Ụhịrẹyị 28:1 - IWE ỌNỊNỊ

¹ Ọza ọhịmị ọọ̄ mẹ̀ ụha za gigiri nị, ama ayị ọnịzẹyịza vị ana vị́ anka ẹzụ avọọ.

Ụhịrẹyị 28:1 ပူးပေါင်းရင်းမြစ်များ

1 Ohinọyị 1:49

Ịjị aza ana wara gụ pè Adonija maanị wụ́, ẹngụ ẹnịnị ẹ kụ́ sụ́ ẹgahị, dị ẹ kwẹẹtẹ, dị ọzọza sị oze anị nị.

2 Ohinọyị 7:15

Aza ẹnẹnị ệ na huuu na ngụ Ijodani. Ẹ maa na oze, dị e re ịta ọnịrị ẹnya ọnị Anisiriya nịnị va ha ẹnịnị mee zwè nị. Dị ẹnịnị vavẹ, dị ẹ va kà ụtụ yị ohinọyị nị.

Inehemaya 6:11

Dị mị tụ ọ ohi ka sị ẹ vẹ dị ẹngụ ẹmị ọnọnị ee zwe na tẹ̀? Óó ro ka mị maa na tẹ̀ ịnị irehi Ohomorihi agụvị ụhwẹ amị? Mẹ yị nọ!

Ijoovu 15:21

Ịrẹyị odivi ana vaa kụ́ ayịhụrịnẹ tu wa ẹ vaa wụ̀ pooro nị. Anako vana vaa ngụ tu wa ịnị ụmẹ ọnị ẹngụ ẹnịnị ọ ka ọnị o hi ahị.

Ahẹ Ụgama 112:7

Ọnị vị ana sị ayị tụra Ẹnẹyịmavara. Ọ̀ọ daka wụ́ enube odivi, angwa o yi vee hi ọ.

Ahẹ Ụgama 53:5

Ama Ohomorihi vee chire wa angwa ana ahịka ẹnịnị eè yi re da Aza ana àa kwẹẹtẹ tù aza Ohomorihi, Ohomorihi vị ana vaa tana ụvọọ za aza ẹnẹẹ Aza Ohomorihi ọ vaa nyị ehuna aza ẹnẹẹ nị, agụvị ka Ohomorihi ọ sị aza ẹnẹẹ yi tịtẹ.

Ahẹ Ụgama 53:6

Ọ maa navọ Ohomorihi ọ̀ hụrẹ vẹ dị ọ va mẹ ka Anisirẹrị ẹ̀ nyị ẹbẹẹba ọnịvị ẹnịnị Ịjị Ohomorihi ọ̀ọ rẹ raà mẹ ka òo zee yị Anisirẹrị, ẹnịnị vaa dàa jẹ kẹnẹ.

Ọyịkụra 11:8

Dị ọ rẹ ka Ẹnẹyịmavara kà avaba anụkọrọ Ihwarawo vaa vẹ dị ẹ va tana tụra ẹtẹ yị ọnị Imosiisi, dị ẹ dị ẹ ka ọnịrị avaba aza ana saasa ọnị, ẹnị ẹ̀ẹ na. Di Imosiisi ka ọ̀ọ vavọọ sị mẹ, dị ọnị aa na ọgọnị. Ịjọnọọ ayị ọ sị kụ́ Imosiisi, dị ọ jị ayị hụụ ịda Ihwarawo nị.

Ụhịrẹyị 10:9

Ẹ yị nyị ịsị ee chire ọza ana aā mẹ ịrẹyị ana vọrọ angwa ama ụvọ vee ku ọza ana a mẹ asuvu.

Ụhịrẹyị 27:27

Enyi ịrẹva ẹvụ awụ ana vọ vaa hụ ẹwụrị aza awụ mẹ ịsọyịrị. Dị ezi ahụ awụ anẹẹ ẹnị raa rị bẹẹ.

Ayịsaya 30:17

Isoja ikonya vaa dụ aza ana akahị awụ nịnị. Isoja ẹẹhị ọ̀ọ há ẹtẹ hi wu nịnị, avaba awụ nịnị vi ene ee zwe. Ẹ yị nyị isoja awụ nịnị ikonya ana vaa vọ. Uyi ọnị ụ sị gẹ ọchị nịnị kẹnẹ ọ vanaa jẹẹ ịrẹsụ ataba nị.

