Ụhịrẹyị 25:27 - IWE ỌNỊNỊ

²⁷ Ọza mẹẹ rị ẹhụ baaba dị a zama, avọọ ọza enee si ka aa ga ọnị mẹẹ nyị ẹngụkata nị.

Ụhịrẹyị 25:27 ပူးပေါင်းရင်းမြစ်များ

Ụhịrẹyị 25:16

Wẹ̀ẹ re ẹhụ, rèé ẹ̀hụ awụ anị, ẹ̀ẹ vị avọọ ụ aa hẹrẹ ẹ nị.

Ụhịrẹyị 25:2

Ẹyị azaā sị ụbanyị yị Ohomorihi agụvị ka ọnị oō mẹ̀ ịsa ọnị ọza ẹ yị yẹ uruvo anị nị. Dị aza rẹ sị ụbanyị yị ohinọyị nịnị agụvị ka ẹnị ẹẹ̄ mẹ̀ ẹhahi ịrẹyị zụ aza nị.

Ụhịrẹyị 27:2

Navọ ọzẹnẹsa ọ ga wụ, asị ẹwụ ụvọta ga ẹngụ awụ. Anusoze ọ yẹ akụ ọ̀ọ hụ và nị.

Iruuku 14:11

Ọza ana àa kà ẹngụ anị hịrẹ, a vaa kà a chí; ama ọza ana àa kà ẹngụ anị chí, ọnị a vaa kà a hịrẹ nị.”

Ịjọọnụ 5:44

Ụụ̄ dụ ka waa ga ẹngụ nịnị, ama wa mā dụ ka Ohomorihi ana ahịka ọnị kẹnẹ ọ vị Ohomorihi nị, ọ̀ ga wụ nịnị. Ini oze avọọ, wéé ro ka wa zụ dọ Ohomorihi wụ́ nịnị?

2 Anịkọrịntị 12:1

Mâ yẹ ka ẹ yị nyị ịsị ẹ yà ini oto ò yi wo, ama â nyị ka me yii wo o. Maa kà ịrẹyị ẹtẹ oni mi re ọnịrị Ánanyị yị mẹmẹ sị ẹngụ zụ̀ mị.

2 Anịkọrịntị 12:11

Maa kà ịrẹyị anka ọnụra avọọ, ama ẹwụ nịnị ọ mẹ ka ma maanị wo oto, di maa ga ẹngụ amị nị. Ẹwụ nịnị a vọrọ ka ọ̀ọ ga ẹmị nị, ẹ̀ yị daka nyị ịsị mị vị, aza ọnị ụ sị mẹ ọga ezirẹma Ijeesu nịnị avọọ, e yi huna mị ini oze ọnyọọnyị.

Anihwiripi 2:3

Asị a nyị ọza ana sị ụhị ọyị kụ̀ mẹ ịsọnyị-ịsọnyị. Asị ụ rẹ mẹ̀ ịsa agụvị di u we zụ sii wo oto nịnị. Ọzọza ọ̀ kà ẹngụ anị chi, asị aza ẹnyị ro o ka ọnị óo huna ọsa.