Ụhịrẹyị 25:8 - IWE ỌNỊNỊ

⁸ Asị ọza ha eyi sị ịrẹyị nọ ikootu, onivenu ọ̀ọ na kụ ịrẹka za wụ. Ụ́ụ́ ma mẹ̀ ụhị ọnọọ?

Ụhịrẹyị 25:8 ပူးပေါင်းရင်းမြစ်များ

2 Ịsamụwẹrị 2:26

Di Abịna va hị́ Ijowabi dị ọ ka, “Aanị ka aanị ị mẹ̀ vaa kụ̀ ịrẹkụ pooro nị? Wáá yẹ ka yàa maanị aa mẹ, vị ọ vaa mẹ ka ya nyị ẹngụrẹyị hi ẹngụ pooro kẹnẹ nị? O si tù ka wa kà a yị aza awụ ọgọnị ka asị ẹ rẹ kụkụ dụ yị agụvị ka anda ị vị nị.”

1 Ohinọyị 3:25

Dị ohinọyị ka, “che ozi ana yara avọọ tụ́ hi ẹẹva. Sị achẹva anị yị ọnya, dị wa rẹ si achẹva anị yị ọsa.”

Ụhịrẹyị 14:12

Ọza ọ nyẹngụ rò ka anị ọ vị nị ama dị ahịka ọ sị ọ ne vu nị.

Ụhịrẹyị 17:14

Ịraazị óo nyima, vị ọ sị mẹ anka ọza òo rere à há akata yị enyi avọọ nị, agụvị avọọ, và hụụnị ịrẹyị dị ọ va sụ ịraazị.

Ụhịrẹyị 18:6

Ịrẹyị irenu ọnụra vị anaā chị ịraazị, ịrẹyị ọnị ọza sị dọ arụhwọtọ ọ kà nị.

Ụhịrẹyị 30:33

Anka ịrẹva ana a kama mẹẹ̄ nyị angwẹ, aa pịrị ọza aahị baaba vị aa jịra, avọọ ọza yị yara ee si ọza ịrẹyị ọ vara ịrazị nị.

Ịrẹyị Ọzwọzịsa 7:9

Asị ụ rẹ hụra kụ ayị, agụvị ka ọnụra kẹnẹ ọọ hụraa kụ ayị nị.

Ijeremaya 5:31

Ọnịsẹ nịnị kụkụ èe cheeche; ohirẹsụ irehi Ohomorihi nịnị vị ana kụkụ a sị ọda ẹngụ ẹnịnị mẹ ịsị ẹ yaa mẹ, dị aza anị vavọọ yị si ọ ka a vavọọ mẹẹ nị. Ama sị ụ vaa mẹ nịnị ịnị ẹzẹtẹ anị kẹ?

Imatiwu 5:25

Juntu pe ọnịrẹyị awụ ze óze, ụ màa nọ ini ikootu, ẹ̀ yị va avọọ ka ọ va sị wụ yị ọmọkarẹyị, dị ọmọkarẹyị sị wụ́ chire iporisi ụvọ, dị a kụkụ sị wụ tụ́ ịnị ẹngwa.