Ụhịrẹyị 24:31 - IWE ỌNỊNỊ

³¹ Avị ọnịrị igegenechi vị ana za avaba ịsa ịnị aarẹ anị rị. Ọvọ ịrẹta ọnị ọ jị kara ụbazị anị e ku wu va hi ẹtẹ.

Ụhịrẹyị 24:31 ပူးပေါင်းရင်းမြစ်များ

Ijoovu 30:7

Di e yee na owu anka ịkẹrịkẹtẹ ana ya aha ene noze avọọ nị. Dị ẹ hana ngụ ẹngụ hi iruvo ikizi.

Ijoovu 31:40

Mèe chire ihwiiti ọnịrị ibaari tụ ịnị aarẹ, ẹ̀ vara avị ọnịrị ikeyi. Ịrẹyị Ijoovu ộ ta.

Ụhịrẹyị 13:4

Ọza anaā nyị uworo o mē zụ re ịsị e si ama ọza anaā mẹ̀ vee re e tụra-tụra.

Ụhịrẹyị 19:23

Ọza ene hí angwa Ẹnẹyịmavara vee ku orubo dị ọ mẹ ẹhẹ anị ịnị ẹngwọọrọ.

Ụhịrẹyị 20:4

Onuworo ẹnẹ ẹ yị da aarẹ ịnị ụmẹ ụrụkụ ọ yị mā nyị ịsa ịnị aarẹ.

Ụhịrẹyị 22:13

Onuworo vị anaā ya ịnị eehi; ọ kà ọnị ọ̀ọ jịnẹ idu ana ya oze vaa za ọnị.

Ụhịrẹyị 23:21

Ohweche ọnịrị ọnọhọha nịnị vị ene vee re osiye. Ọza ana ahịka ụkọrọ ịsọyịrị ọnịrị ara ọyị sụ kẹnẹ ọọ̄ mẹ̀ nị vị ọnị ịtaa anị bó hi ẹngụ.

Ụhịrẹyị 24:32

Mmi mê re e, di mi ro o, dị mị kọsẹ ịrẹyọyẹ hụụnị anị nị.

Ịrẹyị Ọzwọzịsa 10:18

Ọza ọọ sị vị onuworo dị ẹ yị zụ tenyi irehi anị nị, ịsị e si ku irehi anị vị enee chì di ee nu ku ọ ịrẹsụ.

Ayịsaya 5:5

Wáá yẹ ịsị ọta amị vaa mẹ ụbazị ọnọọ nịnị? Ọ vaa za ụbazị ọnọọ dị o wu ịsa ana a sị họ̀ kara a dị ọ chaka ọvọ ana kara a ha. Dị ịsụpa nịnị ngụ ọ, dị ẹ rị ọ, di e du ịsa ịnị anị ha.

Ayịsaya 5:6

Di o kuku du ẹtẹ ọnọọ ha, dị ọ navọ ọchị ịvayịnị anị dị o yi tenyi ọ, dị ọ yị rẹ kụkụ bàrà hi ọ. Di ikeyi ọnịrị avị edivi-edivi kuku hi hi ọ. Ọ yị rẹẹ kụkụ vaa zẹẹ ka orihi ọ̀ zụ tụ́ ọ.

Ijeremaya 4:3

Ẹnẹyịmavara ộ kà a yị Anijuda ẹnịrị Anijerusarẹmị nịnị ka, ne huru ẹtẹ awụ nịnị ọnị ọza ẹ yị vana kụ ụrụkụ tụ aanị, dị asị ụ ne chire uhu awụ nịnị ọyịza-ọyịza ọnọnị va hụra ikeyi.

Imatiwu 13:22

Ọza ana rẹ dọ ihu ọnọọ tụ́ ịnị akakana ikeyi, ọ vị ọza ana wụ́ ịrẹyị ọnọọ di ariro ẹhẹ ọnọnị ọnịrị evene ẹkẹhị ọnịrị ụbanyị za ịrẹyị ọnọọ rị nị, agụvị avọọ ẹyị nyị ẹtụtụ.

Imatiwu 13:7

Dị ẹnyị rẹ hụrẹ ne ngụ ịnị akakana ikeyi nị. Ịjị ikeyi ẹnẹẹ aa hụ, dị ẹ za wa rị nị.

Anihiburu 6:8

Ama àa vị ikeyi ọnịrị avị kẹnẹ-kẹnẹ e nyị hi ịnị anị nị, ẹ́ yị nyị ịsị aa sị ẹtẹ ọnọọ mẹ, Ohomorihi ọ́ọ hyakụ nyayịnẹ chì hi ọọ, dị a vana rị ọ ịra ọdịrẹma.