Ụhịrẹyị 23:32 - IWE ỌNỊNỊ

³² Ọ vavẹ ịrẹma anị vaa zàmà wụ anka ẹchịpa ẹ́wụ́ odivi, anka ụ̀hị̀ avọọ.

Ụhịrẹyị 23:32 ပူးပေါင်းရင်းမြစ်များ

Ijoovu 20:16

Ịsa aza edivi rị sị mẹẹ anka ọza o hu ẹchịpa avọọ nị. Ẹchịpa ọnọọ a wụ̀ wa anka ẹwụ ana hị́ ibe o rere mẹ ọza avọọ nị.

Ahẹ Ụgama 91:13

Ụ maanị vaa kụ́ ahụ hi iku irenyi-irenyi ọnịrị ẹwụ edivi irenyi-irenyi, dị waa na haara kẹnẹ.

Ọyịkụra 7:12

Di ẹnị re ne okutẹ ẹnịnị hi ẹtẹ dị ẹ vara ẹwụ nị. Ama dị okutẹ Eerọnị na, dị ọ za okutẹ Anijipiti ẹnẹẹ, dị ọ mụnẹ wa nị.

Ụhịrẹyị 20:1

Ọza ọnị e hu eche ahaahara vị ọnị echee jị ụra. Ọnụra oō hu eche dị a mẹrị ọ nị.

Ụhịrẹyị 5:11

Ịjị ẹngwẹngụ anị ọ̀ọ vẹ, di u wee tii ịrẹsụ ode, dị ụ ta mẹ pẹpẹpẹ ee zii isu.

Ịrẹyị Ọzwọzịsa 10:8

Ọza anaa chị ụsị ọ vee horo ngụ ọ nị. Ọza anaa jị ugene roo ẹ́wụ́ ọ zụ jị ọ ịrẹrụ.

Ayịsaya 11:8

Ozweyi maanị vaa mẹ aahẹ ọgụrị ịzị ẹwụ odivi yà, dị ọ hyakụ jị ụvọ ngụ ịzị ọ yà, dị ẹ yị nyị ẹwụ ọnọọ mẹ̀ kà yọ.

Ayịsaya 28:3

Ọ̀ọ vavọọ si ohweche ẹnẹẹ ene kú amu ohinọyị, dị ẹ yaa sii mẹ eyii hú ẹtẹ, dị aza kụkụ aa kụ́ ahụụ hi waa za ụdọ.

Ayịsaya 59:5

Ịrẹyị ẹnịnị divi anka ajẹ ẹwụ ana a hị́ ụ̀hị̀ avọọ nị. Wàa rị ọ vị ịrẹyị, ọ̀ọ chaka dị ọ chị ibe. Ebira ẹnịnị vị ana sị mẹ anka ịta arahị avọọ.

Ijeremaya 5:31

Ọnịsẹ nịnị kụkụ èe cheeche; ohirẹsụ irehi Ohomorihi nịnị vị ana kụkụ a sị ọda ẹngụ ẹnịnị mẹ ịsị ẹ yaa mẹ, dị aza anị vavọọ yị si ọ ka a vavọọ mẹẹ nị. Ama sị ụ vaa mẹ nịnị ịnị ẹzẹtẹ anị kẹ?

Ijeremaya 8:17

Ẹnẹyịmavara kà, re, ọnị aa tụ́ ẹ́wụ́ ana nyị ẹchịpa odivi vaa ngụ ịnị awụ nịnị. Ẹ vaa jị wụ nịnị ịrẹrụ. Ọza ẹ yị vaa zụ mẹ irere anị.

Emọsị 5:19

Ịhị ọnọọ vaa sị mẹẹ anka ọza òo zwe yi idu na gẹrẹ ọdụmị avọọ nị. Ô zwe na tẹ̀ ịnị eehi, dị ọ sị ụvọ tụra ugene, dị ẹ́wụ́ jị ọ ịrẹrụ nị.

Emọsị 9:3

Ẹnịnị ẹ̀ẹ na tẹ̀ ịrẹsụ ataba Ịkamẹrị, ọnị vaa sị wa hụụ ịzọọ. Ẹnịnị ẹ̀ẹ hyakụ na tẹ̀ iruvo òkū, di ọnị ka yị ẹ́wụ́ ka ọ̀ mẹ wa.

Aniroomi 6:21

Sị ẹ vị ọgụ ọnị ụ rị hụụnị ịsa ọnị ụ kụkụ vaa nyị ụhị anị nịnị booro aanị? Isu kẹnẹ ọ vị ọdịrẹma ịsa ẹnẹẹ nị.

Anẹhwẹsọsị 5:18

Asị u ne hú eche ahaahara nịnị, ana ahịka vị ọọ̄ sị ọzaa mẹ kẹnẹ-kẹnẹ nị, ama navọ Ụhwẹ Ọnịnị ọ̀ dọ avaba ayị awụ nịnị!