Ụhịrẹyị 28:5 - IWE ỌNỊNỊ

⁵ Aza ọhịmị ẹ yị yẹ ịsị ẹ vị ịzẹyịza, ama aza anaa yẹ Ẹnẹyịmavara ẹ yẹ tu ẹtẹ nị.

Ụhịrẹyị 28:5 ပူးပေါင်းရင်းမြစ်များ

Ahẹ Ụgama 119:100

Mâ yẹ ịrẹyị huna azọkụ nịnị agụvị ka maa saasa ọda ọnị ụ mẹ.

Ahẹ Ụgama 119:98

Ọda awụ vị ọnị mị sị tụ́ ịnị ayị pooro. Ẹ raà mẹ ka ma yẹ ịrẹyị huna ọnịvị amị nịnị.

Ahẹ Ụgama 25:14

Ẹngụ aza ana sị ụbanyị yị Ẹnẹyịmavara Ẹnẹyịmavara ọnị rẹ vaa sị ịnẹẹ zụ̀ nị Ọ vaa kà a zụ̀ wa ịsa ọnị ọ ka ọnị vaa mẹẹ yị wa.

Ahẹ Ụgama 92:6

Ọnụra nịnị ẹnẹ ẹ̀ yị yẹ ịrẹyị, ẹ yị yẹ ka aza edivi ẹ̀ẹ daka aa yara anka avị avọọ, dị ẹhẹ ẹnịnị ee zoza nị, ẹnịnị vene vee vú ẹtẹ pooro zịna-zịna.

Ụhịrẹyị 15:24

Aza ana yẹ́ ịrẹyị vị anaā mẹ̀ ebira anaā sịị ọzaa ku orubo; ẹnịnị ẹ́ mā mẹ̀ ebira anaā sịị ọza naa gẹrị isu.

Ụhịrẹyị 2:9

Wàa wụ́ ịrẹyị Ẹnẹyịmavara, ụ vaa yẹ ịsị ẹ vọrọ, dị waa mẹ ịzẹyịza, dị waa mẹ̀ ebira ozoza.

Ụhịrẹyị 24:7

Ọnụra ẹ yị yẹ ẹhahi ịrẹyị ịrẹyọyẹ. Ẹ yị nyayịnẹ há irenu ịzị àa kà ịrẹyị obooro.

Ayịsaya 1:3

Ọ rẹ ka ọkọnị imaaru ệ yẹ ọza ana nyị wa, dị ịkẹrịkẹtẹ ẹnị rẹ yẹ ịzị ẹ yàa rị ịsa nị. Ama Anisirẹrị nịnị ẹ yị vavọọ yẹ ịrẹyị. Ẹ yị nyị ịsị ẹ yẹ vụrụ-vụrụ.

Ayịsaya 44:18

Ẹngụ aza ẹnẹẹ vị ọnụra. Ẹnịnị ẹ yị yẹ ịsị ẹyaa mẹ. Ẹnịnị ệ sị eyi ẹnịnị kú oku, agụvị asị ẹnị zụ re ẹtẹ. Ệ sị ịsa kú ayị ẹnịnị agụvị asị ẹnịnị yẹ ịsa a vọrọ ka ẹ yẹ.

Ayịsaya 6:9

Dị ọ ka ma na kà a yị aza ẹnẹẹ ka ẹ raa sị ụtọ pè ẹtẹ pooro dị ẹ yị wụ́, e re vee re ẹtẹ pooro dị ẹ yị yẹ ịsị eyee re.

Ijeremaya 4:22

Ẹnẹyịmavara kà, aza anị vị ọnụra; ẹnịnị ẹ yị yẹ ọnị. Ezi ẹnẹ ẹ yị nyị ịrẹyọyẹ ẹ vị nị; ịrẹyị é me ye wa. Ẹnịnị ẹẹ yẹ ọbọ ọyị mẹ̀ ebira odivi, ama ẹnịnị ẹ maa yara mẹ ọyịza.

Emọsị 3:10

Ọ kà ẹnịnị ẹ yị yẹ a mẹẹ̄ mè ịsa ana vọrọ. Ẹnịnị vị ana sị àko kụ ogu aza hi irehi ẹnịnị.

Ịjọọnụ 7:17

Ọza ana àa mẹ̀ ịsa ọnị o sì, vaa yẹ ịsị maa sịị zụ̀ aza aanị, àa vị ịrẹyị Ohomorihii yọ nị, à vị ka ẹ́ẹngụ amị kẹnẹ m maa dàa kà nị.

Ijemiisi 1:5

Ama àa nyị ọza awụ nịnị ẹnẹ ẹ̀ yị nyị ịrẹyọyẹ, ọza ọnọọ ọ̀ da ịpẹ anị yị Ohomorihi. Ohomorihi vaa sị ịrẹyọyẹ yọ, agụvị ka ọnị ọọ̄ sị ayị ọnyaa sị ịsaa yị ọza, dị ọ́ yị rị uhuhu nị.

1 Ịjọọnụ 2:20

Àa vị ẹwụ nịnị yọ, Ụhwẹ Ọnịnị yà ịnị ayị awụ nịnị; avaba awụ nịnị ọ́ọ yẹ ịzẹyịza.

1 Ịjọọnụ 2:27

Ama àa vị ẹwụ nịnị yọ, Ikirisiti ọ raà sị Ụhwẹ Ọnịnị yị wụ ana yà ịnị ayị awụ nịnị. Agụvị avọọ, ẹ́ yị nyị ka ọza ẹnẹsa ọ̀ọ zụ̀ wụ nịnị oze. Ụhwẹ Ọnịnị anị ọnọọ aa sị oze zụ̀ wụ nịnị ịnị avaba ịsa nị. Ịzẹyịza aa sịị zụ̀ wụ nịnị nị, o me cheeche vụrụ-vụrụ. Agụvị avọọ, anka ọ mẹ zụ̀ wụ nịnị ịsa, ẹwụrị ọ ò dudu rị vabẹ nịnị.