Ụhịrẹyị 29:1 - IWE ỌNỊNỊ

¹ Ọza anaa ka ọnị ọ mā dọ ohuvọ ọza, vị ana jị obo nee vu.

Ụhịrẹyị 29:1 ပူးပေါင်းရင်းမြစ်များ

1 Ohinọyị 17:1

Ịnị ụmẹ ọnya, â nyị ọnọrụ ọnya aanị ana aā hị́ Erija. Erija ọnọọ vị Anitisibi ana ra ịnị ẹtẹ Anigiriyadi. Ẹkụhị ọnya dị ọ na kà a yị Ahabị dị ọ ka, “mâ sị Ẹnẹyịmavara ana vị Ohomorihi Anisirẹrị ọnị maa hẹkẹ hị́ eku ka eguhi ọ yị hyakụ vee chire di o ve si tù ka orihi ọ̀ zụ̀ pooro dị ọ̀ mẹ ịrayị chee aanị. Ẹ yị yaa nyị orihi à yị vị mị kà a ka orihi ọ̀ zụ̀.”

1 Ohinọyị 18:18

Di Erija ka, “Eyiye de, mẹ yị kụ́ ẹngụkata tù Anisirẹrị, ẹwụrị aneehi ada awụ ẹ vị ana aa kụ́ ẹngụkata tù Anisirẹrị nị. Ẹwụ nịnị o yi ọda Ẹnẹyịmavara tịtẹ, dị ụ kụkụ aa hẹkẹ Ịbaarị nịnị nị.

1 Ohinọyị 20:42

Dị ọnịsẹ ọnọọ ka, “Ẹnẹyịmavara kà ọza ọnị ọnị ka a wụ̀, wa raà hụrẹ ẹ ụvọ ka ọ̀ọ na, agụvị avọọ ụhwẹ awụ a vaa sị dọ ụhwẹ anị ịrẹsụ nị. Aza awụ vị ana a rẹ vaa sị dọ aza anị ịrẹsụ.”

1 Ohinọyị 22:28

Di Imikaya ka, “Àa vị ka wa raà vavẹ ịnị ẹngwọọrọ, yẹ ka ẹ yị vị Ẹnẹyịmavara ọ kà ịrẹyị mị.” Dị ọ rẹ ka, “Avaba ẹwụ nịnị aza ẹnẹnị ẹ̀ wụ́ o!”

2 Ịtọpa 25:16

Ọ maa kà ụtụ yọ, Amaziya da jị ọ, dị ọ kà ọ yịị mẹ hẹẹ ọnị a wụ́ ọ nị. Ọnị wáá mẹ̀ ẹ anajuwe anị nị?

2 Ịtọpa 33:10

Ẹnẹyịmavara ộ ka Ịmanasẹ ọnịrị aza anị ọnọ, dị ẹ yị wụ́ chire ẹ nị.

2 Ịtọpa 36:13

Ịzẹdẹkaya ộ mè akamawụ hi Inebukadineza ana sị ụkata-ụkata za a sị Ohomorihi hị́ eku ka ọnị vaa wụ̀ chire e. Avọọ ọ́ mẹ rẹ sị ayị ọkatẹngụ yị ka ọnị e yi ro ịnẹ hụụnị odivi dị ọ vaka Ẹnẹyịmavara ana vị Ohomorihi Anisirẹrị nịnị vẹ.

Inehemaya 9:29

Wâ ka wa ọnọ ka ẹ̀ varẹma va saasa ọda ọnị ụ mẹ yị wa, ama di e yee wuu hi u nị. Ayị ẹnịnị ọ sị katẹngụ, ê yi ka ẹnị ẹ yị vavẹ ịnị oze awụ. Ẹnịnị ẹ yị wụ́ chire ịrẹyị awụ ana zụ sị ẹhẹ obooro-obooro yị aza ana dọ, dị ẹnịnị nyayịnẹ nyị geri-geri ka ẹnị ẹ yị và ka wụ vẹ nị.

Ijoovu 9:4

Ohomorihi ọ yẹ ịrẹyị dị ọ rẹ nyị ụkata ẹnẹmẹhị nị.

Ọyịkụra 9:7

Di Ihwarawo tụ́ aza ka ẹ̀ na zama ịsụpa Anisirẹrị re nị. Di e re ka ẹ yị nyị ịsụpa Anisirẹrị ikonya ene sú nị. Ama ayị Ihwarawo ọ sị sị kà geri-geri. Ọ yị zẹẹ ka aza ẹnẹẹ ẹ̀ na.

Ụhịrẹyị 28:14

Ịrẹsụ ọyịza ọ vị yị ọza ene hí angwa Ẹnẹyịmavara nị ama Anakamawụ vi ene vee vu.

Ụhịrẹyị 28:18

Ọza anaā mẹ̀ ịzẹyịza vị ana vaa há ama ọza ọnị ẹ mā mẹ̀ ịzẹyịza vi ene vee su usu asigiri.

Ụhịrẹyị 28:28

Ọza ọhịmị ọ̀ọ ya udi, vị ọzọza aa tẹ yị ọ nị, ama ọ̀ọ sị hụrẹ udi dị aza ọyịza aa sị ụmẹẹ tụ ọvịdị.

Ụhịrẹyị 6:15

avọọ, odivi vị ana sụ wa avaavo, dị ẹ yị zụ ha.

