Ụhịrẹyị 27:24 - IWE ỌNỊNỊ

²⁴ agụvị ka ogu ọ maā jẹẹ ọza ụvọ pooro, ọza ịnyara ọ mā rẹ rị ohinọyị pooro.

Ụhịrẹyị 27:24 ပူးပေါင်းရင်းမြစ်များ

2 Ịsamụwẹrị 7:16

Kà a yọ ka irehi anị ọnịrị ohinọyị ọnị ọ rị vị ọnị mị vaa sị jẹẹ pooro.”

Ijoovu 19:9

Ọ sị mị dọ avaba ogu ọnị maa sịị mẹ ụbanyị; ọ sị avaba ịsị maa sịị mẹ ụbanyị du ha.

Ahẹ Ụgama 89:36

Ụ ka ovwoovu anị o yi vee vú pàá. Ọnị ọ vaa vị ohinọyị pooro zịna-zịna nị.

Ahẹ Ụgama 89:39

Wa raà và hụụnị ịrẹyị ọnị ụ si kà tịtẹ, dị ụ sị amu ohinọyị anị, di u ne e ngụ ụdọ nị.

Ụhịrẹyị 23:4

Asị ụ wụ ẹngụ awụ tụra ịrẹsụ ẹkẹhị oyisì. Sị ịrẹyọyẹ va ahụ vị ịrẹma.

Ụhịrẹyị 23:5

Ẹkẹhị ọ zụ ta ịnị abọnya-abọnya. Ẹkẹhị vị onozwọọhịmị. Óo hira anka inomi anaā hị́ ọkasịmẹ avọọ nị.

Ịrẹyị Ọzwọzịsa 5:13

Ọzwọzịsa ka aa nyị ịrẹyị odivi ọnyara enee du ọza ayị ọnị ọnị re ịnị ẹhẹ ọnọnị: Ogu ọnị ọza kụ na tẹ̀ dị ọ varẹma vaa zama a.

Ayịsaya 9:7

Ụkata Ịjọva anị vị ana vaa hịrẹ ūna hu avọọ, Ẹngwọọrọ ọnị ọ vaa sị vẹ ọ ma vana ta pàá zịna-zịna. Ọnị ọ vaa vị ohinọyị dọ Idevidi ịrẹsụ nị. Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị. Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.

Ijeremaya 13:18

Ijeremaya ka Ẹnẹyịmavara ộ ka ẹ yị ọnị ka, ọnị ọ̀ kà a yị ohinọyị ọnịrị ọnyị anị ka è chi hụụnị aga ohinọyị ẹnịnị, agụvị ka ọkẹkẹrẹkụ ẹnịnị ọ sị hụ hụrẹ wa ịrẹsụ.

Arụwẹ 5:16

Avaba ịsị ẹnị yaa sị me eyi zị ệ ta. Ya sị da agụvị ebira odivi ọnị ị mẹ.

Ezikẹẹrị 21:26

Ẹnẹyịmavara Ananyị ụkata hu ka, wa ngwa ubobo awụ, dị wa hụ̀ amu ohinọyị awụ. Ịsavị-ịsavị ọ sị vara booro aanị. A vaa sị ọkụmịị rị ohinọyị, dị aa kà ọnụkata chi.

Ịzẹhwanaya 1:18

Ịhị Ẹnẹyịmavara aa kụ ayị hi wa, avaba ẹkẹhị ọnị ẹ nyị ọ yị vaa dọ wa ha hụrẹ ẹ ụvọ. Ẹnẹyịmavara vị ana vaa sị ọyịkụ-ọyịkụ vu avaba aza ene hi ẹhẹ ẹtẹ. Dị ọ da ẹhẹ ẹnịnị ẹjịjị ịnị asigiri.

Ijemiisi 1:10

Ọdọwụ ana vị ọzọbanyị, ọnị ọ̀ rẹẹ jẹ ka Ohomorihi ọ sị ọnị kà chi; agụvị ka ódodoo nịnị mẹẹ̄ sụ̀ụ vaa ha, avọọ ọzọbanyị mẹ̀ vaa para ụbanyị anịị hu nị.

1 Ịsamụwẹrị 13:14

Ama ẹ yị vị ẹwụ ọ kụkụ vaa rị ohinọyị Anisirẹrị pooro nị. Ụ wẹ̀ yị mẹ̀ zẹẹ ka wa sị eyi pe ọda Ẹnẹyịmavara, o reè sì ọza ẹnẹsa ana vaa mẹ ẹngụ ịsa oni o sì. Ọza ọnọọ Ẹnẹyịmavara kụkụ nyị ka ọ̀ vị ọdọvịdị aza anị nị.”