Ụhịrẹyị 3:5 - IWE ỌNỊNỊ

⁵ Sị avaba ayị awụ tụra Ẹnẹyịmavara, asị ụ sị eyi tụra ẹngụ awụ.

Ụhịrẹyị 3:5 ပူးပေါင်းရင်းမြစ်များ

Ẹzịra 8:23

Agụvị avọ dị ẹ sị ịzẹyịza mẹ̀ aduwa, dị ẹ̀ yị rị ịsa nị. Ohomorihi ộ wụ́ aduwa ẹnịnị dị o sere wa nị.

Ijoovu 13:15

Ohomorihi ọ̀ọ daka aa wụ ọnị, ẹ́ yị nyị ịsị ọsa ọnị ọnị aa tụra eyi, ẹ̀ vị ọnị. Agụvị avọọ ọnị aa kụ irenu anị eyi anị aanị nị.

Ahẹ Ụgama 125:1

Aza ana sị ayị tụra Ẹnẹyịmavara vị ana vaa jẹẹ anka ataba avọọ. Vị ẹ vaa jẹẹ nganganga pooro nị, ẹ yị nyị ịsị ee zizi wa.

Ahẹ Ụgama 37:3

Sị ayị tụra Ẹnẹyịmavara, dị waa mẹ̀ ebira ene zoza Tangwa ra ịnị ẹtẹ ọnị ọ sị wụ dị asị a nyị ịsị ẹ mẹ̀ wụ.

Ahẹ Ụgama 37:5

Sị avaba ẹhẹ awụ chire Ẹnẹyịmavara ụvọ dị wa sị ayị tụra a ka ọ vaa mẹ ọgụvọ.

Ahẹ Ụgama 37:7

Maanị nyị isuuru hẹẹ dị wa jẹẹ zi Ẹnẹyịmavara Wèe re ka aza edivi aa mẹ̀ ịsa ẹnẹ ẹ̀ yị vọrọ di ee zozaa yị wa nị asị ụ hụ agụvị avọọ kụ́ ayị.

Ahẹ Ụgama 62:8

Ẹwụ nịnị anda ayị, waa sị ayịị tụra Ohomorihi nịnị pooro kẹnẹ Avaba ịrẹyị oni wèe re ana kata wụ ẹngụ dị ụ kà a yọ agụvị ka ọnị ọ vị Ohomorihi ẹnẹ ẹ̀ yị zẹẹ ka à nyị ịsị ẹ kanyị yị nị.

Ụhịrẹyị 22:19

Maa sị ịrẹyị ẹnẹẹ zụ́ wu ajịnị agụvị wa sị ayị tụra Ẹnẹyịmavara.

Ụhịrẹyị 23:4

Asị ụ wụ ẹngụ awụ tụra ịrẹsụ ẹkẹhị oyisì. Sị ịrẹyọyẹ va ahụ vị ịrẹma.

Ụhịrẹyị 28:26

Ọnụra kẹnẹ o ro ka ọnị ọ hụ ẹngụ anị nị, ama ọza ana mẹ̀ ịrẹyọyẹ ọ vaa ha nị.

Ụhịrẹyị 3:7

Asị u ro ka eyi awụ o hweyi, ama dọ ịrẹyị Ẹnẹyịmavara tụ ịzọọ, dị ụ waa nyị ịhyẹrẹ ebira odivi.

Ayịsaya 12:2

Ịzẹyịza Ohomorihi ọ vị ẹnẹdọha amị nị. Ẹwụ m maa sị ayịị tụra nị, me yi vee hí angwa. Ẹnẹyịmavara ọ sị ụkata yị mị nị. Ẹwa m maa sịị jị ahẹ nị. Ọnị ọ vị ẹnẹdọha amị nị.

Ijeremaya 10:23

Ijeremaya ka, Ẹnẹyịmavara ọnị oo yẹ ka ẹ yị nyị ọza ana zụ sị ụvọ nya ịrachị ọnị ọ nyị ẹhẹ anị nị. Ẹ yị nyị ọza ana nyị ụkata ka a ka aanị ọnị mẹ vaa mẹ ẹhẹ anị nị.

Ijeremaya 9:23

Ẹnẹyịmavara kà, asị ọyẹrẹyị nịnị sị ịrẹyọyẹ ẹnịnị wo oto. Asị aza ana nyị ụkata sị ụkata ẹnịnị wo oto. Dị a sị opisa nịnị sị ogu ẹnịnị wo oto.

Ịrịka 9:20

Ụmẹ ẹnyị eguhi vị ana mẹ ẹkụhị che kẹnẹ ịrẹsụ ajẹngụ, dị Ẹnẹyịmavara ọ kà a ka ẹẹ kwẹẹtẹ, dị ẹ rẹ kwẹẹtẹ.

Ịrịka 9:22

Ọ̀ọ daka vị ẹkụhị ẹẹva, ọ vị ụhwẹ, a vị ịrayị eguhi mẹ ịrẹsụ ajẹngụ nị, Avaba Anisirẹrị vị ana vavọọ e zi ọ. Ịhị ọ̀ọ kwẹẹtẹ kẹnẹ ẹnị re wu ẹnịnị dị ẹ yaa zị ụsẹ nị.

Aniroomi 12:16

Sị ayị yị ẹngụ nịnị. Asị ụ sị ẹngụ awụ nịnị tụ́ ẹba. Và eyi nẹtẹ, dị ẹwụrị onosiye nịnị ẹ̀ẹ za ọta. Asị u ne roo ka wâ da yẹ ịrẹyị nịnị kẹnẹ.

Anẹhwẹsọsị 1:12

ẹyị ana ahịka ẹya vịdị aa tụra Ikirisiti eyi aanị nị, ya ga ụbanyị Ohomorihi.