20 Ọnụra o dahi hu ọza anaā ka ịrẹyị di ò vee ro o nị.
Ọza ana yẹ ịrẹyị ọ yị mā hụra ku ayị ama ọnọyịkụ vị ana a sị ututu anị zụ̀.
E yị zoza ka ọza ọ mẹ ịrẹyị dị asị o rò o, eyiha vị anaa da ọza ikoro.
Ọza ana kụ ẹngụ hi ịsa ana aa mẹ vana nyị rị ụvọ ama eneyiha vi ọnị ọ jị za a.
Ọnụra ọ dahi huu ọza ẹnẹẹ yị yẹ ịrẹyị ene ro ka ọnị ọ yẹ ịrẹyị nị.
Ọnụra vị anaā sịị ọyịkụ anị tụra eyi ama ọnịrẹyọyẹ vị anaā vayị nẹtẹ.
Ịrẹyị irenu kẹnẹ ọ yị hụ pa ozi ahụ. Ọ zụ yẹ ịsị a ka ama dị ọ yị mẹ̀ ẹ.
Ọza ana vụ ozi ahụ anị hụrị ẹtẹẹtẹ, vị ọnị ọ vaa dọ ogu anị mẹ anị.
Sị ụvọ za irenu awụ, dị asị ụ hụra ka ịrẹyị ọvịdị Ohomorihi; Ohomorihi vị ana ya ẹbẹẹba dị ẹwụ ya ẹhẹ ọnọnị nị; agụvị avọọ asị ụ na kụ ịrẹka gigirigi ọvịdị anị.
Ẹwụ nịnị ẹyịnyara amị oni mi sì, tamayị ọsọnị nịnị: Ọzọza ọ̀ọ wụ́ ịrẹyị, ama asị ụ zẹẹ ka ịrẹyị òo juntuu hụrẹ wụ nịnị irenu. Asị u re juntu kụ́ ayị nịnị.
