira odivi ẹnị ẹ yaa mẹ nị.

Iruuku 1:38

Dị Imeri ka, “Ozida Ohomorihi mị vị nị, ịsị ụ kà aanị, ọ̀ vavọọ yà mị!” Dị anggẹẹrị ọnọọ hụụ ịdị anị nị.

Odeyi 18:26

Di o nyima aa sị ọtụtụrụma kà ịrẹyị ini irehi Ohomorihi Aniju nị. Ípirisira ọnịrị Akwira mẹ̀ wụ́ ịrẹyị anị, dị ẹ sị ọọ nọ ini eehi, dị ẹ sị oze Ohomorihi zụ̀ ọọ ẹtẹẹrẹ huna avọọ nị.

Odeyi 6:15

Dị avaba aza ana yaayịtẹ ini ikootu ee re Isitivini goro-goro nị. Di e re ka eyi anị aa zẹtẹ anka eyi anggẹẹrị avọọ nị.

Anẹhwẹsọsị 4:29

Asị ụ rẹ̀ kà ịrẹyị odivi nịnị! Ama waa kà ịrẹyị ọyịza ana vaa gụ aza ụvọ nịnị, dị aza ana aa wụ́ ịrẹyị awụ nịnị, è zụ re ọgụvọ ịnị anị.

Anikorasi 4:5

Yẹ, ụ mẹmẹẹ sị ịrẹyọyẹẹ mẹ ebiraa hi aza ẹnẹ ẹ̀ yị vị ọdọwụ. Re ka we yi du ụmẹ ha nịnị.

1Ipita 3:1

Ẹwụ nịnị ese, ká ịrẹsụ hi yị ọva awụ nịnị, agụvị ẹnyị ẹnẹ ẹ̀ yị dọ ịrẹyị Ohomorihi wụ́, èe re ebira awụ nịnị, ịsavọọ ẹ̀ zụ dọ wụ́. Wẹ̀ yị daka sị irenu kà a yị wa,

Ọdọvịdị 13:23

Dị ose anị ka, aa vị Ẹnẹyịmavara e si ka ọnị ọ wụ ẹnị nị, ẹyị yaanị dị ịsọvọ ana rịra ọnịrị ịsọyịrị ẹnị ẹnị mẹ. Ẹyị rẹ yaanị zẹ ẹ ka ẹnị e re avaba ịsa ẹnẹnị, dị ẹyị rẹ yaanị ka avaba ịsa ẹnẹẹ zụ ẹnị bẹẹ.