Ụhịrẹyị 27:18 - IWE ỌNỊNỊ

¹⁸ Ọ́za eneē tenyi aarẹ mẹẹ rị ịnị anị, avọọ ọza eneē sere ọga anị mẹẹ rị aha anị nị.

Ụhịrẹyị 27:18 ပူးပေါင်းရင်းမြစ်များ

2 Ohinọyị 18:31

Àsị u wụ́ ịrẹyị Ihezekaya nịnị; ohinọyị Ásiriya ka wa jịnẹ tụ ẹhẹ vẹ, dị wa hụrẹ ẹngụ awụ nịnị ụvọ yị ọnị. Ọ vaa navọ wụ nịnị ka waa rị ẹtụtụ ọchị ịvayịnị ọnịrị ihwigi awụ nịnị; di u wee hú enyi ini iruku awụ nịnị.

2 Ohinọyị 3:11

Ohinọyị Ijehosahwati ộ họ̀ ka, áá nyị ọnịsẹ ịzẹnị ẹnẹ ẹnị nyẹngụ họ̀ use ka, Ẹnẹyịmavara mẹ̀ ka? Dị ọga isoja ohinọyị Ijorami ọnya tụ́ ohi ka, Erisa ozi Isahwati yà ịzẹnị nị. Ọ kà ozi ahụ Erija ụvọta ọ vị̀ nị.

2 Ohinọyị 5:25

Ộ ngụ ini eehi, dị ọ na jẹẹ ọvịdị ọga anị nị. Erisa ộ họ̀ ọ use ka, Igehazi, ịzị ụ nọ? Dị Igehazi ka, ẹ yị nyị ozi ahụ awụ nọ vụrụ-vụrụ ọ.

2 Ohinọyị 5:27

Dị ọ ka, ụkụ ọbanyị Ịnaamanị vaa kụ̀ra vaa za wụ beri avaba ịpa evere awụ pooro zịna. Ịjị Igehazi na hụrẹ ọvịdị Erisa, ụkụ ọbanyị ọ sị ọ za. Dị â vwẹtẹ owu oyiche avọọ nị.

Ẹsịta 6:11

Ịzẹyịza dị Ịhamanị kụ́ awuru ọnọọ hi Imodekaya ẹngụ nị, dị ọ sị ọ tụra umaata ngụ ubooro zịịzị nị. Di Ịhamanị yà ọvịdị anị aa nọ́ ọ ka, é ve re e ịsị ohinọyị mẹ yị ọza ọnị o si ka ọnị aa sị ụbanyị yị.

Ahẹ Ụgama 123:2

Wâ yẹ ezi ahụ mẹ̀ẹ tụra ọga ẹnịnị eyi, avọọ ị maa tụra wụ eyi nọ, Ẹnẹyịmavara ana vị Ohomorihi ayị. Avọọ ị maa tụra wụ eyi pooro dị wa mẹ ayamva yị nị.

Ọyịkụra 24:13

Di Imosiisi ọnịrị Ijosuwa ozi ahụ anị tenyi ẹngụ ẹnịnị, di Imosiisi hịrẹ ataba Ohomorihi na nị.

Ụhịrẹyị 17:2

Ozi ahụ ana yẹ ịrẹyị vaa mẹ ọda tụra ozi anaā mẹ̀ ebira ụhị, dị a gà ogu tu ọ anka ozi avọọ.

Ụhịrẹyị 22:29

Ọza ana yara mẹ̀ ụkọrọ ẹtẹẹrẹ, ọ zụ mẹ̀ ụkọrọ yị ohinọyị nị. Ọ mā mẹ̀ ụkọrọ yị aza kẹnẹ-kẹnẹ.

Ụhịrẹyị 27:17

A mẹẹ̄ sị enyusẹ ẹnyị ne ọsa, avọọ ụvọ ẹẹva mẹẹ̄ nyịna ẹngụ nị.

Ụhịrẹyị 27:19

Ọza meē re ẹngụ anị ịnị enyi, avọọ ayị ọza mẹ sịị̄ zụ ịsị ọza vị nị.

Ahẹ Isoromọnị 8:12

Isoromọnị ọ́ zụ nyị achuchu ẹẹhị-ẹẹhị, dị ana aarẹ ẹnẹnị nyị achuchu ọnya-ọnya ẹnịnị. Ẹma nyị ụbazị ịvayịnị amị nị.

Ayịsaya 36:16

Asị ụ sị ụtọ tụ́ ịnị ịrẹyị oni Ihezekaya aa kà nịnị. Ohinọyị Anasiriya ka wa jịnẹ hi ẹhẹ dị wa kà a ka wâ dọ ka oni o huna wụ nịnị nị. Ọ kà wàa vavọọ mẹ nịnị, ẹ yị kụkụ vaa nyị ịrẹyị. Dị ọzọza aa rị ịsa ọnị ọ kụ́ tụ́ ịnị aarẹ, di o ree hú enyi ịnị ịkangga anị.

Imatiwu 24:25

Re, mee vịdị jintu sị ọọ kà wụ nịnị!

Imatiwu 24:46

Ọga anị ọ̀ọ vẹ di o ve tù ka ọ vavọọ aa mẹ nị, ozi ahụ ọnọọ vaa daa jẹ.

Ịmaakị 10:43

Ama ẹ yị vọrọ ka áawụ nịnị ọ̀ vavọọ yà. Ọza ene èe sì ka ọnị ọ̀ nyị ụbanyị ịnị awụ nịnị, â vọrọ ka ọ̀ọ hẹkẹ wụ nịnị.

