Ụhịrẹyị 25:14 - IWE ỌNỊNỊ

¹⁴ Ọza anaa ka ịrẹyị, dị ọ yị mẹ̀ ẹ sị mẹ anka eguhi osusu avọọ nị.

Ụhịrẹyị 25:14 ပူးပေါင်းရင်းမြစ်များ

1 Ohinọyị 22:11

Di Izedekaya ozi Ikenaana ọnị sị enyusẹ ọnya aanị, dị ọ sị mẹ ọpanyị nị. Ọ mẹ̀ sị ọ mẹ dị ọ ka, “Ẹnẹyịmavara kà ọpa ọnọnị wụ vaa sị tụ́ Anịsamarịya pooro di we vú wa ẹtẹ nị.”

Ụhịrẹyị 20:6

Ọzọza vị anaa kà a ka ọnị ọ wụra chị ayị za, ama ene kụkụ zụ re ọza ana wụra chi ayị tụra kẹ?

Ijeremaya 5:13

Ẹ ka ọnịsẹ nịnị vị anaa kụ ịrẹka ọọhẹ kẹnẹ, Ohomorihi ẹ yị tụ wa ụtụ. Ẹ ka avaba odivi ọnị ọnịsẹ nịnị aa kà a ka ọ vaa vẹ, vị ana vaa vẹ ịrẹsụ ẹnịnị.

Imika 2:11

Mâ yẹ ka onireche ana aa kà ịsẹ ireche zị ka u vee re echee hú ẹtẹẹtẹrẹ u sì nịnị.

Iruuku 14:11

Ọza ana àa kà ẹngụ anị hịrẹ, a vaa kà a chí; ama ọza ana àa kà ẹngụ anị chí, ọnị a vaa kà a hịrẹ nị.”

2 Anịkọrịntị 11:31

Ohomorihi ana vị Ada Ijeesu Ananyị yị, ộ yẹ ka me yi cheeche. Ọnị ọ nyị avaba ụbanyị pooro zịna-zịna nị.

Ijudi 1:16

Aza ẹnẹnị vị anaā rị ihuhu, ẹnịnị ẹ́ yị ma rị dọ irenu. Ịsa odivi ọnị ayị ẹnịnị èe sì kẹnẹ ẹẹ̄ mẹ nị, dị ẹyaa nyị irenu, dị e re yee gono ọza agụvị è re oze dọ ọ ịsa.