Ụhịrẹyị 23:3 - IWE ỌNỊNỊ

³ Asị ụ ha ọhọha ịsa chomi-chomi ana a kụ hi ọvịdị awụ. Ịsa ẹnẹẹ vị ene e si vene wu.

Ụhịrẹyị 23:3 ပူးပေါင်းရင်းမြစ်များ

Ahẹ Ụgama 141:4

Aarịhịnị asị ụ navọ ka ma sị ịrẹyị odivi tụ́ ịnị ayị amị. Asị mị na bẹ ụvọ tụ́ ini ebira aza edivi aa mẹ Navọ asị mi ne pè wa rị ịsa.

Ụhịrẹyị 23:6

Asị ụ rị ịsa eneyiche. Asị eyi awụ ya ịnị ịsa ozoza anị.

Ịdanịyẹrị 1:5

Dị ohinọyị ka aa mẹ ịsọyịrị ọnị ọnị a rị yị wa, dị a rẹ sị eche ọnị nị ee hú yị wa nị. Dị à zụ́ wa ịsa pooro mẹ ịrayị ẹẹta, ịrẹma anị dị ẹ̀ vee beri ọnị mẹ̀ ụkọrọ nị.

Ịdanịyẹrị 1:8

Dị Ịdanịyẹrị kà a yị ẹngụ anị ka ọnị ọ yị vaa sị ịsọyịrị ọnịrị eche ohinọyịị du ẹngụ anị ẹngụ nị. Dị ọ kà a yị Asipenazi ka ọ̀ navọ ọ̀ gụ ọnị ụvọ ka oni e yi sì ka ọnị ò du ẹngụ anị ẹngụ nị.

Iruuku 21:34

Dị Ijeesu ka, “Sị eyi pe ẹngụ awụ nịnị, oo! Asị ụ sị eche ọyịrị pooro ọnịrị eche ahaahara oyihú ne beri ariro ẹhẹ ọnọnị dọ ẹngụ awụ nịnị oro! Agụvị ka ẹ̀ yị vị avọọ, ẹkụhị ọnọọ o vee tù wu nịnị ịnị ụmẹ oni u wè yi ro nịnị.

Anẹhwẹsọsị 4:22

Agụvị avọọ kụkụ sị ebira awụ nịnị ịyẹẹyẹ tịtẹ! Ebira ọnọọ vị ịsa ọnị ọchẹngụ ọzaā sì eneē vene ọza; ọ sị wụ nịnị wụ da.