Ụhịrẹyị 3:7 - IWE ỌNỊNỊ

⁷ Asị u ro ka eyi awụ o hweyi, ama dọ ịrẹyị Ẹnẹyịmavara tụ ịzọọ, dị ụ waa nyị ịhyẹrẹ ebira odivi.

Ụhịrẹyị 3:7 ပူးပေါင်းရင်းမြစ်များ

2 Ịsamụwẹrị 12:20

Idevidi mẹ̀ vavọọ wụ́, dị ọ hụ̄ enyi, dị ọ dá ịsa sisi ẹngụ anị nị. Di o chire awuru ọsa, dị ọ ngụ ini irehi Ẹnẹyịmavara di o kú ẹtẹ kụ́ ọ nị. Dị ọ varẹma nọ ini eehi anị dị ọ ka à sị ịsa yị ọnị, dị a sị ịsa yọ, dị ọ rị ọ nị.

Inehemaya 5:15

Avaba Ịgọvọnọ nịnị ana vịdị rị di o ve tu mị vị ana vị ẹnya yị aza. Ẹnịnị vana sị ụkata-ụkata za aza ka è si ụta ịsọyịrị ọnịrị eche ẹnịnị. Dị aza e si akana-akana ẹkụhị-ẹkụhị nị. Avọọ ẹnịrị ọdọvịdị ẹkụra nịnị mẹ vị ẹngụkata yị aza nị. Ama agụvị ka mê hí angwa Ohomorihi, mẹ yị vavọọ mẹ.

Ijoovu 1:1

 nyị ụmẹ ọnya ịnị ẹtẹ Uzi ana a nyị ọnọrụ ọnya aanị ọnị ịrẹha anị rị Ijoovu. Ọza anaā mẹ̀ ebira ana vọrọ dị ẹ̀ yị mā mẹ ịrẹyị ọhịmị ọ vị nị, ka oo hí angwa Ohomorihi ẹ̀ yị mẹ̀ ebira odivi.

Ijoovu 28:28

Dị Ohomorihi ka yị ọza ka: ịzẹyịza, ọza ọ̀ nyị angwahi anị ọ vị ịrẹyọyẹ nị. Ọza ana va hụụnị ebira odivi ọ yẹ ịsa aa mẹ nị.

Ọyịkụra 20:20

Di Imosiisi ka, “Asị u rè hí angwa nịnị. Ohomorihi vị ana va zama wụ nịnị re. Ee sì ka wee hí angwa anị nịnị agụvị dị asị ụ na mẹ̀ ịvị nịnị.”

Ụhịrẹyị 14:16

Ọza ana yẹ ịrẹyị vị ene e zwe yị ịrẹyị ama ọnụra vị ene zwe huuru na gẹrị ọ.

Ụhịrẹyị 14:27

Ẹnẹyịmavara ọọ̄ sị ẹhẹ obooro yị ọza ene hí angwa anị nị agụvị asị usu jị ọ hi.

Ụhịrẹyị 16:6

Ọza eneē hí angwa Ẹnẹyịmavara vi ene zwe yi ebira odivi. Ohomorihi vaa vagu ebira odivi ẹngụ ọza ọnọọ agụvị ka o sì ịrẹyị anị, dị ọ wụ́ chire e nị.

Ụhịrẹyị 23:4

Asị ụ wụ ẹngụ awụ tụra ịrẹsụ ẹkẹhị oyisì. Sị ịrẹyọyẹ va ahụ vị ịrẹma.

Ụhịrẹyị 26:12

Ọnụra ọ dahi huu ọza ẹnẹẹ yị yẹ ịrẹyị ene ro ka ọnị ọ yẹ ịrẹyị nị.

Ụhịrẹyị 26:5

Va ohi ịrẹyị yị ọnụra dị ọ yẹ́ ka ọnị ọ yị yẹ ịrẹyị anka o mẹ rò.

Ụhịrẹyị 28:11

Ọnyẹkẹhị nịnị vị ene ro ka ẹnị ẹ nyị ịrẹyọyẹ, ama onosiye ọnị eyi anị hweyi ọ́ọ yẹ iruvo anị.

Ụhịrẹyị 28:26

Ọnụra kẹnẹ o ro ka ọnị ọ hụ ẹngụ anị nị, ama ọza ana mẹ̀ ịrẹyọyẹ ọ vaa ha nị.

Ụhịrẹyị 8:13

Ọza ana sị ụbanyị yị Ẹnẹyịmavara ẹẹ̄ nyị ịhyẹrẹ ịsa edivi nị. Ẹngụ ọza ọnọọ ọọ̄ nyị ịhyẹrẹ aza ana sị ẹngụ tụ ẹba, dị ẹ rẹ mẹ ịkanggụ. Ọnị ọ nyị ịhyẹrẹ ebira odivi ọnịrị ịrẹyị kẹnẹ-kẹnẹ ọ yị ka nị.

Ịrẹyị Ọzwọzịsa 12:13

Ya sị avaba ịrẹyị wụ, ịsị aa sị za ịrẹyị ịrẹsụ yị. Hi angwa Ohomorihi, dị waa saasa ọda Anị, agụvị ka avaba ụkọrọ ọnị Ohomorihi sị yị ẹyị ọza ịnị ẹhẹ ọ vị ọnọọ nị.

Ayịsaya 5:21

Wa sị dà nịnị, ẹwụ nịnị ene ee re ẹngụ awụ nịnị ka wâ dà yẹ ịrẹyị nịnị.

Aniroomi 11:25

Ẹwụ nịnị ẹyịnyara amị, â nyị ịrẹyị ọnya oni iruvo anị nyịnẹ oni mee sì ka wa yẹ nịnị. Wàa yẹ ịrẹyị ọnọọ nịnị, ọyị kụkụ vaa zẹẹ ka we nee roo nịnị ka wâ da yẹ ịrẹyị nịnị kẹnẹ. Ịrẹyị ọnọọ yị: Anisirẹrị ẹnyị vị ana aa mẹ ayọkatẹngụ pooro ne tù ụmẹ ọnị ịrịka Anigiriki ana aa vẹ ịda Ohomorihi ọ̀ọ sị gụ.

Aniroomi 12:16

Sị ayị yị ẹngụ nịnị. Asị ụ sị ẹngụ awụ nịnị tụ́ ẹba. Và eyi nẹtẹ, dị ẹwụrị onosiye nịnị ẹ̀ẹ za ọta. Asị u ne roo ka wâ da yẹ ịrẹyị nịnị kẹnẹ.