Ụhịrẹyị 30:3 - IWE ỌNỊNỊ

³ Ọnị ọ yị kọsẹ ịrẹyọyẹ, dị ọnị ọ va yẹ ẹngụ ọza ọnị Ohomorihi vị.

Ụhịrẹyị 30:3 ပူးပေါင်းရင်းမြစ်များ

Ụhịrẹyị 30:4

Ẹnẹ na ẹbẹẹba, ene chi vẹ da? Ẹnẹ sị ụvọ za ahị da? Ẹnẹ sị achị gụ enyi ịrẹgụ da? Ẹnẹ tẹ ẹhị ẹhwị ẹtẹ avaba ẹhẹ? Ịrẹha ọza ọnọọ rị? Ịrẹha ozi anị rị? Kà a mị ẹnẹ ọ vị?

Ụhịrẹyị 9:10

Angwa Ẹnẹyịmavara ọyị nyị ọ vị ahụ ịrẹyọyẹ ịpaapa ọnị ọzaa hu nị. Ọza ọ̀ọ yẹ Ohomorihi ọnịnị eyi anị vị enee hweyi.

Ayịsaya 30:11

Ẹka ọnịsẹ nịnị è jesi hụrẹ ẹnị eyi, asị ẹ rẹ kụkụ va kà ịrẹyị Ohomorihi ẹnịnị ana Anisirẹrị aa hẹkẹ ẹ yị ẹnị.

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Ayịsaya 6:10

Ọ kà ma mẹ ka azị aza ẹnẹẹ kụkụ tẹsị ịrẹyị anị, dị asị ẹ kụkụ zụ wụ́ ịrẹyị dị asị ẹ rẹ kụkụ zụ sị eyi ẹnịnị re ẹtẹ. Ọ kà ẹnịnị èe sị eyi ẹnịnị re ẹtẹ, dị ẹ na sị ịrẹyị wụ́ nị, ẹ nyayịnẹ vara ebira ana vaa mẹ ka a dọ wa ha.

Ayịsaya 6:3

Dị ẹ yaa hị́ ẹngụ, dị ẹ ka “Ọnịnị, Ọnịnị Ọnịnị! Ẹnẹyịmavara Ochẹtẹẹngụ vị ọnịnị. Ụbanyị anị vi ene chi avaba ẹhẹ ẹngụ.”

Imatiwu 11:27

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi anị, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi anị ọnịnya ọnịrị aza ene èe zé Ozi anị eyi ka ọnị ọ̀ sị zụ̀.

Imatiwu 16:17

Dị Ijeesu ka, “Wâ da jẹ, Ịsayịmọnị ozi Ijona, agụvị ka ẹ yị vị ọzarẹyịrẹsụ ọ sị zụ̀ wụ, Ada amị ana yà ẹbẹẹba yọ nị.

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

Aniroomi 11:33

Ohomorihi ộ da nyị ụbanyị kẹnẹ! Ohomorihi ộ yẹ ịrẹyị ẹtẹẹtẹrẹ ọnị ọza ọ̀yị zụ kà. Ịsị Ohomorihi ọ̀ọ ka ọnị aa mẹ, ẹ yị nyị ọza ana zụ yẹ oze ana aa zịị mẹẹ. Ẹnẹ ka ọnị ộ yẹ oze Ohomorihi?

Ẹtore 3:7

Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ihwiradehwiya ka: Ọza ana vị ọnịnị ọnịrị ọnịzẹyịza, ana rẹ nyị ụkọkọrọ Idevidi; ọnị ọọ̄ na oze, dị ẹ yị nyị ọza ene zụ gu ọọ nị; oni o reē gu oze, dị ẹ yị nyị ọza ana zụ naa nị; ọnị ọnọọ ọ tụ́ ụtụ ọnọnị nị:

Ẹtore 4:8

Ịsa ẹẹna ana nyị ụhwẹ ẹnẹẹ, ọnya-ọnya ộ nyị avaka ịhịnọnyị. Dị ẹhẹẹhẹ ẹnịnị ọnịrị ịnịnẹ ẹnịnị vị eyi-eyi nị. Ọọdụ ọnịrị ịrahụ, ẹnịnị e yị tụ́ ụhwọ́, dị ẹyaa jị ahẹ ka Ọnịnị, Ọnịnị, Ọnịnị, Ananyịwa Ohomorihi Ochẹtẹngụ vị nị. Ẹ yị nyị ẹngụ awụ, Ọnị ọ yà ịzọọ hụrị ụmọrụmọ dị a va yẹ ka aa mẹ ẹhẹ nị; ọnị ọ yà ịzọọ booro aanị nị, ọ rẹ vaa vaa vẹ ịnị ẹhẹ ọnọnị.