Ụhịrẹyị 3:4 - IWE ỌNỊNỊ

⁴ Wàa vavọọ aa mẹ, ayị Ohomorihi ọnịrị aza vee hine tu wu, dị ụ nyị ụbanyị.

Ụhịrẹyị 3:4 ပူးပေါင်းရင်းမြစ်များ

Oyinyima 39:21

Ama Ẹnẹyịmavara vị ana jẹ ịrẹma Ijosẹẹhụ. Ô yi hi ayị Ijosẹẹhụ, dị ọ mẹ ka ọga aza ene sị eyi pè anịnẹngwa è sì ịrẹyị Ijosẹẹhụ nị.

Ahẹ Ụgama 111:10

Ọza ọ̀ọ nyị angwahi Ohomorihi, o si nyima aa yẹ ịrẹyị. Avaba aza ana a saasa ọda anị vi ana nyayịnẹ ẹ yẹ ịrẹyị Ohomorihi a vọrọ ka àa kụ́ avọ pooro zịna-zịna nị.

Ụhịrẹyị 12:2

Ayị Ẹnẹyịmavara hine tu ọza ọyịza ama ọza ọhịmị ene ro ịrẹyị odivi vị ọnị ọ sị ụya rị.

Ụhịrẹyị 13:15

Ebira ozoza vị ana a sị ụbanyị yị ọza ama apẹ ọyị mẹ̀ ẹ yị nyị ịzị o tu.

Ụhịrẹyị 8:35

Ộ ka aza ana nyị ịrẹyọyẹ ẹẹ̄ mẹ ẹhẹ obooro nị. Ayị Ẹnẹyịmavara vee hine tu wa.

Ịdanịyẹrị 1:9

Ohomorihi ộ mẹ̀ ka Asipenazi ọ ngụ ayị ịdanịyẹrị ẹtẹẹtẹrẹ.

Iruuku 2:52

Ijeesu aa vịra, aa yẹ ịrẹyịị hu avọọ, ọ raa hụ. Ohomorihi ô sì ịrẹyị anị, aza eni ree sì ịrẹyị anịị hu avọọ bẹẹ.

Odeyi 2:47

Dị ẹyaa ga Ohomorihi nị; ẹhẹ ẹnịnị ô zé avaba aza eyi. Eyinị-eyinị, dị Ananyị yị aa kụ́ aza ọnị ọ sị dọ há vaa vaka ịragụ ẹnịnị.

Aniroomi 14:18

Ọza ana àa vavọọ aa hẹkẹ Ikirisiti, óo zé Ohomorihi eyi, aza ẹ rẹ sị ụvọ tụ́ ọọ bẹẹ.

2 Anịkọrịntị 8:21

Ẹ yị vị Ananyị yị kẹnẹ, i yee sì ka ya mẹ̀ ịsa ana vọrọ ini eyi anị. Yee sì ka ya rẹẹ mẹ̀ ịsa ana vọrọ ini eyi ọza bẹẹ.

1 Ịsamụwẹrị 2:21

Ẹnẹyịmavara ộ nyị Ịhaana iyi ẹtẹẹtẹrẹ. O re zyẹẹ tụra ẹngụ tụra ẹngụ dị ọ ma ezi anọrụ ẹẹta ọnịrị ezi anẹẹ ẹẹva. Ama Ịsamụwẹrị ọnị yị ya ịda Ẹnẹyịmavara, aa vịra.

1 Ịsamụwẹrị 2:26

Ịsamụwẹrị ọnị vị ana aa yịị hụ. Aza ê sì ịrẹyị anị, avọọ Ẹnẹyịmavara ọnị mè re sì ịrẹyị anị nị.