Ụhịrẹyị 27:22 - IWE ỌNỊNỊ

²² Ọza ọ daka tụ́ ọnụra anka a meē tu ayị ọnịrị ụra anị aa yịị zị nị.

Ụhịrẹyị 27:22 ပူးပေါင်းရင်းမြစ်များ

1 Ohinọyị 13:33

Ịrẹma ana avaba ịsa ẹnẹnị sị mẹ, Ijerobowami ọ yị vị và hụ vị ịrẹma ini ebira odivi ana aa mẹ. Aa kịị kụ́ aza oni òo re kẹnẹ hụụnị aza ẹnẹẹ, dị ọ kụ wa mẹ ohirẹsụ irehi Ohomorihi. Dị ọ kụ́ wa hi aha ọnẹba ịda ori anị nị.

Ọyịkụra 12:30

Ịrahụ ịhị ọnọọ owu ộ sụ́ ịrẹyị ịnị avaba ẹtẹ Ijipiti. Owu ọnọọ ọ sị Ihwarawo ọnịrị anụkọrọ anị ne beri avaba Anijipiti ha. A rẹ vaa nyị irehi ọnya ọnị ọza ò yi sú ịnị anị.

Ọyịkụra 14:5

A mẹ̀ na kà a yi ohinọyị Anijipiti ka aza ẹnẹẹ e si hu, di Ihwarawo ọnịrị anụkọrọ anị sị ayị vara nị. Dị ẹ ka, “Sị ị mẹ aanị? Wéē re ị mẹ̀ hụrẹ Anisirẹrị nịnị ụvọ ka ẹ̀ẹ na dị asị ẹ kụkụ mẹ̀ ụkọrọ yị.”

Ọyịkụra 15:9

Ọnịvị ô wo oto ka ọnị aa dụ yị, dị ọnị ọ̀ dà jị yị. Ọ kà ọnị aa kụ́ ogu ayị òo mè zee ọnị eyi. Ọ kà ọnị aa tụ́ ụhwọ anị dị ọnị ọ̀ sị wụ yị.

Ụhịrẹyị 14:24

Ịrẹyọyẹ ọ vị ogu ọnịrẹyọyẹ nị ama ututu a sị yẹ ọnụra nị.

Ụhịrẹyị 23:35

Ohweche kà, â nya mị ịsa ọ yị zị mị. Ê tú mị, mẹ yị hyakụ yẹ. Ịjị maa ha, di me ne hú eche ọsa kẹ.

Ụhịrẹyị 26:11

Ọnụra anaa vàa tụra ịsa ọnị ọ mẹ sị mẹẹ anka irezi ana varẹma nee rèé ahẹrẹ anị avọọ nị.

Ayịsaya 1:5

Sị ẹ vẹ dị waa yịị mẹ̀ ebira odivi hu avọọ nịnị? Aanị ka u wee sì ka à sịị sị ụyaa rị wụ nịnị hu avọọ nị? Ịrẹsụ awụ vị ụnava-ụnava, ewu aa vaa za ẹwụ nịnị ịnyẹmba.

Ijeremaya 13:23

Anetiyopiya nịnị ẹ́ẹ́ zụ vara ụpẹngụ ẹnịnị àvị ẹzụ ọ zụ vara achẹrẹ anị nị? Ẹnịnị ẹẹ zụ vara a, ẹẹhẹ, ẹwụ nịnị ana ahịka udivi kẹnẹ ụụ mẹ nịnị aanị nị, ẹwụ nịnị rẹ va zụụ kọsẹ ọyịza ọyị mẹ kẹ.

Ijeremaya 5:3

Ịzẹyịza, Ẹnẹyịmavara vị enee sì ka aza ẹẹ mẹ ịzẹyịza. Ộ nya wụ nịnị ịsa, ama ụ yị ka wẹ yị wụ́ ịrẹyị nịnị. Ộ sị ụya rị wụ nịnị ama we yi ka wẹ yị kọsẹ nịnị. Anayọkatẹngụ ụ vị nịnị nị, ụ ka wẹ yị và hụụnị ebira odivi awụ nịnị.

1 Ịsamụwẹrị 19:21

Dị a va sị ọ kà yị Ịsọọrụ nị. Dị ọ rẹ tụ́ aza ẹnẹsa na, dị aza ẹnẹẹ ẹnị raa kà ịsẹ e mè tù ịzọọ nị. Ịsọọrụ ọ rẹ tù anọhụta na, dị ahịka vị ẹnị raa kà ịsẹ e mè tù ịzọọ nị.