Ụhịrẹyị 24:9 - IWE ỌNỊNỊ

⁹ Avaba eto ọnị ọnụra aa mẹ̀ vị ọhịmị. Aza vị anaā nyị ịhyẹrẹ ọza anaa sị ọzaa mẹ enyinyi.

Ụhịrẹyị 24:9 ပူးပေါင်းရင်းမြစ်များ

Oyinyima 6:5

Ẹnẹyịmavara o ve re ka ebira edivi ana aza aa mẹ ịnị ẹhẹ ọ sị vị ẹnẹmẹhị, ariro odivi pooro kẹnẹ o hì ịnị ayị aza nị.

Oyinyima 8:21

Ịjị Ẹnẹyịmavara wụ́ àgụ̀ ozoza ịsọvọ ọnọọ, dị ọ kà a ịnị ayị anị dị ọ ka, “Ọnị ọ mā vana hụ agụvị ọza chì hi ẹtẹ. Ọ kà ọnị ọ yẹ ka ọ mẹ̀ hụrẹ vi ozweyi, ariro odivi ọ yà ịnị ayị anị. Ọ kà ọnị ọ mā rẹ vana maanị wụ̀ avaba ịsa ana aa tụ́ ụhwẹ.

Ahẹ Ụgama 119:113

Onogevegeve vị ana ayị anịị kụ mị, ama mê sì ịrẹyị ọda ọnị ụ mẹ.

Ụhịrẹyị 21:24

Ọza anaa sị ẹngụ tụ ẹba vene wu, dị aa mẹ̀ ọjịnọka.

Ụhịrẹyị 22:10

Dụ ọza anaa ka chire ọza kwooze, ịraazị ẹ yị na vẹ, dị a vaa kụ ẹngụ ụhụ.

Ụhịrẹyị 23:7

Eneyiche àaa hị́ wụ ka wa va rị ịsa, ẹ yị sị ayị ọnyara hị́ wụ. Ịsị ẹ ya ịnị ayị anị vị irenyi.

Ụhịrẹyị 24:8

Ọza anaā mẹ̀ aro ka ọnị ọ mẹ̀ odivi vị ana a vaa hị́ ọmọzakụyẹ.

Ụhịrẹyị 29:8

Onisiya kụ ẹngụkata tu ẹkụra, ama ọza ana yẹ ịrẹyị vị ana kụ ẹngwọọrọ tu ẹkụra.

Ụhịrẹyị 9:7

Ọza ana tụ́ ọza anaā sịị ẹngụ tụ ẹba ohuvọ vaa dọ ụhụ. Avọọ ọza ana tụ́ ọza ọhịmị ohuvọ mẹ re vee re ayodu nị.

Ayịsaya 55:7

Navọ ọza ọhịmị ọ và hụụnị ẹhẹ odivi anị, dị ọza odivi ọ̀ và hụụnị aro odivi anị. Navọ ẹnịnị ẹ̀ và ka Ẹnẹyịmavara vẹ ka ọ vaa vayị ẹnịnị. Ẹnịnị ẹ̀ và ka Ohomorihi ayị vẹ, ka ọ vaa vaa gu wa ẹtẹẹtẹrẹ.

Ijeremaya 4:14

Ẹwụ nịnị Anijerusarẹmị, hụụnị ebira odivi awụ nịnị dị wa ha. Ịzị ụ maanị vaa sị ịrẹyị odivi tụ ịnị ayị nee tu nịnị?

Imatiwu 15:19

agụvị ka ịnị ayị ọza áriro odiviī hụrẹẹ vẹ nị, anaā mẹ ka ọ̀ọ wụ̀ ọza, dị ọ̀ọ sẹ̀ ịrẹka, di òo yi oyi, di ò ree dọ ivenu ireche, di ò ree du ọza ịrẹsụ.

Imatiwu 5:28

Ama ẹma kà a wụ nịnị nị ka ọza ene èe re ọnyẹnẹẹ, di eyi anị ọ̀ yị hụụnị ẹngụ anị nị, ọ raà sị ayị anị pee sẹ̀ ịrẹka da.

Imatiwu 9:4

Ijeesu ộ yẹ ịsị eyee ro; dị ọ ka, “Sị ẹ vẹ di u wee ro ịsa odivi ịnị ayị awụ nịnị?

Odeyi 8:22

Ro ịnẹ varẹma hụụnị ariro odivi awụ ọnọnị, dụ wa mẹ̀ aduwa hi Ohomorihi ka ọ̀ọ zụ vagu wu ịnị ịrẹyị oni u ro aanị!

2 Anịkọrịntị 10:5

Yaa gara avaba ahankata ireche ha. Ịsị ẹẹ̄ sị ẹngụụ tụ́ ẹba ẹnẹ ẹ̀yị mā zẹẹ ka aza ẹ̀ yẹ Ohomorihi vị ọnị ị raa garaa ha. Ị raa za ariro aza ka ẹ̀ẹ wụ́ụ chire Ikirisiti.