Ụhịrẹyị 30:10 - IWE ỌNỊNỊ

¹⁰ Asị ụ du ozi ahụ zụ ọga anị, agụvị asị ọ vaa tụ ozirenu hi wụ, dị ọ za wụ.

Ụhịrẹyị 30:10 ပူးပေါင်းရင်းမြစ်များ

Oyinyima 8:21

Ịjị Ẹnẹyịmavara wụ́ àgụ̀ ozoza ịsọvọ ọnọọ, dị ọ kà a ịnị ayị anị dị ọ ka, “Ọnị ọ mā vana hụ agụvị ọza chì hi ẹtẹ. Ọ kà ọnị ọ yẹ ka ọ mẹ̀ hụrẹ vi ozweyi, ariro odivi ọ yà ịnị ayị anị. Ọ kà ọnị ọ mā rẹ vana maanị wụ̀ avaba ịsa ana aa tụ́ ụhwẹ.

Ụhịrẹyị 11:26

Ọza anaā kụ ịsa naa tẹ ka ọnị ọ rị ọgụ ọdẹngụ vị ana azaā tụ́ ozirenu hi, ama aza vị anaā ga ọza anaā na ịsa yị wa ịnị ụmẹ ene yee sị ọ.

Ụhịrẹyị 28:27

Ịsa ẹ yị vaa zwọ ọza anaā sịị ịsa yị onosiye ama ọza anaa sị eyi jịnẹ ẹ vị ana vaa dọ ozirenu ọrụrụ-ọrụrụ.

Ịrẹyị Ọzwọzịsa 7:21

Asị ụ sị ụtọ pe avaba ịrẹyị ana aza aa kà, ẹyị vavọọ, ụ va wụ ka ezi ahụ awụ aa kụ wụ ụhụ.

Ịdanịyẹrị 6:13

Dị ẹnịnị va káa yị ohinọyị ka, ọnyara ịnị ẹnị ọrịhị ana a kụ hụrị Ijuda vẹ ana aā hị́ Ịdanịyẹrị ẹ yị saasa ọda ọnọọ. Ẹ ka ụpẹ ẹẹta aa yịị mẹ̀ aduwa ẹkụhị-ẹkụhị nị.

Ịdanịyẹrị 6:24

Dị ohinọyị ọnọnị mẹ ọda ka à na zá avaba aza ana sị ịrẹyị Ịdanịyẹrị va tụ ịrẹka nị. Ịzẹyịza dị a na zá wa nị. Dị a kụ wa beri ezi ẹnịnị ọnịrị ose ẹnịnị, dị e ne wa và hí ịnị ụsị ana kụ idu nịnị hi nị. Dị a naa nyị ka ê tu ẹtẹ idu za wa, dị ẹ nà wa rị chẹ́kẹ̀-chẹ́kẹ̀ nị. Ẹchụkụ ẹnịnị ikonyara ẹ yị hyakụ vẹtẹ.

Aniroomi 14:4

Ẹnẹ vị ẹwụ ana aa naa jị ịvị yị ozi ahụ ọza ẹnẹsa? Ọ̀ọ mẹ ẹtẹẹrẹ, ọ̀ọ mẹ divi, ọga anị ọ vaa kà a nị. Ọ hyakụ vaa mẹ ẹtẹẹrẹ, agụvị ka Ohomorihi ọ vaa mẹẹ ka ọ̀ mẹ ẹtẹẹrẹ nị.

Iwe Ọhụhị Imosiisi ana aa hị́ Ọyịvatụrọda 15:9

Asị e rò ka ịrayị ịhịmba anaā sịị sị eyi hụụnị ụta yị ọza ọ sị gụrị ẹtẹ, agụvị avọọ wẹ yị sị. Onosiye ọnọọ òo na owu hị́ Ẹnẹyịmavara, ọza ọnọọ aa mẹ̀ ịvị.

Iwe Ọhụhị Imosiisi ana aa hị́ Ọyịvatụrọda 23:15

Ọrịhị òo zwè hụụ ịdị ọza ana nyị ọ ve tù wu nịnị, à sị ụ dụ ọ varẹma nịnị.

1 Ịsamụwẹrị 24:9

Dị ọ kà a yị Ịsọọrụ dị ọ ka, “Sị ẹ vẹ dị waa wụ́ ịrẹyị aza ana aa kà a ka vi i mee sì ka ma wụ nị?

1 Ịsamụwẹrị 26:19

Taarụ ohinọyị, navọ wa wụ́ ịrẹyị amị. Àa vị Ẹnẹyịmavara ọ ka waa dụ mị nị, ọ̀ navọ ọ̀ dọ ịsọvọ ọnị maa sịị da ịpẹ. Àa vị aza ẹ maanị aa tụ́ wụ́ ịrẹyị nị, Ẹnẹyịmavara ọ yị vaa zẹẹ ka ò zoza yị aza ẹnẹẹ. Ẹ sị mị dụ hụụ ịda aza Ẹnẹyịmavara, ẹ ka ma kụkụ naa hẹkẹ ori.

1 Ịsamụwẹrị 30:15

Dị Idevidi ka ọ́ọ́ zụ sị ọnị nọ ịda aza ana maanị va dụ aza va ha aanị. Di Anijipiti ka Idevidi ọ̀ọ nyẹngụ sị Ohomorihi hị́ eku ka ọnị ọ yị vaa wu ọnị, dị asị ọ rẹ sị ọnị varẹma na yị ọga anị, ọnị vaa sị ọ naa zụ̀ aza ẹnẹẹ.