Ụhịrẹyị 30:12 - IWE ỌNỊNỊ

¹² Aza ẹnyị vị ene ro ka ẹnị ẹ gụ ịnị eyi ẹnịnị, ama ẹnịnị e divi anka ụsẹmụsẹ ịnị ututu.

Ụhịrẹyị 30:12 ပူးပေါင်းရင်းမြစ်များ

Ijoovu 33:9

Ọnị ọ yị rị ịvị. Ẹ yị nyị ebira odivi ọnị ọnị mẹ̀. Ayị anị ọ nị.

Ahẹ Ụgama 36:2

Ee vene ẹngụ anị, ee ro ka iruvo ka iruvo anị ọ yị vaa tụ́ ẹhẹ ịnị ebira odivi anị ana vaa mẹ ka à nyị ịhyẹrẹ anị.

Ahẹ Ụgama 51:2

Navọ wa sị ayị hụụnị avaba ebira odivi ọnị mị mẹ dị wa sị ebira odivi ọnị maa mẹ̀ hụrẹ mị ẹngụ.

Ahẹ Ụgama 51:7

Navọ wa sị avị ana aā hị́ ihisopu dị wa sị nyịna mị dị ma zụ nị̄ hụụnị ebira odivi amị. Mị ka navọ wa nyịna mị dị ma nị nịkị-nịkị hụụnị ebira odivi amị.

Ụhịrẹyị 16:2

Avaba ịsa ọnị ọzaā mẹ vị ọnị o rò ka ọ̀ vọrọ, ama Ẹnẹyịmavara e re ayị ọza nị.

Ụhịrẹyị 21:2

Ọza ọ nyẹngụ e ro ka ịsị ọnị aa mẹ ọ vọrọ, ama Ẹnẹyịmavara ọ zama ayị ọza re nị.

Ayịsaya 1:16

Na tụ̀ ụvọ hụụnị avaba ebira odivi ẹnẹẹ, mị ka avaba ịsa edivi ọnị ụ waa mẹ oni mee re aanị, na và hụụnị anị. Hụụnị ebira odivi

Ayịsaya 65:5

Ẹnịnị vanaā kà a yị aza ana vọ ka, “kana kwooze, a sị ụ sị ụvọ kanyị yị, ka aza ọnịnị ị vị̀ nị.” Ẹmịrị ẹngụ aza ẹnẹẹ ẹ yị zụ mẹ ọnya. Màa kụ ayịị hi wa, vị ọ sị mẹẹ anka ịra ene è yi me mí avọọ nị.

Ijeremaya 2:35

dị waa yị ka nịnị ka ẹ yị nyị ịsị ụ mẹ nịnị nị. Waa kà a nịnị ka ịzẹyịza, Ẹnẹyịmavara ẹ yị kụkụ kụ ayị hi u. Ama ọnị, Ẹnẹyịmavara vaa sị ụya rị ụ nịnị agụvị ka waa kà a nịnị ka wẹ yị mẹ̀ ebira odivi nịnị.

Ijeremaya 4:14

Ẹwụ nịnị Anijerusarẹmị, hụụnị ebira odivi awụ nịnị dị wa ha. Ịzị ụ maanị vaa sị ịrẹyị odivi tụ ịnị ayị nee tu nịnị?

Ezikẹẹrị 36:25

Ọnị vee che enyi ana nịị sẹ ẹwụ nịnị ẹngụ, dị ọnị nyee avaba ịdọtị ori awụ nịnị kwooze. Ọnị re vee nyee avaba ịsa ana vọ ene du wu nịnị ẹngụ kwooze.

Ihoseya 12:9

Ẹnẹyịmavara kà ọnị ọ vị Ohomorihi ana kụ́ wa hụrị ẹtẹ Ijipiti nị. Ọnị vaa mẹ̀ ka ẹ rẹẹ̀ varẹma na ra ịnị ajẹngụ anka ụmẹ ana aa sị rị eche avọọ.