Ayịsaya 28:22

Ụ màa wụ́ ịrẹyị ọnọnị nịnị aanị, asị ụ mẹ̀ isiya nịnị. Wàa sị mẹ̀ isiya nịnị, ẹ yị nyị ịsị aa mẹ dị wa zụ há ịnị ịrẹkụ ọnọọ nịnị. Ẹnẹyịmavara Ochẹtẹẹngụ ọ raà kà a mị ka ọnị ọ sị ọ kà ka à wụ̀ avaba aza ene hi ịnị ẹtẹ ọnọọ.

Ayịsaya 48:4

Ộ yẹ ka ẹnịnị vaa mẹ ịrẹsụ ọkatẹngụ, ayị ẹnịnị ọ vị, dị ọ katẹngụ hu ịrẹta nị.

Ijeremaya 14:19

Anijuda nịnị ka tee! Vị Ẹnẹyịmavara wa kụkụ sị ẹnị yi tịtẹ samị-samị nị? Ẹ ka, vị Ẹnẹyịmavara waa kụkụ nyị ịhyẹrẹ Anịzayọnị nịnị nị? Sị ẹ vẹ dị ọ maanị kụ ẹngụkata odivi tu ẹnị ka, asị ẹngụ ẹnịnị zụ nịya? Ẹnị ee zi ka ẹnị a vaa nyị ẹngwọọrọ, ama ẹ yị nyị ịsị ọyịza anaa mẹẹ tu ẹnị vụrụ-vụrụ. Ẹnị èe zị ka ẹngụ ẹnịnị aa vaa nịya, dị ahịka ayịhụrịnẹ ọ rẹ vẹ nị.

Ijeremaya 17:23

Ẹnẹyịmavara kà, ohiku ẹnịnị ẹ́ yị wụ́ ịrẹyị anị. Ama ệ mẹ ayị ọkatẹngụ, ẹnịnị ẹ́ yị wụ́ chire ọnị, ẹnịnị ẹ yị dọ ka ọnị ọ̀ zụ ẹnị ịsa.

Ijeremaya 36:31

Ẹnẹyịmavara kà ẹwụrị ezi ewu beri ọdọvịdị ana kara awụ, vị ọnị ọnị vaa sị ụyaa rị agụvị avaba ebira odivi ẹnẹ ẹ mẹ. Ọ kà ẹwụrị aza ene hi Ijerusarẹmị ọnịrị Ijuda ẹ́ yị wụ́ ịrẹyị anị ọnị maa kà wụ, nịnị ọnọ. Agụvị avọọ, avaba ụya ọnị ọnị wo oto ka ọnị vaa sịị rị wụ nịnị, vị ọnị ọnị vaa sịị rị wụ nịnị ịzẹyịza.

Ihabaku 2:7

Angwa vee hi wa ịhị aza ẹnẹ rị ụta ẹ ngụ tu wa avaavoo. Dị ẹ ngụ tu wa, dị ẹ dọ wa avaba ịsa ẹnẹ ẹ nyị, di ivoovo za wa jẹẹ.

Ịjọọnụ 13:18

Ẹ yị vị avaba awụ nịnị m maa kà, oo! Mâ yẹ aza ọnị mị nyị. Ama ịrẹyị ini Iwe Ohomorihi vaa sẹ, ộ kà a ka: ‘Ọza ẹnẹ ẹmịrịị aa rị ịsa ọnya, ọ kwẹẹtẹ tù mi nị.’

Ịjọọnụ 13:26

Dị Ijeesu ka, “Ọza ọnị màa dà ịsa vá ẹpẹ, dị mị sị yị nị, ọnịị yọ.” Dị ọ dà ịsa vá ẹpẹ, dị ọ sị yị Ijudasi Isikarịyọtị ozi Ịsayịmọnị nị.

Odeyi 1:18

Ẹkẹhị oni Ijudasi dọ ịnị ụkọrọ odivi anị, ọ sị na hị́ ẹtẹ ọnya nị. Ịzọọ ọ yà jị hụrẹ ẹbẹẹba, dị ọ dà akamava, di irivu anị ká hi ẹhẹ nị.

Odeyi 1:25

ka ọ̀ dọ Ijudasi ịrẹsụ ịnị ụkọrọ odeyi ọnọnị oni Ijudasi sị hụụnị anị, dị ọ zị nọ ịzị ẹ vọrọ tụra a.”

1 Anịtẹsaronika 5:3

Ịjị aza àa kà a ka ẹ́ yị nyị ịrẹyị vụrụ-vụrụ, dị ịrẹyị vana ngụ tù wa kẹnẹ anka ọnẹẹ ọnị ịrẹẹ aa zị avọọ. Dị ẹnịnị ẹ́ yị zụ há.

1 Ịsamụwẹrị 2:25

Ọza ọ̀ọ mẹ ọza ebira odivi, Ohomorihi ọ zụ ba ọza ene e sì ịrẹyị owu. Ama ọza ọ̀ọ na mẹ̀ ebira odivi hi Ẹnẹyịmavara, ẹnẹ kụkụ vaa dá ịpẹ anị?” Ama ezi anị ẹ yị sị ụtọ tụ́ ịnị ohuvọ ana ada ẹnịnị aa tụ́ wa agụvị ka Ẹnẹyịmavara ọ raà nyị ọ tụ ịnị ayị ka ọnị ọ̀ wụ̀ wa.

1 Ịsamụwẹrị 2:34

Ezi ewu ẹyịva, Ihohwini ọnịrị Ihwinehasi vi ene vee sú ịnị ẹkụhị ọnya. Ọnọọ vaa sị zụ̀ wụ ka ịrẹyị aa vẹ ịrẹsụ awụ nịnị.