Ụhịrẹyị 29:4 - IWE ỌNỊNỊ

⁴ Ohinọyị àa sị ịzẹyịza mẹ̀ ịjọva ẹkụraa kwẹẹtẹ nị, ama ohinọyị anaa ba ọza uchuvọta vị ene du ẹkụra.

Ụhịrẹyị 29:4 ပူးပေါင်းရင်းမြစ်များ

2 Ịsamụwẹrị 8:15

Idevidi ộ vị ohinọyị avaba Anisirẹrị dị ọ mẹ ịzẹyịza ọnịrị ịsa ana vọrọ ka aā mẹẹ yị avaba aza anị nị.

1 Ohinọyị 2:12

Isoromọnị ọ sị yaayịtẹ ịrẹsụ ode Idevidi ada anị anka ohinọyị. Di o re ka ọnị ộ mẹ̀ ka ohinọyị ọnị ọnị rị ộ jẹẹ ẹtẹẹrẹ nị.

2 Ịtọpa 9:8

Ọ kà ọnị ọ́ kụ́ Ẹnẹyịmavara Ohomorihi anị avọ agụvị ka ọ raà sị zụ ayị anị mẹmẹ hine tù ọnị, dị ọ mẹ̀ ọnị ohinọyị ka ọnị sị ịrẹha mẹ̀ ịjọva tụra aza anị ịrẹsụ. Ka Ẹnẹyịmavara o sị ịrẹyị aza Isirẹrị, dị ọ sị ka ọnị o sere wa pooro zịna-zịna, dị ọ nyị Isoromọnị agụvị ọ sị ụkọ za ọda dị ọ mẹ ịzẹyịza.

Ijoovu 11:6

dị ọ ka yị ọ ka ịrẹyọyẹ vị irenyi-irenyi. A nyị ịsa ọnị ọza kẹnẹ ẹ yị zụ yẹ. Ohomorihi vana hẹrẹ ẹnya ụya anị yọ.

Ahẹ Ụgama 89:14

Ịsa ana vọrọ ọnịrị ịzẹyịza ụ jẹẹ ịrẹsụ anị aa mẹ ohinọyị nị. Ọza vị oni ụụ̄ sì ịrẹyị anị, wẹ mā mẹ ọza apẹ.

Ahẹ Ụgama 99:4

Ohomorihi ohinọyị vị ana nyị ụkata, oō sì ka asị a mẹ apẹ. Ọ raà sị ịzẹyịza hi ẹtẹ ini Isirẹrị, ịsa ana vọrọọ mẹ nị.

Ụhịrẹyị 14:34

Ịzẹyịza vị anaā sịị ẹkụra kà a tụ ọvịdị ama ebira odivi vị anaā mẹ̀ ụhị nyị ẹkụra.

Ụhịrẹyị 16:10

Ẹnẹyịmavara ọọ̄ sị ịrẹyị yị ohinọyị ka, dị asị ọ mẹ̀ ọkarẹyị akụvị nị.

Ụhịrẹyị 16:12

Ohinọyị vị ana vọrọ ka ọ nyị ịhyẹrẹ ebira odivi agụvị ka ịzẹyịza ọ sị ụkata yị ohinọyị nị.

Ụhịrẹyị 20:8

Ohinọyị ana ya ịrẹsụ ode aa mẹ̀ ọkarẹyị, ọ yẹ ịsa ẹnẹ ẹ yị vị ịzẹyịza.

Ụhịrẹyị 29:14

Ohinọyị anaā mẹ ịzẹyịza ka onosiye na vị eneē ku orubo ịrẹsụ ode ohinọyị.

Ụhịrẹyị 8:15

Ọnị ọọ̄ mẹ̀ ka ohinọyị nịnị ẹ̀ẹ mẹ ịjọva, dị ọdọvịdị nịnị ẹnị ẹ rẹ mẹ ọda ene zoza nị.

Ayịsaya 49:8

 nyị ụmẹ ọnya ọnị Ẹnẹyịmavara kà ịrẹyị yị Anisirẹrị: Ọ kà ụmẹ mee tu ọnị ọ wụ́ aduwa ẹnịnị, dị ọnị gụ wa ụvọ, dị ọnị rẹ dọ wa ha. Ọnị rẹ vaa mẹ̀ ịsa yị wa ọnị anẹkụra ana vọ vaa nyị ụvọọ tụ ọ. Ọnị vaa da ẹkụra ẹnịnị ene du varẹma yị wa.

Ayịsaya 9:7

Ụkata Ịjọva anị vị ana vaa hịrẹ ūna hu avọọ, Ẹngwọọrọ ọnị ọ vaa sị vẹ ọ ma vana ta pàá zịna-zịna. Ọnị ọ vaa vị ohinọyị dọ Idevidi ịrẹsụ nị. Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị. Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.

Ịdanịyẹrị 11:20

Ohinọyị ọsa vaa vẹ udi anị. Ọnọọ vaa tụ́ ọnụkọrọ anị ọnya ka ọ naa mẹ ẹvaya yị aza, dị ọ̀ọ dọ wa ẹkẹhịrehi agụvị ịsa ẹ gụ ẹtẹ ịnị ụmẹ ọnị ọnị aà mẹ ịjọva. Ọ̀ọ ne ku chee, ẹ yị vaa vị eyi avaba aza, ẹ yị rẹ vaa vị eyirẹkụ, dị a wụ ọ.

Imika 7:3

Ịsị ẹnịnị yẹ eyi anị, ọ vị ebira odivi nị. Ohinọyị ọnịrị ọmọkarẹyị aa dọ ochirerenu. Ịsa aza ana nyị ụkata sì, ịsa ọnọọ ẹ vaa mẹ nị Avọọ ọ maa mịị mẹ, dị ẹ vabẹ, dị ẹ yaa gẹ eyi zi nị.

1 Ịsamụwẹrị 13:13

Dị Ịsamụwẹrị kà yị Ịsọọrụ ka, “Wáá yẹ ka ebira ụra ụ mẹ̀ aanị nị? We yi si eyi pè ọda ọnị Ẹnẹyịmavara ana vị Ohomorihi awụ mẹ wụ. Wàa yaanị sị eyi pè ọda anị, ẹwụrị ịpa awụ ọ yaanị aa rị Ohinọyị Anisirẹrị pooro nị.