Iruuku 12:37

Ezida ọnị ọga ẹnịnị ọ̀ọ vavọọ vẹ, di o ve tù wa ka ệ ha, eyee zí ọnị nị, ẹ vaa daa jẹ. Dị ma kà a wụ nịnị, ka vị ọga ọnọọ ee tenyi obo anịị sụ́ ọtẹ, dị ọ ka ezida ẹnẹẹ ẹ̀ yaayịtẹ, dị ọnị ụvọta aa sị ịsaa yị wa nị.

Iruuku 12:42

Dị Ananyị yị, tụ́ ohi, dị ọ ka, “Ẹnẹ vị ozi ahụ ọnịrẹyịzẹyịza ana yẹ ịrẹyị, ọnị ọga anị vaa sị ezi ahụ ana vọ chire ụvọ ka ọ̀ọ sị ịsọyịrịị yị wa ịnị ụmẹ ana vọrọ?

Iruuku 19:17

Dị ọga anị kà a yọ ka: ‘Akọrọ, ozi ahụ obooro! Agụvị ka wâ nyị ịzẹyịza tụ́ ịnị ịsa oweyi, mị vaa sị wụụ mẹ ohinọyị tụ́ ịrẹsụ ẹkụra ẹẹwụ.’

Ịjọọnụ 12:26

Ọza ana àaa hẹkẹ mị, ọ̀ rẹẹ dụ mị ịrẹma! Ịzị màa yà, ịzọọ aza ana aa hẹkẹ mị ọnị rẹ vaa yà nị. Ọza ana àaa hẹkẹ mị, ọnị Áda amị vaa sị ụbanyị yị nị.”

Odeyi 10:7

Dị anggẹẹrị ene ee pe e kà ịrẹyị, si hu nị. Dị Ịkọnẹrịyọsị hị́ ezi ahụ anị ẹẹva beri isoja ọnya ana rẹ nyị ahẹkẹ, ana aa mẹ̀ ụkọrọ yị Ịkọnẹrịyọsị ọnị ụvọta.

1 Anịkọrịntị 3:8

Ọza ene ee chire ịsa, ọnịrị ọza ana aa ká enyi hi ọọ vị ẹbẹẹbẹ. Ohomorihi vaa sị ọgụ ụkọrọ ọnị ọzọza mẹẹ yọ.

1 Anịkọrịntị 9:13

Ụ wáá ka wẹ yị yẹ ka ọza ana aa mẹ̀ ụkọrọ ini irehi Ohomorihi vị anaā rị ịnị ịsa ana àa sị vẹ ini irehi Ohomorihi nị? Wa rẹ yẹ nịnị ka aza ana a nyị ka ẹ̀ẹ sị ịsa ịsọvọọ mẹ ịsọvọọ yị Ohomorihi vị ana rẹẹ̄ rị ịnị ịsa ịsọvọ ẹnẹẹ.

1 Anịkọrịntị 9:7

Áá nyị isoja eneē sí ẹngụ anị ụta? Wéé re ọkụrịkụ ẹnẹ ẹ̀ yị mā rị ịsa ịnị aarẹ anị da? Ẹ yị rẹ nyị ọza anaā pá ịsụpa ẹnẹ ẹ̀ yị mā rị ịsị ẹ hụụnị anị vẹ.

Anikorasi 3:22

Ẹwụ nịnị ezi ahụ, avaba ịsị ọga awụ nịnị ẹ́hẹ ọnọnị ọ̀ọ kà a wụ nịnị, waa wụ́ nịnị Asị a hị́ ka wèe re wa nịnị kẹnẹ, ụ waa wụ́ ịrẹyị ẹnịnị anka omeyọza avọọ nị. Ama waa sị ayị ọnyaa mẹ̀ ụkọrọ anka ọ mẹ̀ vọrọ tụra ọza ana nyị angwahi Ohomorihi.

2 Itimoti 2:6

Ọkụrịkụ ene re osiye ụkọrọ, a vọrọ ka ọ̀ vịdị rị ịnị ịsa ịnị aarẹ anị nị.

1Ipita 2:18

Ẹwụ nịnị ezida, ká ịrẹsụ hi yị ọga awụ nịnị, dị ụ wa nyị angwahi ẹnịnị ẹtẹẹtẹrẹ. Ẹ́ yị vị ọga anaā ngụ ayị awụ nịnị, dị e ree roo yị wụ nịnị kẹnẹ m maa kà, ama hi ọga anaā nyị ẹngụrẹyị bẹẹ.

1Ipita 2:21

Oze oni Ohomorihi hị́ wụ nịnị tụ́ ọ vị ọnọọ nị, agụvị ka Ikirisiti nyẹmba ộ rị ụya yị wụ nịnị. Ộ tụ́ oze tịtẹ yị wụ nịnị ka wa vavọọ sị ahụ anịị hi ẹtẹ nịnị.

1 Ịsamụwẹrị 2:30

Ebira ọnị ụ maanị mẹ nịnị aanị, Ẹnẹyịmavara ana vị Ohomorihi Anisirẹrị ka vị ọnị vịdị kà a ka obooro awụ nịnị ọ vaa mẹ ụkọrọọ yị ọnị ini eehi anị pooro nị. Ama Ẹnẹyịmavara kà ọnị ọ yị kụkụ vavọọ zẹẹ. Ọ kà ọza ana àa sị ụbanyị yị ọnị, dị ọnị rẹ sị ụbanyị yị ọza ọnọọ. Ama ọza ana àa sị eyi oweyi re ọnị vị ọnị ọnị rẹ vaa tẹ.