Ụhịrẹyị 30:15 - IWE ỌNỊNỊ

¹⁵ Ọnọhọha vị anaā sịị ụvọ ẹẹva rị ịsa. Ẹẹ̄ pa ịsa pooro kẹnẹ nị. Â nyị ịsa ẹẹna ọnị ẹ yị mā hụ ọza.

Ụhịrẹyị 30:15 ပူးပေါင်းရင်းမြစ်များ

Ụhịrẹyị 27:20

Ịnẹ ọ mā ha iswọọza ọnịrị ikuta, avọọ ọza ẹ̀ yị ma zụ nyị avaba ịsa ee sì nị.

Ụhịrẹyị 30:14

Aza ẹnyị vị ana aa ha ọhọha, dị ẹ yaa za onosiye ọnịrị anarịmanyị nịnị mẹ ụngwẹ.

Ụhịrẹyị 30:16

Ịnẹ ọ yị mā ha ẹtẹ anaā rị ọza. Ọbọrị ọ yị mā hụụnị ozi oyi si. Enyi ọ mā hụ ẹtẹ hu. Ọkụ ọ mā hụ ịra rị.

Ụhịrẹyị 30:21

Ịsa ẹẹta a vị ẹẹna anaā kata ẹhẹ ẹngụ:

Ụhịrẹyị 30:24

 nyị ịsa ẹẹna ịrẹsụ ẹtẹ ene weyi ama dị ẹ nyị ịrẹyọyẹ ẹnẹmẹhị nị:

Ụhịrẹyị 30:29

 nyị ịsa ẹẹta a vị ẹẹva enee hu ahụ ohi:

Ụhịrẹyị 6:16

Aa nyị ịsa ịhịnọnyị ọnị Ẹnẹyịmavara nyị ịhyẹrẹ anị. Dị a nyị ịhịmba ana vị enyisi yị ọ nị.

Ayịsaya 57:3

Ẹwụ nịnị aza edivi, vẹ vị à mẹ̀ ọkarẹyị yị wụ nịnị. Wẹ yi dahi huna ọpọchị nịnị; wẹ yị dahi huna aza anaa hẹkẹ ori, ọnịrị aza ana navọ Ohomorihi tịtẹ naa hẹkẹ ịsa ọsa.

Ihoseya 4:18

Ee sị eche hu, dị ẹ nyima ee sì ọsẹrẹka ọnị ẹnịrị waa sụ. Ẹnịnị e sì ịrẹyị ịsị ụhị hụụnị ịsị ẹ vaa sị ụbanyị yị wa.

Emọsị 1:11

Ẹnẹyịmavara kà ọnị aa pa ịva yị Anedomi nịnị agụvị ebira odivi odivi ọnị ệ mẹ̀. Ẹnịnị ẹ sị ụ̀hwọ̀ wụ̀ Anisirẹrị ẹnị ẹnịrị vị anda. Ọyịha odivi ẹnịnị, ẹ yị zẹ ka ẹ vayị ọza vụrụ-vụrụ. Ẹnịnị ẹ yị mẹ̀ ẹ sị rị.

Emọsị 1:13

Ẹnẹyịmavara kà ọnị aa pịva yị Anamọnị agụvị ebira odivi odivi ẹnị ê mẹ̀. Ẹnịnị ệ há ọnịrẹẹ ịnẹ ẹkụra ana aā hị́ Anigiriyadi agụvị di e si zune ẹtẹ tụ́ ịnị ẹtẹ ẹnịnị. Ẹnịnị ẹ yị mẹ̀ sị rị.

Emọsị 1:3

Ẹnẹyịmavara kà, “Anịdamasịkọsị ẹ raà mẹ̀ ebira odivi tụra-tụra, agụvị avọọ ọnị vaa sị ụya rị wa. Ẹnịnị ẹ raà chamayị yị Anigiriyadi ẹnẹmẹhị. Ẹnịnị ẹ yị mẹ̀ ẹ sị rị.

Emọsị 1:6

Ẹnẹyịmavara kà, ọnị aa pa ịvaa yị Anịgaza nịnị agụvị ebira odivi ẹnị ẹ mẹ̀ kú ẹngụ kú ẹngụ. Ẹnịnị ệ ná ẹkụra ọyịvụrụ ọrịhị yị Anedomi nịnị. Ẹnịnị ẹ yị mẹ̀ ẹ sị rị.

