Ụhịrẹyị 3:1 - IWE ỌNỊNỊ

¹ Ozi emi, asị u hi ayị ịrẹyị ọnị mị kà yị wụ. Waa sị̀ ịrẹyị ẹnẹẹ vị ebira mẹ ụmẹ tụra ụmẹ.

Ụhịrẹyị 3:1 ပူးပေါင်းရင်းမြစ်များ

Ahẹ Ụgama 119:11

Ma raà dọ ịrẹyị ọnị ụ kà tụ́ ịnị ayị amị agụvị asị mị na mẹ̀ ebira odivi vẹ ịda awụ

Ahẹ Ụgama 119:153

Ẹnẹyịmavara, navọ we re ụya ọnị maa rị dị wa dọ mị tụ́. Wâ yẹ ka me yi hi ayị ọda ọnị ụ mẹ.

Ahẹ Ụgama 119:16

Ọda awụ ô zee mi eyi, me yi vee hí ayị ịrẹyị ọnị ụ ka.

Ahẹ Ụgama 119:176

Me si nyee eyi anka atẹmẹ ene vu avọọ. Navọ we ve sì ẹmị ozi ahụ awụ, agụvị ka me yi hí ayị ọda ọnị ụ mẹ.

Ahẹ Ụgama 119:34

Navọ wa sị ịrẹyọyẹ mị, dị ma sị ụvọ za ọda awụ dị maa sị avaba ayị amịị saasa a.

Ahẹ Ụgama 119:61

Òo zee e eyi aza edivi ẹ̀ sị obo sụ́ mị, me yi vee hí ayị ọda ọnị ụ mẹ.

Ahẹ Ụgama 119:93

Me yi vee hi ayị ọda ọnị ụ mẹ. Ẹnị ẹ mẹ ka asị mi sú nị.

Ahẹ Ụgama 91:16

Ọ rẹ ka ọnị vaa sị ụhwẹ ọgọdọọ yị wa, dị ọnị dọ wa tụ́.

Ọyịkụra 20:6

Ama ọza ene èe sì ịrẹyị amị, dị ọ jẹẹ pè ọda amị nị, emi re vee sì ịrẹyị ọza ọnọọ ọnịrị ezi ana vana a hụrẹ ịpa anịị vẹ pooro-pooro.

Ụhịrẹyị 1:8

Ozi emi, wụ́ ịrẹyị ada awụ, dị asị ụ si eyi wụ́ ịrẹyị ọnyị awụ.

Ụhịrẹyị 16:31

Ẹwa vị ụbanyị yị ọza ene bo tu ọ; aha ọ vị ka ọza ọ ra ẹhẹ ọyịza nị.

Ụhịrẹyị 2:1

Ozi emi, si ụtọ pe ịrẹyị ọnị mị kà yị wụ. Asị ụ hi ayị anị.

Ụhịrẹyị 23:26

Ozi emi, sị eyi pe mi, waa saasa ahụ ọnị mèe hu.

Ụhịrẹyị 31:5

Ẹyị vị avọọ ọ vaa mẹ ka asị ẹ saasa ọda Ohomorihi dị ẹ kụkụ à mẹ ẹvaya yị onosiye nịnị.

Ụhịrẹyị 4:2

Ajuwe ozoza ma sị wụ aanị nị. Asị ụ ne e ta o.

Ụhịrẹyị 4:21

Asị ụ hi ayị ịrẹyị ẹnẹẹ, waa tama ayị anị.

Ụhịrẹyị 4:5

Asị mị hi ayị ịrẹyị anị, dị asị va ịrẹma ka a agụvị ma nyị ịrẹyọyẹ, dị eyi amị o hweyi.

Ụhịrẹyị 8:1

Sị ụtọ pe ẹtẹ wa wụ ịrẹyọyẹ maa hị́ ọza. Ọ sị ọngwẹ tụ ẹba é na owu.

Ụhịrẹyị 9:1

Ịrẹyọyẹ ộ da irehi anị dị ọ jị ohinẹ ịhịmba ka a jẹẹ ka asị o wu.

Ayịsaya 51:17

Kwẹẹtẹ Ijerusarẹmị, ha kwẹẹtẹ, Ẹnẹyịmavara ọ raà ka wụ nịnị enyi ụya ịnị ọyịkụ anị. We reè hu ọ ẹnẹmẹhị ana mẹ ka ọọ mẹrị wụ, dị waa vanga nị.

Ijeremaya 31:33

Ẹnẹyịmavara kà, aanị ọnị mẹ vaa zẹẹ oto ọwọọwa yị wa nị: Ọnị vaa chẹrẹ ọda anị tụ ịnị ayị ẹnịnị; ọnị vaa vị Ohomorihi ẹnịnị, dị ẹnịnị vị aza anị.

Ihoseya 4:6

Ẹnẹyịmavara kà eyogu aa wụ́ aza anị. Ohirẹsụ irehi anị nịnị ẹ yaa mẹ̀ akamawụ hị́ ọnị. Ọnị o yi wa tịtẹ agụvị ka ẹnịnị e hi ayị ịrẹyị anị. Agụvị avọọ ọnị ẹ yị vaa tamayị ezi ẹnịnị.

Iwe Ọhụhị Imosiisi ana aa hị́ Ọyịvatụrọda 4:23

Avọọ, ọnị e su ịnị ẹtẹ ọnọnị, dị asị e hi ayị oto ọnị ẹnịrị Ẹnẹyịmavara Ohomorihi ẹnịnị mẹ. Ẹ saasa ọda, dị asị ẹ mẹ̀ ori ẹnyẹẹnyị,

Iwe Ọhụhị Imosiisi ana aa hị́ Ọyịvatụrọda 4:9

Ẹnịnị ẹ sị eyi pe ẹngụ ẹnịnị, dị asị a nyị ụmẹ ọnị ẹ sị hi ayị ịsị ẹ sị eyi ẹnịnị re. Ẹ pa ịta zụ ezi ọnịrị aazị ẹnịnị.

Iwe Ọhụhị Imosiisi ana aa hị́ Ọyịvatụrọda 5:16

Sị ụbanyị yị ọnyị awụ ọnịrị ada awụ anka Ẹnẹyịmavara ana vị Ohomorihi awụ agụvị dị we zụ kú orubo, dị o zee yị wụ ịnị ẹtẹ ọnị Ẹnẹyịmavara ana vị Ohomorihi sịị yị wụ.

Iwe Ọhụhị Imosiisi ana aa hị́ Ọyịvatụrọda 5:33

Saasa avaba ọda ọnị Ẹnẹyịmavara ana vị Ohomorihi awụ mẹ agụvị dị oze yị wụ, dị waa kú orubo ịnị ẹtẹ ọnị Ẹnẹyịmavara ana vị Ohomorihi awụ vaa sị yị wụ.

Iwe Ọhụhị Imosiisi ana aa hị́ Ọyịvatụrọda 8:1

“Re ka wa sị ụvọ za avaba ọda anaa ka yị wụ aanị agụvị dị wa zụ ra, dị waa rụrụ hu avọọ, dị wa na dọ ẹtẹ ọnị Ẹnẹyịmavara raa hị́ eku anị ka ọnị ọ sị yị ohiku ẹnịnị.