Ụhịrẹyị 28:16 - IWE ỌNỊNỊ

¹⁶ Ọdọvịdị ẹnẹẹ yị yẹ ịrẹyị vị ana a chamayị yị onosiye nịnị ama ọza ọnị ẹ mā dọ ọza mẹ anị vị eneē ku orubo.

Ụhịrẹyị 28:16 ပူးပေါင်းရင်းမြစ်များ

1 Ohinọyị 12:10

Di ezi ẹnẹẹ ẹnị ẹnịrịị vịra tụ́ ohi dị ẹ ka, “Kà ẹ yị aza ẹnẹẹ ana ka wa hẹrẹ ẹnya ọrata ana ada awụ kune tụra ẹnị aanị ka ịsa ana ada awụ mẹ wa dị ẹ ka ẹnị ẹ sị ịrẹyị re avọọ vị ịrẹyị kiiki.

1 Ohinọyị 12:14

anka ọpa ezweyi mè pè e juwe. Dị ọ ka, “Ada amị ộ sị ẹnya ọrata tụra wụ nịnị, ẹmị vị ana vaa dà tụ́ ịnị ẹnya ọnọọ. Ada amị ộ rẹ ịjapa tụ́ wụ nịnị, ama ẹmị vị ana vaa si iku che wu nịnị.”

Inehemaya 5:15

Avaba Ịgọvọnọ nịnị ana vịdị rị di o ve tu mị vị ana vị ẹnya yị aza. Ẹnịnị vana sị ụkata-ụkata za aza ka è si ụta ịsọyịrị ọnịrị eche ẹnịnị. Dị aza e si akana-akana ẹkụhị-ẹkụhị nị. Avọọ ẹnịrị ọdọvịdị ẹkụra nịnị mẹ vị ẹngụkata yị aza nị. Ama agụvị ka mê hí angwa Ohomorihi, mẹ yị vavọọ mẹ.

Ọyịkụra 18:21

Re sì aza ana zụ mẹ ẹkụra ịnị ẹngụ aza ẹnẹẹ, aza ana nyị angwahi Ohomorihi ana rụra sị ayị tụra. Asị ẹnịnị vị aza ana aa dọ ochirerenu. Dị wa nyị wa dị ẹnị ẹ̀ rẹ dà aza sị eyi pè. Aza ẹnyị ẹ zụ si eyi pè aza ẹnị akahị, dị aza ẹnyị sị eyi pè aza ẹnị ẹchẹhị, dị aza ẹnyị rẹ sị eyi pe aza ẹnị ẹvarẹwụ dị áaza ẹnyị vị ẹẹwụ.

Ụhịrẹyị 15:27

Ọza anaa mẹ̀ karakara ka ọnị ọ̀ zị oze asuvu rị ọgụ vị anaā kụ ẹngụkata tu anineehi anị, ama ọza anaā nyị ịhyẹrẹ ochirerenu ọyịdọ vị eneē ku orubo.

Ịrẹyị Ọzwọzịsa 10:16

Ẹkụra anaa sị ozweyi mẹ ohinọyị anị dị ahịka vị ọdọvịdị ẹnịnịị rị ịsa pooro kẹnẹ nị, ẹ sị da.

Ịrẹyị Ọzwọzịsa 4:1

Ọzwọzịsa ka ọnị o re ré avaba ẹvaya ana aza mẹẹ yị ẹngụ ịnị ẹhẹ ọnọnị. Aza ana a mẹ ẹvaya yị aa jị òrèrè ẹnịnị e yị re ọza sị wa ayị nẹtẹ agụvị ka aza ana a mẹ ẹvaya yị wa ẹẹ nyị ụkata ẹtẹẹtẹrẹ.

Ayịsaya 3:12

Ọpa ezweyi aa mẹ ẹvaya yị aza amị, anyẹnẹẹ ẹ kụkụ vị ọdọvịdị ẹnịnị nị. Ẹwụ nịnị aza amị, aza ana ka ẹnị vị ọdọvịdị awụ nịnị vị ana aa kụ́ wụ nịnị nyeeyi. Ẹ raà kụ́ wụ nịnị nyeeyi hụrẹ oze.

Emọsị 4:1

Ẹnẹyịmavara kà Anẹẹ Anịsamarịya ana dẹngụ anka ụnọ Anịbasanị avọọ e batọ ịrẹyị anị. Ẹnịnị aa mẹ̀ ẹvaya yị onosiye nịnị, di ẹ yaa chamayị yi onuruwa nịnị nị. Eche kẹnẹ ẹ ka ọva ẹnịnị ẹẹ kụ yi ẹnị hu nị.