Emọsị 1:9

Ẹnẹyịmavara kà ọnị aa pa ịva yị Anitaya agụvị ebira odivi odivi ọnị ệ mẹ̀. Ẹnịnị ê va jịnẹ eku ọnị ẹnịrị aza anị hị́ yị ẹngụ dị ẹ za wa ọrịhị ne chire Anedomi nịnị ụvọ nị. Ẹnịnị ẹ yị mẹ e sị rị.

Emọsị 2:1

Ẹnẹyịmavara kà ọnị aa pịva yị Animowabi agụvị ebira odivi odivi ẹnị ẹ mẹ̀. Ẹnịnị ệ kụ ẹchụkụ ohinọyị Anedomi dị ẹ rị ọ ịra dị ọ sụ atịtọ nị. Ẹnịnị ẹ yị mẹ̀ ẹ sị rị.

Emọsị 2:4

Ẹnẹyịmavara kà ọnị aa pịva yị Anịjuda agụvị ebira odivi ẹnẹ ẹ mẹ̀. Ẹnịnị ẹ yị dọ ịrẹyị Ẹnẹyịmavara tụ́ ịzọọ, dị ẹ yaa mẹ akamawụụ hi ọ nị. Ẹnịnị ệ saasa ohiku ẹnịnị nyeeyi agụvị ka ệ dọ ịrẹyị ireche ọnị ori ẹnịnị ka yị wa wụ.

Imika 7:3

Ịsị ẹnịnị yẹ eyi anị, ọ vị ebira odivi nị. Ohinọyị ọnịrị ọmọkarẹyị aa dọ ochirerenu. Ịsa aza ana nyị ụkata sì, ịsa ọnọọ ẹ vaa mẹ nị Avọọ ọ maa mịị mẹ, dị ẹ vabẹ, dị ẹ yaa gẹ eyi zi nị.

Imatiwu 23:32

Ka tụ ọvịdị nịnị waa yịị mẹ̀ ịsa ana vọ ana ada awụ nịnị nyima anị.

Ịjọọnụ 8:39

Dị ẹnịnị tụ́ ohi, dị ẹ ka, “Abụrahamị ọ vị ada ayị nị.” Dị Ijeesu kà a yị wa ka, “Àa vị ezi Abụrahamị ụ yaanị vị nịnị obooro nị, ụ yaanị aa mẹ̀ ịsa ana Abụrahamị mẹ nịnị.

Ịjọọnụ 8:44

Ezi ada awụ nịnị ụ vị nịnị nị; ada awụ nịnị ọnọọ ọ vị Echu nị. Ịsa ana ada awụ nịnịị̄ sì kẹnẹ, ụ waa mẹ nịnị nị. Ọwọza ọ vị hụrẹ ụmọrụmọ nị. Ọ mā rẹ saasa ịzẹyịza, agụvị ka ẹ yị nyị ịzẹyịza ikonya ịnịnẹ anị. Èe cheeche, ebira anị aa mẹ avọọ nị, agụvị ka onireche ọ vị nị. Ọnị nyẹmba ọ vị ada ireche nị.

Aniroomi 16:18

Ẹngụ aza ana aa mẹ̀ ebira ẹnẹẹ, ẹyị vị Ikirisiti Ananyị yị ẹyaa hẹkẹ. Ịsa ọyịrị kẹnẹ ẹ sị ayị tụ́ ịnị anị nị. Dị ẹyaa sị ịrẹyị ohine ọnịrị ọza oyigonoo vene aza ẹnẹ ẹ̀ yị nyị ịsị ẹ yẹ.

2Ipita 2:3

Ọnịsẹ ireche ẹnẹẹ vị eneyọhụrẹ, agụvị avọọ dị ẹyaa sị ịtọpa irechee vene wu nịnị, agụvị dị ẹ̀ zụ sị wụ nịnị sẹ ohu. O si kù ọnị ọmọkarẹyị ẹnịnị tenyi ẹngụ tịtẹ. Ụmẹ ana vọ aa chee aanị, dị à wụ̀ wa vá ha.