Ụhịrẹyị 24:2 - IWE ỌNỊNỊ

² Ẹ mẹmẹ vaa kụ ẹngụkata hi ẹtẹ kẹnẹ e yee ro nị. Irenu ẹnịnị ọ mā ka ọyịza.

Ụhịrẹyị 24:2 ပူးပေါင်းရင်းမြစ်များ

Ijoovu 15:35

Ka aro vị odivi, di ahịka odivi kẹnẹ ẹ ya mẹ nị. Ayị ẹnịnị vene hi yị evene.

Ahẹ Ụgama 10:7

Irenu ẹnịnị ọ mā kà ọyịza paa Ẹnịnị vi ene eē cheeche, dị ẹ yaa mẹ ehunaa yị aza.

Ahẹ Ụgama 140:2

Aza ẹnẹẹ vi ene eē ro ịrẹyị odivi ịnị ayị ẹnịnị. Eyinị-eyinị ẹ sii chị ịrẹkụ tịtẹ nị.

Ahẹ Ụgama 28:3

Aarịhịnị navọ asị okuha ọnya kụ́ ẹmịrị aza ana aa mẹ̀ ebira odivi Aza edivi ẹnẹẹ vi anaā kụ́ hwere-hwere éyi ọza ama ịrẹyị odivi ọza ẹ sị tụ́ ịnị ịnẹ nị.

Ahẹ Ụgama 36:4

Ọ̀ọ na hụtụ, di ee ro ịrẹyị odivi ọnị ọ vaa mẹ Ebira odivi kẹnẹ ọ dọ ọda anị nị, ọ yị yara yi ka ọnị ọ yị mẹ̀ ebira odivi.

Ahẹ Ụgama 38:12

Aza ene ee sì ka ẹnị ẹ̀ mẹ mị ịsa odivi dị ẹnị ẹ̀ wụ̀ mị vi ene èe bè mi Ẹnịnị vị ana aa kà ịrẹyị odivi anị pooro kẹnẹ, di e yee cheeche.

Ahẹ Ụgama 7:14

Aza ẹhịmị vi ene eē ro ịrẹyị odivi. Ẹnịnị vị ene ẹẹ̄ sì ẹ mẹmẹẹ kụ́ ẹngụkataa vẹ, di ẹ re yee vene ọza.

Ụhịrẹyị 1:10

Ozi emi, aza edivi èe vene wụ, asị ụ dọ beri wa.

Ụhịrẹyị 24:8

Ọza anaā mẹ̀ aro ka ọnị ọ mẹ̀ odivi vị ana a vaa hị́ ọmọzakụyẹ.

Ụhịrẹyị 6:14

Ẹnịnị vi eneē ro ịrẹyị odivi ọza pooro, dị ẹ yaa kụ aza ịrẹsụ nya ẹngụ;

Ụhịrẹyị 6:18

Avọọ ọ mẹ rẹ nyị ịhyẹrẹ ọza anaā sịị ọhịmị ọza tu ịnị ayị ọnịrị ọza ọnị ahịka odivi ọọ hụụ ọ ịra mẹ̀ nị.

Ayịsaya 30:12

Avọọ Ohomorihi Ọnịnị ana Anisirẹrị aa hẹkẹ va kà a ka A vị ụ ka wẹ dọ ịrẹyị ana a va kà wụ nịnị dị ahịka ayịchama ọnịrị amẹrị ụ sị ayị tụra nịnị nịị?

Ayịsaya 59:4

Ẹ yị nyị ọza ana sị ịzẹyịza nọ ikootu, ọza ẹ yị ka ịzẹyịza, ireche kẹnẹ e che ayị ka ọ dọ ẹnị ha agụvị ẹnị e re oze mẹ̀ ịsa ọhịmị ene ro ka ọza na.

Ijeremaya 22:17

Ẹnẹyịmavara kà ama ịrẹyị ẹngụ awụ kẹnẹ ọọ jị ụ areyi nị. Waa wụ̀ aza ẹnẹ ẹ yị nyị sị ẹ mẹ; dị waa sị ụkata-ụkata mẹ ẹvaya ya aza wụ nị.

Imika 7:3

Ịsị ẹnịnị yẹ eyi anị, ọ vị ebira odivi nị. Ohinọyị ọnịrị ọmọkarẹyị aa dọ ochirerenu. Ịsa aza ana nyị ụkata sì, ịsa ọnọọ ẹ vaa mẹ nị Avọọ ọ maa mịị mẹ, dị ẹ vabẹ, dị ẹ yaa gẹ eyi zi nị.

Odeyi 13:10

Dị ọ ka, “Ẹwụ ozi Echu, ẹwụ ana sị avaba ẹngụ vị ireche-ireche ọnịrị irikichi, uū sì ka we du avaba ịsa ene zoza. Aanị ka aanị ụ mẹ̀ vaa vara ịzẹyịza Ohomorihii tụ́ ini ireche pooro nị?

1 Ịsamụwẹrị 23:9

Idevidi ọ sị wụ́ ka Ịsọọrụ ee be ọnị, dị ọ va hị́ Abiyata ka ọ̀ sị ịharamịra ọnọọ vẹ nị.