Ayịsaya 7:2

Dị a vana kà a yị anovwoovu Idevidi, dị a ka Aramị ọnịrị Ehwireemi ẹ sị vabẹ o. Ahazi ọnịrị aza anị mẹ̀ wụ́ ọ, ẹnịnị aa da ẹgahị angwa mèe hí wa, dị ẹ yaa banyị anka ahị mèe henyi ọchị ene hi ini iriku avọọ nị.

Ijeremaya 20:4

Ka, Ẹnẹyịmavara kà ọnị vaa mẹ ka Ipasihuri ọnị ụvọta òo chire ẹngụ anị angwa, dị ee chire avaba ọta anị angwa bẹẹ. Ọ kà eyi Ipasihuri goro-goro ọnịvị ẹnịnị vaa wụ̀ ọta anị ha nị. Ẹnẹyịmavara kà ọnị vaa sị avaba Anijudaa chire ohinọyị Ibabironii ụvọ, dị ọ za wa ọrịhị ne hi Ịbabịrọnị. Ẹnịnị vị ọnị ọ́ vaa wụ̀.

Ireevi 26:17

Ọ kà ọnị vaa và eyirazịị ka wa; dị ọnịvị ẹnịnị nyị ẹbẹẹba ẹnịnị; aza anaa nyị ịhyẹrẹ ẹnịnị ẹ vaa mẹ ịjọva tụra wa ịrẹsụ nị. Angwa vee hí wa nee tu ka ẹnịnị vị ene vee zwe ẹ̀ yị daka nyị ọza anaa dụ wa.

Ireevi 26:36

Ọ kà ẹnịnị ana vọ hi ẹkụra vị ọnị vaa mẹ ayịị hụrị ịnẹ ẹtẹẹtẹrẹ, dị ẹ̀ẹ wụ ka ahị ọ́ọ kụ ẹchịchị kẹnẹ, dị ẹ kụ ahụ nya iruvo ee zwè. Ẹnịnị vị ene vee zwè anka èe rere aa dụ wa eyirẹkụ avọọ, dị ẹyaa sẹ ẹdụ ẹ̀ẹ yị daka nyị ọza ana aa dụ wa.

Odeyi 14:3

Ịpọọrụ nịnị ệ yị yà ịzọọ kù ẹtẹẹtẹrẹ. Dị ẹyaa sị ọtụtụrụma kà ịrẹyị Ananyị yị nị. Ananyị yị ộ mẹ̀ ka ẹ̀ zụ mẹ̀ ụkọrọ ohyozirenu ọnịrị apọtẹrẹwa ana sị zụ̀ ka ịrẹyị ayamva Ohomorihi ẹnẹ ẹyaa kà vị ịzẹyịza.

Odeyi 4:13

Ịjị anikootu maanị wụ́, ô hí wa irenu ka ayị Ipita ọnịrị Ịjọọnụ ọ́ maanị vị́, ịnị ụmẹ ana ahịka aza kẹnẹ ẹ vị nị, ẹnịnị ẹ yị yẹ iwe. Ệ yẹ ka ịdị Ijeesu ẹ vịdị yà nị.

Iwe Ọhụhị Imosiisi ana aa hị́ Ọyịvatụrọda 28:25

Ẹnẹyịmavara vaa mẹ ka ọnịvị awụ nịnị ẹ̀ nyị ẹbẹẹba awụ. Ụ vaa zi oze ọnya nọ ịrẹkụ ọnịvị awụ, ama dị ẹ dụ wụ zi oze ịhịmba. Avaba anẹhẹ vee re ịsị ẹ mẹ tù wu nịnị, dị angwa hi wa.

Iwe Ọhụhị Imosiisi ana aa hị́ Ọyịvatụrọda 28:7

Ọnịvị awụ nịnị ana àa kwẹẹtẹ tu wu nịnị, Ẹnẹyịmavara vee hú wa ẹtẹẹ yị wụ nịnị. Ẹ vaa zi oze ọnyaa kwẹẹtẹ tu wu nịnị, ama oze ịhịmba e vee zwèe zị nị.

1 Anịtẹsaronika 2:2

Wáa yẹ nịnị, ị mẹmẹ vịdị rị ụya dị a kụ̀ yị ụhụ Íhwiripi. Ama Ohomorihi ọ sị sị ọtụtụrụma yị ka ya kà enube ọyịza anị yị wụ nịnị, aza ẹ̀ẹ daka sì ka ẹnị ẹ̀ dọ yị oro.