Ịzakaraya 13:1

Ẹnẹyịmavara Ochẹtẹẹngụ kà a ịjị ụmẹ òo si tù, enyi vee si hụụnị ẹtẹ ana vaa nyịna ezi Idevidi ẹnịrị aza ene hi Ijerusarẹmị hụụnị ebira odivi ẹnịnị ọnịrị ẹvụvụ ori ọnị ẹ yaa hẹkẹ.

Iruuku 16:15

Dị Ijeesu kà a yị wa ka, “Ẹwụ nịnị ọọ̄ jị ịhị yị ẹngụ awụ nịnị éyi ọza nị. Ama Ohomorihi ộ yẹ ayị awụ nịnị. Ịsị aza ro ka ịsa ẹtẹẹtẹrẹ ọ vị nị, ịsa kẹnẹ-kẹnẹ ọ vị ini eyi Ohomorihi nị.

Iruuku 18:11

Dị Anihwarisi ọnọọ kwẹẹtẹ jẹẹ aha anị irenyi, dị ọ maanị aa mẹ̀ aduwa nị ka: ‘Ohomorihi, mâ kụ́ wụ avọ ka mẹ yị yà aza ana vọ mẹ̀ yà: aza anaā họ́họ̀ha, dị ẹyaa mẹ irikichi, dị ẹ rẹ yaa sẹ̀ ịrẹka. Mẹ yị hyakụ yà anka ọdẹkẹhirehi ọnọnị bẹẹ.

1 Anịkọrịntị 6:11

Ẹngụ ebira ẹnẹẹ aza ẹnyị awụ nịnịị̄ vịdịị mẹ nị. Ama Ohomorihi ọ sị ịvị awụ nịnị nyịna kwooze, ọ sị wụ nịnị nyị ka wa vị aza ọnịnị anị. Ini oze ịrẹha Ijeesu Ikirisiti Ananyị yị ọnịrị Ụhwẹ Ọnịnị, ọ raà jị ịhị yị wụ nịnị.

2 Itimoti 3:5

Dị ẹ sị tụra eyi ka ẹnị aa mẹ̀ ebira ọnịnị, ama dị ẹyị zẹẹ ka Ohomorihi ọ̀ sị ụkata yị ẹnị. Asị ẹwụrị ẹngụ aza ẹnẹẹ zị ògù vụrụ-vụrụ!

Ịtayịtọsị 3:5

Ộ dọ yị há. Ẹ́ yị vị agụvị ka ẹyị ụvọta ọ́ọ mẹ̀ ịsa ana vọrọ, ọ sị dọ yị há, ama agụvị ayamva anị kẹnẹ yọ nị. Ộ vavọọ mẹ ịnị ka ộ nyịna yị, dị ọ vara yị ọza ọwọọwa nị. Ụhwẹ Ọnịnị anị ọ vavọọ sị vara yị aza ọwọọwa nị.

Ẹtore 1:5

Ijeesu Ikirisiti, ana a zụ sị ayị tụra, ọ̀ rẹ mẹ ọyịza wụ nịnị. Ọnị ọ vị ọnịpaapa ana ha hụụnị isu nị, ọnị ọ rẹ vị ohirẹsụ ohinọyị anẹhẹ nị. Ô sì ịrẹyị ayị. Ini oze anya oni o che sẹ́ ẹtẹ o mè sú, ộ nyịna ịvị ayị kwooze.

Ọdọvịdị 17:13

Imika o hi ụhwẹ za ẹtẹ dị ọ ka booro anị ma yẹ ka Ẹnẹyịmavara vaa mẹ ọyịzaa ka mi vẹ mmẹ ra sị Anireevi mẹ ọnụtụ yị ẹmị rị ori aanị.

Ọdọvịdị 17:5

Dị Imika jị ịrẹba yị ori ọnọọ dị ọ nyị ịharamịra dị ọ rẹ nyị ori nị, ọ sị ozi anị ọnya mẹ ọnụtụ ori.