Ụhịrẹyị 25:12 - IWE ỌNỊNỊ

¹² Ịrẹyị ọnị ọyẹrẹyị ka yị ọza ana nyị ụtọ sị mẹ anka àa sị ọmọ mẹ ọza ẹyịza.

Ụhịrẹyị 25:12 ပူးပေါင်းရင်းမြစ်များ

2 Ịsamụwẹrị 1:24

Ẹwụ anyẹnẹẹ Anisirẹrị, waā jị òrèrè Ịsọọrụ nịnị, Ịsọọrụ anaā kụ́ ịta ozoza va wụ nịnị, dị ọ rẹ kụ́ igooru ọnịrị iweyi yị wụ ka wa sịị mẹ ọvị nịnị.

Ijoovu 28:17

Ịrẹyọyẹ ọ nyị ụbanyị huna igooru ọnịrị ịrẹta ẹkẹhị-ẹkẹhị ana vọ nị.

Ijoovu 42:11

Avaba ẹyịnyara Ijoovu, anọrụ ọnịrị anẹẹ ne beri ọta anị nịnị ê ve pe e jẹ ịrajẹ ịda anị di e dudu rị ịsa vabẹ nị. Dị ẹ yaa zị ẹngụ yi ọ ịnị avaba odivi ọnị Ẹnẹyịmavara kụ́ tu ọ. Dị ọzọza sị ẹkẹhị ọnịrị igooru mẹ̀ ẹ ẹyịza nị.

Ahẹ Ụgama 141:5

Mâ dọ ka aza ana aa mẹ ịzẹyịza è vene tụ́ mị dị ẹ̀ẹ tụ́ mị ohuvọ. Mâ yẹ ka vi e sì ịrẹyị amị nị. Ẹngụ ẹnẹẹ vị ana sị mẹẹ angwẹ ozoza ana a sịị̄ sisi ọza ịrẹsụ Mẹ yị vaa kà ka mẹ yị dọ ẹngụ ẹnẹẹ. Ama aza edivi vị ọnị maa mẹ̀ aduwa ịnị ẹhẹ amị ka asị ẹ̀ zụ mẹ̀ ebira odivi ẹnịnị.

Ọyịkụra 32:2

Dị Eerọnị ka, “Kụ́ ochirụtọ ana a si igooru mẹ oni ose ewu nịnị ọnịrị ezi anọrụ awụ nịnị ne beri ezi anẹẹ awụ nịnị nyị, dị wa kụ́ wa vẹ”.

Ọyịkụra 35:22

Avaba aza ene sì, ọnọrụ ọnịrị anẹẹ vị ana kụ́ ịsa ọvị irenyi-irenyi ana a sị igooru mẹ vẹ, ẹhụụ arị, ochirụtọ, ochirigege ọnịrị ịsa ọbẹ. Avọọ ẹnịnị mẹ̀ kụ́ wa vẹ dị ẹ sị va yị Ẹnẹyịmavara nị.

Ụhịrẹyị 15:5

Ọnụra kẹnẹ ọọ sị eyi wụ́ ịrẹyị ada anị nị, ama ọza ana yẹ ịrẹyị vị ana a dọ ịrẹyị ada anị wụ.

Ụhịrẹyị 20:12

Ẹnẹyịmavara ọ mẹ eyi yị ka ye sii re ẹtẹ, dị ọ rẹ mẹ ụtọ yị ka ya sịị wụ́ ịrẹyị nị.

Ụhịrẹyị 9:8

Asị ụ tụ́ ọza anaā sịị ẹngụ tụ ẹba ohuvọ agụvị asị ọ nyị ịhyẹrẹ awụ. Ama waa tụ́ ọnịrẹyọyẹ ohuvọ dị ọ sị ịrẹsụ nẹtẹ yị wụ.

Ịrẹyị Ọzwọzịsa 7:5

Aza ana yẹ ịrẹyị ẹ̀ẹ tụ ọza ohuvọ o zoza hu ka ọnụra nịnị ẹẹ jị ahẹ gono ọza nị.

Ezikẹẹrị 16:12

Ọnị ộ sị ochirigege chire wu aahị, ọnị ộ kụ ịsụtọ hi wu ụtọ, dị ọnị kú wu amu ohinọyị gẹgẹrẹgẹ nị.

Imatiwu 12:35

Ịsa ọyịza ana yà ịnị ayị ọza ọyịza, ọọ̄ mẹ̀ ka ọọ mẹ̀ ebira ozoza nị. Ịsa odivi ana yà ịnị ayị ọza odivi, ọọ̄ mẹ̀ ka ọọ mẹ̀ ebira odivi nị.