Ụhịrẹyị 28:17 - IWE ỌNỊNỊ

¹⁷ Ayị ọza ana wụ̀ ọza ọ yị vaa nẹtẹ, ọ vaa doodo zị pooro dị o su nị. Asị a nyị ọza ana gụ ọ ụvọ.

Ụhịrẹyị 28:17 ပူးပေါင်းရင်းမြစ်များ

Oyinyima 4:12

A sị ọ dụ hụụnị ẹtẹ ozoza ọnọọ ọ yị kụkụ vaa nyị ịzị ọ vaa ra, vị ọ vanaa doodo ngụ ẹhẹẹ zi pooro nị.”

Oyinyima 9:6

Ọ rẹ ka Inowa ọ yẹ ka ọnị Ohomorihi vị ana mẹ ọza vene ẹngụ anị. Agụvị avọọ ọza ọ̀ọ wụ̀ ọza, vị a raa wụ ọnị ẹkẹhị anị nị.

2 Ịsamụwẹrị 13:34

Abịsarọmị o si zwe. Â nyị ọza ana jẹẹ ene ee sere ẹtẹ. Ộ kana eyi di o re ka ọkọnị aza ệ wara zị oze akaha ataba ẹyaa dụ Abịsarọmị vẹ nị.

2 Ịsamụwẹrị 18:15

Dị ẹnị ẹẹwụ ịnị ẹnị ana aā za ẹnya ịrẹkụ gụ Ijowabi wụsẹ tara kara Abịsarọmị, dị ẹ và ịsa hí ọ ẹngụ, di o sú nị.

1 Ohinọyị 2:29

Dị a na sị ọ kà yị Isoromọnị ohinọyị dị kà Ijowabi o si zwe nọ ịnị ajẹngụ Ẹnẹyịmavara ọ! Ini ụta ịsọvọ ọ hyakụ yà nị. Di Isoromọnị ohinọyị tụ́ Ịbẹnaya ozi Ijehoyada ka ọ̀ na, dị ọ̀ na và ịsa hị́ ọ ẹngụ nị.

1 Ohinọyị 21:19

Wèe tù ịzọọ dị wụ kà a yọ ka, ‘Ẹnẹyịmavara kà wa kà a yọ ka ọ sị ọza wụ̀, ọ rẹ raà kụ́ ogu anị. Rẹ kà a yọ ka Ẹnẹyịmavara kà ịzị irezi yà rèé anya Ịnabọtị avọọ, ịzọọ irezi rẹ vaa yàa rèé anya anị bẹẹ nị.’ ”

1 Ohinọyị 21:23

Ẹnẹyịmavara rẹ ka ma kà a yi Ijezebẹrị bẹẹ ka irezi ọ vaa rị oku Ijezebẹrị ini ozi Ijezirẹẹrị nị.

2 Ohinọyị 9:26

Ẹnẹyịmavara ộ kà a ka; oni ô re a mẹ̀ wụ Ịnabọtị ọnịrị ezi anị ẹẹrị. Avọ ọ, ịnị ẹtẹ ọnọnị gẹdẹ-gẹdẹ ọnị rẹ vaa yaa sị ụyaa rị wụ nị. Ịzẹyịza, dị Ijehu kà a yị ozi ahụ anị ka, ọ̀ sị oku Ijorami di ò ne e ta ịnị ẹtẹ Ịnabọtị nị, agụvị ịrẹyị ọnị Ẹnẹyịmavara kà ọ̀ sẹ.

Ọyịkụra 21:14

Àa vị ọza rò o tụ́ ịnị ayị, dị ọ yẹ dị ọ na wụ̀ ọza nị, òo zee eyi ò zwe na ngụ ịnị ụta amị, a na sị ọ hụụ ịzọọ dị a na wụ̀ ọ.

Ụhịrẹyị 6:17

Ẹnẹyịmavara ọ nyị ịhyẹrẹ ọza ana a sị ẹngụ tụ ẹba, ọza ene cheeche ọnịrị ọza ana a wụ̀ ọza kẹnẹ-kẹnẹ.

Ijeremaya 41:15

Ama Isimẹrị ozi Inetanaya ọnịrị aza anị ẹnị ịhịnta ê zwe hụụnị ụvọ Ijohananị na ngụ ẹtẹ Amọnị. Ụvọ Ijohananị é yi re ve ku wa.

Odeyi 28:4

Ánịzọọ mè re ka ẹwụ ộ gẹ Ịpọọrụ ụvọ, dị ẹyaa kà a yị ẹngụ, dị ẹ ka, “Wáá yẹ ka ọwọza ọ́nọrụ ọnọnị vị nị? Ọ sị há hụụnị òkū, ama ọkarẹyị ọ yị zẹẹ ka ọ̀ yàra.”

Iwe Ọhụhị Imosiisi ana aa hị́ Ọyịvatụrọda 19:11

Ama ọza ọ̀ọ yẹ wụ̀ ọnịvị anị, di o zwe na tẹ̀ ịnị ọnya ịnị ẹkụra ẹnẹẹ nị,