Ụhịrẹyị 3:9 - IWE ỌNỊNỊ

⁹ Sị ogu awụ ọnịrị avaba ịsa ịnị aarẹ ịpaapa awụ va sị ụbanyị yị Ẹnẹyịmavara.

Ụhịrẹyị 3:9 ပူးပေါင်းရင်းမြစ်များ

Oyinyima 28:22

Ịrẹta oni oni hì jẹẹ aanị ọ vị ịzị a vaa dà irehi Ohomorihii tụ́ nị. Avaba ịsị ọ̀ọ sị yị, ọnị vaa sị agẹẹwụ anịị yọ.

2 Ịtọpa 31:10

Azariya ana vị ohirẹsụ ọbanyị irehi Ohomorihi ohirẹsụ ana vị ozi Ịzadọkị kà a yị ohinọyị ka hụrẹ ụmẹ ọnị aza aa kụ́ ịsa vẹ ịsọyịrị vị ana gwẹẹtẹ dị ọ vọ ẹtẹ. Ộ maanị zee yị ẹnị agụvị ka Ẹnẹyịmavara ộ mẹ̀ ka o zee yị aza anị.

2 Ịtọpa 31:21

Ô zee yị Ihezekaya ẹtẹẹtẹrẹ, agụvị ka avaba ịsa ọnị ọ mẹ yị Irehi Ohomorihi, ọnịrị ọ́ mẹmẹ saasa ọda Ohomorihi, vị ọnị ọ́ mẹ agụvị ka ộ sị ayị yị Ohomorihi anị ọnịnya, dị ọ kụ́ ẹngụ hi ịrẹyị anị nị.

Ahẹ Ụgama 144:13

Navọ à nyị ịsọyịrị irenyi-irenyi gwẹtẹ ịnị ụhwọ ayị, dị atẹmẹ ẹ gwẹẹtẹ hi ẹtẹ kẹnẹ ịnị aarẹ ayị.

Ọyịkụra 22:29

Òo si tù ka wa sị ịnị akụ awụ ọnịrị eche awụ ne beri angwẹ awụ va mị, asị ụ ngụ ayịsa anịị mị. Ozi ịpaapa awụ ọ̀ọ vị ọnọrụ, ẹmị ụ waa sịị yị nị.

Ọyịkụra 23:16

Ụ rẹ vaa rị Eche ụmẹ ọnị ịsa ịnị aarẹ sị mẹ. Wàa naa sị ịsa ịnị aarẹ ana vịdị mẹ ụ vaa rị Eche ọnọọ nịnị nị. Ịrayị ọ̀ọ sị gẹ dị waa naa kụ́ ịsa ịnị aarẹ naa tẹ nịnị nị, ụ rẹ vaa rị Eche ụmẹ ọnị aa sịị kụ́ ịsa nee hi ịnị ụhwọ.

Ọyịkụra 23:19

Ịsa ịpaapa ọnị ụ wàa sị hụụnị aarẹ awụ ụ sị ọ vẹ ini eehi ẹmị Ẹnẹyịmavara ana vi Ohomorihi awụ. Wàa chịnẹ ozi ẹvụ, asị ụ sị inono ọnyị anị tụ́ ọ chịnẹ.

Ọyịkụra 34:26

Ịsa ịpaapa ọnị ụ wàa sị hụụnị ịnị aarẹ awụ, sị ọ ve ini eehi ẹmị Ẹnẹyịmavara ana vị Ohomorihi awụ. “Wàa chịnẹ ozi ẹvụ asị ụ sị inono ọnyị anị tụ́ ọ chịnẹ.”

Ụhịrẹyị 11:25

Ọza anaā mẹ̀ ẹyịza vị ọnị o zee yị, ọza anaā mẹ̀ ọgụvọ yị aza vee re ọgụvọ.

Ụhịrẹyị 14:31

Ọza ana aā mẹ̀ ẹvaya yị onosiye vi enee du Ohomorihi ana mẹ̀ ẹ, ama ọza ana sị ụbanyị yị ọ vị anaā vayị onosiye.

Ayịsaya 43:23

Wẹ yị kụ atẹmẹ ẹnịrị ẹvụ awụ nịnị va mẹ̀ ịsọvọ ana aā rị ịra yị mị nịnị. Wẹ yị mẹ̀ ịsọvọ ka wa sị ụbanyị yị mị nịnị. Mẹ yị kụ́ kata wụ nịnị ẹngụ ka wa va mẹ̀ ịsọvọ yị mị nịnị. Mẹ yị kụ́ kata wụ nịnị ẹngụ ka wa sị eturare vẹ nịnị.

Ireevi 19:25

Ama ịnị ịrayị ọhụhị anị, ẹnịnị ẹ́ zụ aa rị ẹtụtụ ọchị ẹnẹẹ, ọ ka ẹnịnị ẹ̀ẹ maanị mẹ avaba ẹsẹnị, ọchị ẹnịnị vaa tụ́ ẹtụtụụ yị wa hu avọọ. Ọnị ọ vị Ẹnẹyịmavara, Ohomorihi ẹnịnị nị.

Ịrịka 15:20

Ẹ̀ mẹ apapa hụụnị ayị ịpaapa ẹnịnị va yị ọnị anka a mẹrẹ mẹ akụ ịpaapa ene e tú avọọ nị.

Imatiwu 25:17

Ana dọ achuchu ẹẹva, ọnị ọ rẹ rị ọgụ achuchu ẹẹva tụ́ ọọ.

1 Anịkọrịntị 16:2

Ịnị ẹkụhị ọsẹ ẹkụhị ọsẹ, ọzọza ọ̀ọ sị ịnị ẹkẹhị anịị tẹ̀, anka ọpa ẹkẹhị ọnị ọ nyị; agụvị ịhị màa vẹ ịdị awụ nịnị, asị a na nyị ka àa dọ ẹkẹhị.

Iwe Ọhụhị Imosiisi ana aa hị́ Ọyịvatụrọda 14:29

Ịsọyịrị ọnọnị vị Aanireevi nịnị ẹnị ẹ yị nyị ogu ụvọta ẹnịnị, ọnịrị azọga, ozi oku beri osoku, ana ra ini ẹkụra awụ nịnị. Ẹnịnị vị anaā va dọ ịsọyịrị hụrị ịzọọ. Wàa sị agẹẹwụ awụ nịnị vẹ, Ẹnẹyịmavara Ohomorihi awụ nịnị vaa mẹ ka o ze yị wụ nịnị ịnị ịsa tụra ịsa ọnị u waa mẹ.