Ụhịrẹyị 24:17 - IWE ỌNỊNỊ

¹⁷ Asị ụ jẹ ka ịrẹyị odivi o tu ọnịvị awụ. Asị ayị awụ hine ka ọ tụ́ ahụ.

Ụhịrẹyị 24:17 ပူးပေါင်းရင်းမြစ်များ

2 Ịsamụwẹrị 3:32

Dị ẹ sị Abịna, di e ne ne e tụ́ Ihebirọnị nị. Di Idevidi yà ini ikuta Abịna, di o sụ́ ùnè ẹtẹẹtẹrẹ nị. Avaba aza ẹnị vị ene ree sụ́ ùnè bẹẹ.

Ijoovu 31:29

Mẹ ma jẹ agụvị ka ọnịvị amị nịnị aa rị ụya, ịrẹyị odivi òo tu wa, ayị amị o yi hine.

Ahẹ Ụgama 35:15

Ẹnị èe ve re ka mị yà ịnị ẹngụkata dị ẹ kụ́ gụ dị ẹ yaa jẹ Mẹ yị yẹ ịsị mị mẹ wa, dị ẹ kụ́ gụ ka ịrẹyị amị o tù ẹnị nị di e yee du mi pooro kẹnẹ.

Ahẹ Ụgama 35:19

Ọnịvị amị ẹnẹẹ vị ana aa kụ́ ayị amị kẹnẹ Ẹ yị nyị m mẹ̀ mẹ wa vụrụ-vụrụ Ohomorihi, aarịhịnị kwogwo asị ụ navọ ka ẹ̀ nyị ẹbẹẹba amị Ẹnịnị ẹ̀ẹ kwẹẹtẹ di e yee kú mị akọnyọ kẹnẹ-kẹnẹ.

Ahẹ Ụgama 42:10

Ọnịvị amị aa kụ̀ mị ụhụ ana ahịka ộ kata mị ẹngụ ẹnẹmẹhị Dị ẹ yaa kà a mị eyinị-eyinị ka mba, ịzị mị ka Ohomorihi amị ọ́ọ́ yà?

Ụhịrẹyị 17:5

Ọza anaā sịị onosiye mẹ enyinyi vị anaa kụ̀ Ohomorihi ana tụ ọ ụhụ. Ọza enee hine ayị agụvị ịrẹyị ọhịmị ene tu ọza vị ana vaa rị ụya anị.

Ụhịrẹyị 24:18

Wàa jẹ ka odivi ó tu ọnịvị awụ, ayị Ẹnẹyịmavara vi ene du, dị ọ va ị́rẹma awụ, dị ọ yị kụkụ sị ụya rị ọnịvị awụ ẹnẹẹ.

Ọbadaya 1:12

Ẹ́ yị vọrọ ka Anedomi nịnị ẹẹ jẹ ka ịrẹyị odivi o tu wa, a vị dị ayị ẹnịnị oo hine ka Anijuda ee vú ẹtẹ. Ẹ́ yị vọrọ ka ẹnịnị ee wu hi wa ịnị ụmẹ ọnị o si divi yị wa.

Imika 7:8

Ọnịvị ayị asị u rè nyinyi ka vị ẹyị sị hyẹdụ nị Yàa hyẹdụ ẹ yaa yẹ ka ị vaa kwẹẹtẹ. Ịnị ịrahụ ị ya booro nị. Ama Ẹnẹyịmavara vaa sị ẹtohweyi yị yị.

Ọdọvịdị 16:25

Ịnẹ ẹnịnị o hine pooro ne tu ka ệ na owu ka a sị Ịsamịsịnị tu ẹhẹ dị ọ vaa sị aahẹ mẹ ẹnị unyi. Ịzẹyịza dị a hị́ Ịsamịsịnị jịnẹ hụrị ịnị irehi ẹngwa vẹ nị. Ịjị ọ vẹ, dị a sị ọ jẹ ịnị akakana ohinẹ irehi ọnọọ, dị Ịsamịsịnị aa nyị ẹzẹ zụ wa nị.