Ụhịrẹyị 24:23 - IWE ỌNỊNỊ

²³ Ọyẹrẹyị ộ kà ịrẹyị ẹnẹnị nị: Ẹ yị zoza ka ọza ọọ̄ mẹ̀ ọkarẹyị irikiti.

Ụhịrẹyị 24:23 ပူးပေါင်းရင်းမြစ်များ

2 Ịtọpa 19:7

Avọọ ẹnịnị ee hí angwa Ẹnẹyịmavara, di e si eyi pe ẹtẹ. Ẹnẹyịmavara e yi si irikiti, a vị dị ọza ọ dọ ochirerenu.

Ijoovu 13:8

Vị ẹnịnị wáá nyị Ohomorihii iyi nị? Vị ẹ́ẹ́ zụ dọ irenu anịị kụ yọ nị?

Ahẹ Ụgama 107:43

Aza ana àa yẹ ịrẹyị, ẹ̀ sị eyi pè ịrẹyị ẹnẹnị, di è re Ẹnẹyịmavara mẹmẹ sì ịrẹyị ọza na za.

Ụhịrẹyị 1:6

ọ̀ọ yẹ ụhịrẹyị, dị ọ yara swẹ ụhị, dị ọ rẹ yẹ aa sị ịrẹyị ana hị́ ọsa nị, ọnịrị dị ọ yẹ a mẹẹ che ebira nị.

Ụhịrẹyị 18:5

Ẹ yị vọrọ ka ọmọkarẹyị ọ̀ jị ịhị yị ọza odivi, dị ọ jị ịvị yị ọnịzẹyịza.

Ụhịrẹyị 22:17

Batọ, mị vaa zụ wụ ịsa ọyẹrẹyị kà. Zama ịrẹyị ẹnẹẹ re.

Ụhịrẹyị 28:21

E yi zoza ka ọza ọọ̄ nyị ọza re eyi, ama aza ẹnyị vị anaa mẹ̀ ebira odivi agụvị ịsa chee ọnị o vee re dọ.

Ihoseya 14:9

Aza ana àa yẹ ịrẹyị vaa yẹ avaba ịsa ẹnịnị. Aza ene eyi anị hweyi ẹẹ yẹ ẹ. Oze Ẹnẹyịmavara ọ vọrọ ọnị aza ana yẹ ịrẹyị aa sị mẹ ẹhẹ ẹnịnị nị. Ama ọnịvị nịnị vị ana vaa vanga, dị ẹ hyẹdụ agụvị ka ẹ sị eyi wụ̀ ịrẹyị anị.

Ireevi 19:15

Ẹnẹyịmavara kà ẹnịnị ẹ̀ẹ sị ịzẹyịzaa mẹ̀ ọkarẹyị; à sị ẹ nyị ọza remeyi agụvị ka ọọ vị onosiye, dị à sị e re hí angwa ọzọbanyị.

Ịjọọnụ 7:24

Asị ụ rẹ̀ mẹ̀ ọkarẹyị eyi-eyi nịnị, waa sị ịzẹyịzaa mẹ̀ ọkarẹyị nịnị.”

Iwe Ọhụhị Imosiisi ana aa hị́ Ọyịvatụrọda 1:17

Asị ẹ gụ ọza ẹnyị yị ọsa. Ẹ sị eyi ẹbẹẹbẹ re ọnyẹkẹhị ọnịrị ọnụzọngwa. Ẹ sị oze yị ọzọza ẹ kụ́ irenu ẹnịnị. Asị e hí angwa ọza ẹnyị-ẹnyị agụvị ka ịrẹyị Ohomorihi ẹ vaa sị mẹ̀ ọkarẹyị yị aza nị. Ịrẹyị anaaa da wa ụvọ dị ẹ kụ̀ ọ vee tu ọnị.

Iwe Ọhụhị Imosiisi ana aa hị́ Ọyịvatụrọda 16:19

A sị u sima ịrẹyị ka waa mẹ̀ ọkarẹyị nịnị. A sị ụ nyị ọza remeyi nịnị, dị a sị ụ dọ ochirerenu o. Agụvị ka ochirerenu vi eneē gù ọza eyi, ẹ yị nyị ọza mẹ ye ịrẹyị dị ọ nyị ịzẹyịza na za.

Ijemiisi 3:17

Ama ịrẹyọyẹ ana hụụ ịdị Ohomorihi vẹ, vị ọnịnị, ọ́ọ mẹ ka ọza ọ̀ nyị ayị ohunẹnẹ; ọọ̄ nyị ebira hẹẹ, oō ree batọ ịrẹyị ọza ẹnẹsa, ọọ̄ rẹẹ vayị ọza ẹtẹẹtẹrẹ. Ebira ozoza ọọ̄ mẹ̀ pooro nị, ọ mā nyị ọza remeyi, oō mee re vene ọza.

1Ipita 1:17

Wàa mẹ̀ aduwa nịnị, ụụ̄ hị́ Ohomorihi: Nda, nịnị. Ohomorihi àaa mẹ̀ ọkarẹyị aza anka ịsị ẹ mẹ, ọ mā mẹ irikichi; agụvị avọọ, nyị angwahi Ohomorihi ịnị avaba ịsa ọnị ụ waa mẹ nịnị, ụ mẹ̀ vị ọzọga hi ẹhẹ nịnị booro aanị.