Ozi-ọza, nyayịnẹ kà ohinọyị Ijipiti ọ̀nọ̀. Kà ẹ yị ọ ka, ví o re ẹngụ anka idu avọọ ịnị akakana anẹkụra nịnị nị. Ama ọ yà anka agụgụ odivi anaa họ̀ enyi waaa, dị a sị ahụ wụ ụdọ hi enyi ọnọọ, dị ụ mẹ ka ọọ dà agụ.
Anisirẹrị ana vọ vị ana a vaa navọ hi ịnị ẹkụra irenyi-irenyi. Ẹnịnị vị ana vaa sị mẹ anka idu ene ee sì ịsọyịrị ngụ ịnị avịị zị avọọ. Mị ka vị ẹ vaa sị mẹ anka idu ana yà ịzị atẹmẹ hi nị. Ọnị ọ̀ọ za, dị ọ na a pẹrẹ-pẹrẹ, ẹ yị nyị ọza ana aā dọ ọ tụ́.
Dị oruva ịhị ọnọọ gẹdẹ-gẹdẹ anọrụ ẹkụra ọnọọ va kà iruvo anị yị Ịsamịsịnị nị. Ệ họ̀ ọ ka, “Sị ẹ zụ hine hu ẹhụ? Sị ẹ zụ nyị ụkata huni idu?” Dị Ịsamịsịnị kà a yị wa ka ẹ yị vị ose anị ana sị iruvo anị zụ wa ẹnịnị ẹ yị yẹ.
