Ụhịrẹyị 25:2 - IWE ỌNỊNỊ

² Ẹyị azaā sị ụbanyị yị Ohomorihi agụvị ka ọnị oō mẹ̀ ịsa ọnị ọza ẹ yị yẹ uruvo anị nị. Dị aza rẹ sị ụbanyị yị ohinọyị nịnị agụvị ka ẹnị ẹẹ̄ mẹ̀ ẹhahi ịrẹyị zụ aza nị.

Ụhịrẹyị 25:2 ပူးပေါင်းရင်းမြစ်များ

2 Ịsamụwẹrị 1:5

Di Idevidi va họ̀ ozi ọnọrụ ọnọọ ana maanị va kà enube yọ dị ọ ka, “Ụ mẹmẹ yẹ ka Ịsọọrụ ọnịrị Ijonatani ozi anị ê wusu?”

2 Ịsamụwẹrị 14:19

Di ohinọyị ka Ijowabi ộ nyị ụvọ tụ́ ịnị avaba ịrẹyị ọnọnị. Dị ọnẹẹ ọnọọ ka, “Ada ayị Taarụ Ohinọyị, avọọ yịị yọ. We yi cheeche vụrụ-vụrụ ịnị avaba ịrẹyị ọnị ụ kà aanị.

Ẹzịra 4:15

Ọ̀ọ zama iwe ịtọpa ohinọyị nịnị ana vịdị rị ịyẹẹyẹ, o vee re ka Ijerusarẹmị vị ẹkụra ana vịdị aa mẹ akamawụ hị́ ohinọyị nịnị, dị ẹẹ ku anẹkụra ana avọ ku ịrẹma va eyi ka ịjọva nị. Agụvị avọọ a vịdị sị chaka ẹkụra ọnọọ ha nị.

Ẹzịra 4:19

Ộ mẹ ọda ka a zama iwe ịtọpa re. Ịzẹyịza di o re ka ịnị ịrayị ọrụrụ ana parahu aza ene hị́ Ijerusarẹmị ệ mẹ̀ akamawụ hị́ ohinọyị irenyi-irenyi, dị ẹ kụ ẹngụkata tu ẹkụra ana vọ nị.

Ẹzịra 5:17

Dị ẹ kà òo ze ohinọyị eyi booro aanị, ò ne si iwe ịzị a chẹrẹ ịrẹyị ohinọyị hi Ịbabịrọnị. Ò sì iruvo àa vị ịzẹyịza Ịsayịrọsị vavọọ mẹ ọda ka à da irehi Ohomorihi ọnọọ nị, dị ọ̀ tụ́ hi ẹnị.

Ẹzịra 6:1

Ịdarịyọsị ohinọyị ộ mẹ̀ ọda ka è nee si iwe ana a chẹrẹ ọda Ịsayịrọsị tụ ịzị aā chẹrẹ ịrẹyị ịjọva Ibabironii hi nị.

Ijoovu 29:16

Ọnị ọ vị ada yị aza ẹnẹẹ yị nyị, dị ọnị aa dọ ịrẹvụ ọzọga vụ nị.

Ijoovu 38:4

Ijoovu wáá ya ịzọọ ụmẹ ọnị ọnị aa sị tụ ẹhẹ?

Ijoovu 40:2

vị́ Ijoovu wáá hị́ Ochẹtẹẹngụ ịrẹkụ tu ẹngụ anị, di e si ohuvọ ana a tụ ọnị nị? Ọ̀ọ ka ọnị ee pe Ohomorihi nyị ahankata o tụ ohi kẹ?

Ijoovu 42:3

Ẹnẹyịmavara ộ họ̀ Ijoovu ka ẹnị aa kụ ịrẹka ịsa ọnị ẹ yị yẹ aanị? Dị Ijoovu ka ịsa ọnị ọnị ẹ yị yẹ ọnị ka nị. Ịrẹyọyẹ Ẹnẹyịmavara vị́ ene hi ọnị irenu. Ọnị ẹ yị yẹ ẹ.

Ụhịrẹyị 25:27

Ọza mẹẹ rị ẹhụ baaba dị a zama, avọọ ọza enee si ka aa ga ọnị mẹẹ nyị ẹngụkata nị.

Ụhịrẹyị 25:3

Ọza ẹ yị zụ yẹ ịsị ẹ ya ịnị ayị ohinọyị. Ẹbẹẹba me noze, dị eteesu ọnị rẹ nyịnẹ, avọọ aro ohinọyị mẹ noze rịrị aza nị.

Ịrẹyị Ọzwọzịsa 1:13

Ọnị ộ sị ụmẹ tịtẹ ọyịkọsẹ ịrẹyọyẹ, dị ọnị sị ịrẹyọyẹ zama avaba ịsị azaa mẹ ịnị ẹhẹ re nị. Dị ọnị ne tu ka ụya kẹnẹ Ohomorihi kụ aza hi ịnị anị ịnị ẹhẹ nị.

Iwe Ọhụhị Imosiisi ana aa hị́ Ọyịvatụrọda 29:28

Ẹnẹyịmavara ô du ayị ẹtẹẹtẹrẹ hi wa, dị ọ kụ́ wa hụrẹ ẹtẹ ẹnịnị ne hi ikinamị ịzị ẹ ya va ngụ ajịnị nị.

Iwe Ọhụhị Imosiisi ana aa hị́ Ọyịvatụrọda 29:29

A nyị ịsa ẹnyị ọnị Ẹnẹyịmavara Ohomorihi sị tẹ̀ yị ẹyị aza: Ama ộ sị ọda anị zụ yị ka ẹnịrị evere ayị ẹ saasa pooro zịna-zịna.