Ụhịrẹyị 24:28 - IWE ỌNỊNỊ

²⁸ Asị ụ da ku ọza ọnị ẹ yị nyị ịsị ọ mẹ̀. Asị ụ rẹẹ̄ kà ịrẹyị ọnị eyi awụ e yi tu.

Ụhịrẹyị 24:28 ပူးပေါင်းရင်းမြစ်များ

Ijoovu 2:3

Dị Ẹnẹyịmavara tenyi Echu họ̀ ka, ịsị o re ịnị ịrẹyị Ijoovu ana vị ozi ahụ anị kẹ? Ọ kà ẹ yị nyị ọza ana sị ayị tụra ọnị, dị ọọ̄ mẹ̀ ọyịza anka Ijoovu ịrẹsụ ẹtẹ. Ijoovu ọ hí angwa anị, dị ọ yị mā ebira odivi nị. Ọ yị jesi ayị anị Echu mẹ daka mẹ̀ ọnị ka ọnị ọ kụ ẹngụkata tu ọ tụ ịnị osusu.

Ahẹ Ụgama 35:11

Aza edivi ệ kwẹẹtẹ e yee cheeche kú mị ẹ yaa họ̀ mị use ịrẹyị ene eyi amị ọ̀ yị hyakụ tù vụrụ-vụrụ.

Ahẹ Ụgama 35:7

Nyị m mẹ̀ kà yị wa di e yee bè mi, dị ẹ yaa va ịrẹpaa zi mị kẹnẹ-kẹnẹ.

Ahẹ Ụgama 52:1

Sị ẹ vẹ dị waa sị ebira odivi wo oto ẹwụ ene ro ka wâ nyị ụkata? Sị ẹ vẹ dị ụ maanị ee wo oto pooro wáá yẹ ka wa sị tẹ ini eyi Ohomorihi?

Ọyịkụra 20:16

Wẹ yị nyayịnẹ dọ ivenu ireche kú ọza.

Ọyịkụra 23:1

Asị ụ na gana ịrẹyị ireche hị́ ẹtẹ. Ọza ọ̀ọ mẹ̀ ịsa odivi, asị ụ na dọ ivenu ireche ka wa sị gụ ọ ụvọ.

Ụhịrẹyị 14:5

Onivenu ịzẹyịza o mē cheeche ama onireche vi eneē cheeche.

Ụhịrẹyị 19:5

Ọza ana dọ ivenu ireche ịnị ikootu vị anaa rị ụya anị. Ẹ yị vaa mẹ̀ ẹ sịị rị.

Ụhịrẹyị 19:9

Ọza ana dọ ivenu ireche ịnị ikootu, ẹ yị rị ọ, a rị ụya anị, ọ sị ẹngụ anị wụ.

Ụhịrẹyị 21:28

Ọza anaa dọ ivenu ireche vaa rị ụya anị ama ọza anaa nyị ịzẹyịza a vaa dọ ịrẹyị anị tụ ịzọọ nị.

Ụhịrẹyị 25:18

Ọza anaa dọ ivenu ireche ku ọta anị sị mẹẹ anka ọza o che ọza ọpa, a vị ọza ọ̀ ka ọza ụhwọ, a vị ọza o hu ọza arubebe avọọ nị.

Ụhịrẹyị 26:19

Avọọ ọza enee vene ọnọhụva anị ka ọnị ee pe e mẹ̀ aahẹ nị.

Ireevi 19:11

Ọ kà à sị ẹnịnị yi oyi. À sị ẹ mẹ ọza rị; dị à sị é re cheeche yị ẹngụ.

Ireevi 6:2

Àa nyị ọza ọnị ọnọhụva anị Anisirẹrị sị ịsa yị tẹ, di o yi dị ẹ yị và a ịrẹma yọ nị, àa vị ka vị o sima a ụvọ dọ ịsa nị, àa vị ọ rẹ va mẹ ọnọhụva ịrẹma ụvọ nị, ọza ọnọọ ọ sị ịvị mẹ̀ hi Ẹnẹyịmavara.

Ireevi 6:3

Ọza oo re ve he ịsa ene vu di e cheeche hị́ eku ka ọnị e yi re e nị, ọza ọnọọ ọ sị ịvị mẹ̀ hi Ẹnẹyịmavara.

Imatiwu 27:23

Dị Ipayireti rẹ ka, “Sị ẹ vẹ? Sị ẹ vị ịsa odivi ọnọọ mẹ?” Dị e re nowu hu avọọ, dị ẹ ka, “Kanyị ọọ za apavahị!”

Ịjọọnụ 15:25

Ama â nyị ka ịrẹyị ana a chẹrẹ tụ́ ini iwe ọda ẹnịnị, ọ̀ zụ sẹ. Â vịdị chẹrẹ ẹ ka: ‘Ẹyaa nyị ịhyẹrẹ amị kẹnẹ-kẹnẹ.’

Anẹhwẹsọsị 4:25

Agụvị avọọ, asị u rè kuku cheeche nịnị! Ọzọza ọ̀ọ kà ịzẹyịzaa yị ọnọhụva anị, agụvị ka avaba ayị vị ọnya.

Anikorasi 3:9

Asị ụ rè cheeche yị ẹngụ nịnị, agụvị ka wáa yẹ ka wa sị ebira awụ nịnị ịyẹẹyẹ hụrẹ ụvọ,

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”

Ẹtore 22:15

Eyi ẹhẹ ẹ́ngụ aza ẹnẹnị vee hi nị: aza edivi nịnị ọnịrị ẹnẹbẹ nịnị beri ọsẹrẹka nịnị ọnịrị ọwọza nịnị ne beri aza ana aa hẹkẹ ori, ọnịrị aza ene sì ịrẹyị ireche, di e re yee cheeche.