Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ụhịrẹyị 29:18 - IWE ỌNỊNỊ

18 Ịzị aza ẹ mā saasa ịrẹyị Ohomorihi, ọzọzaā mẹ̀ kẹnẹ nị, ama aza ana saasa ọda Ohomorihi vị ọnị o vee zee yị.

အခန်းကိုကြည့်ပါ။ ကော်ပီ




Ụhịrẹyị 29:18
21 ပူးပေါင်းရင်းမြစ်များ  

Ẹnẹyịmavara ộ mẹ̀ ụhị nyị Anijuda nịnị agụvị ka Ahazi ohinọyị Isirẹrị ộ tụ́ aza ụka ka ẹẹ mẹ̀ ebira odivi. Ẹ yị mẹ ịzẹyịza ka Ẹnẹyịmavara na.


Aza ẹnẹ ẹ̀ yị mā mẹ irikichi, dị ahịka ịsa ana vọrọ ẹẹ̄ mẹ pooro nị ẹ̀ nyarị ịrẹsụ ọyịza.


Aza ẹnẹ ẹ̀ yị mā mẹ akụvị dị ẹ yaa saasa ọda Ẹnẹyịmavara, ẹ̀ nyarị ịrẹsụ ọyịza.


Mị ka aza ana vavọọ aa saasa ọda Ẹnẹyịmavara, dị ẹ sị avaba ayị ẹnịnị si eyi pè ọda anị ẹ̀ nyarị ịrẹsụ ọyịza.


Ọkarẹyị awụ aa kà aza ọnọ, ọza ana wụ́ chire vee re ọgụ ọbanyị.


Yẹ yị kuku re apọtẹrẹwa ọnyọọnyị, yẹ yị rẹ kụkụ nyị ọnịsẹ ikonya, ana vọ, nyị ọza ana yẹ ịzị ị maanị vee re nee tù.


Imosiisi o si re ka ụvọ ọza ọ yị kụkụ kara aza ẹnẹẹ. Eerọnị ọ raà mẹ wa ka asị ẹ kụkụ wụ́ ịrẹyị ọza. Hu avọọ ẹ sị ẹngụ ẹnịnị vara ọnịyẹyẹ eyi ọnịvị ẹnịnị,


Ọza anaa saasa ọda Ohomorihi vị enee ku orubo, ọza anaa sị eyi wụ́ ịrẹyị anị vene vee su ne ta.


Ịrẹyị irenu kẹnẹ ọ yị hụ pa ozi ahụ. Ọ zụ yẹ ịsị a ka ama dị ọ yị mẹ̀ ẹ.


Wụ́ ịrẹyị amị, ẹwụ nịnị ọmụha. Waa mẹ ịsị maa ka wụ nịnị, ka ayị awụ nịnị vee hine.


Ẹnẹyịmavara kà eyogu aa wụ́ aza anị. Ohirẹsụ irehi anị nịnị ẹ yaa mẹ̀ akamawụ hị́ ọnị. Ọnị o yi wa tịtẹ agụvị ka ẹnịnị e hi ayị ịrẹyị anị. Agụvị avọọ ọnị ẹ yị vaa tamayị ezi ẹnịnị.


Ama o mè re ọkọnị aza, ayị ẹnịnị ộ vá a, agụvị ka ọ sị ngụ wa ẹngụ, ẹ kụ́ vazi anka atẹmẹ ẹnẹ ẹ̀ yị nyị ọza ana aa tẹsị ẹnịnị avọọ.


Dị Ijeesu ka, “Eyiye de, aza ana aa wụ́ ịrẹyị Ohomorihi, dị ẹ rẹ sị tụ́ ịnị ayị, ẹ vị ana jẹ nị.”


Wa raà yẹ ịrẹyị ẹnẹnị nịnị. Ụ vaa daa jẹ nịnị, wàaa mẹ̀ ẹ nịnị.


Ama ọza ana àa jị eyi ngụ ọda Ohomorihi, dị ọ sị ụvọ zaa, di ò yi hí ayị ịrẹyị ọnị ọ wụ́, dị aa sịị mẹ̀ ụkọrọ nị, Ohomorihi vaa mẹ ka ò zé yọ ịnị ịsa ana àa mẹ. Avaba ọda Ohomorihi ọ́ọ gụ, ọ nyẹngụ dọ yị tịtẹ.


Aza ana àa nyịna ịta ẹnịnị nị, agụvị à zụ sị oze yị ẹnị ka ẹnị ẹ̀ zụ rị ẹtụtụ ọchị anaā mẹ ka ọza ọ̀ yàra pooro zịna-zịna, dị ẹnị ẹ̀ rẹ zụ zị oze ịnị ẹkụra ọnọọ ngụ eehi, vaa daa jẹ.


Ịjị ọ dà kù, Ịsamụwẹrị ọ sị vịra. Eri ọ yà ahụ anị dị aa mẹ̀ ụkọrọọ yị Ẹnẹyịmavara nị. Ịnị ụmẹ ọnọọ Ẹnẹyịmavara ọ mā vavọọ hụra pè ọza kà ịrẹyị. Ọ yị rẹ zẹẹ sị ẹtẹ yị ọza re.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