Ụhịrẹyị 23:24 - IWE ỌNỊNỊ

²⁴ Ozi àa mẹ̀ ebira ẹtẹẹrẹ ada anị vị anaa jẹ. Ọza ana ma ozi ana yẹ ịrẹyị vị ọnị ayị anị hine.

Ụhịrẹyị 23:24 ပူးပေါင်းရင်းမြစ်များ

1 Ohinọyị 1:48

Di ohinọyị rẹ kà a bẹẹ ka, ‘Mâ kụ́ Ẹnẹyịmavara Ohomorihi Anisirẹrị avọ. Ọnị ọ sị ọza yị mị ajịnị nị ka ọ̀ rị ohinọyị dọ mị ịrẹsụ. Ma raà si eyi amị re e.’ ”

1 Ohinọyị 2:9

Ama wẹ yị vaa zẹẹ ka ịsị ọ mẹ avọọ, ọ̀ sị rị kẹnẹ. Mâ yẹ ka wâ yẹ ịrẹyị para avọọ hu, wâ yẹ ịsị a vọrọ ka wa mẹ̀ ẹ. Re ka waa wụ ọ.”

Ụhịrẹyị 10:1

Ẹsẹnị ẹ vị ụhịrẹyị ọnị Isoromọnị che nị: Ezi ana yẹ ịrẹyị vị anaā mẹ ayị ada ẹnịnị hine ama ọnụra vi eneē du ọnyị ẹnịnị ayị

Ụhịrẹyị 15:20

Ozi ana yẹ ịrẹyị vị ana mẹ̀ ayị ada anị hine ama onututu vị anaa sị eyi wụ ọnyị anị.

Ụhịrẹyị 27:11

Ozi emi, navọ waa mẹ̀ ebira ịrẹyọyẹ, dị ayị amị oō hine. Dị ma zụ va ohi yị aza ene du mị

Ụhịrẹyị 29:3

Ozi ene si ka ọnị ọ yẹ ịrẹyị vị anaa mẹ ayị ada anị hine, ama ọza anaa dụ ọsẹrẹka zị vị enee du ẹkẹhị anị ha.

Ịrẹyị Ọzwọzịsa 2:19

Ẹnẹ yẹ ọza ana vẹ ọ̀ọ vaa yẹ ịrẹyị à vị onututu ọ vaa vị nị? Ọza tụra ọza ọnị ọ̀ọ na vị, ọnị ọ vaa mẹ ọda tụra avaba ịsa ọnị ọnị ka ẹhị mi tụra ịrẹsụ beri ịrẹyọyẹ anị ọnị ọnị sị mẹ. Dị ọnị ka ọsọnị bẹẹ rẹ vị osusu.

Ihwirimọnị 1:20

Ẹnẹbẹnị ayị, aarịhịnị hụ agụvị Ananyị yị dụ wa mẹ̀ ịsa ọnọnị mị. Sị ayị amị nẹtẹ agụvị ka ẹmịrị ẹwụ vị ọnya ini Ikirisiti.

Ihwirimọnị 1:9

Ama agụvị ka me sì ịrẹyị awụ, ịpẹ m maa dáa wụ nị. Wáa yẹ ka ẹmị Ịpọọrụ, ma sị vị ọzọkụ, dị mị rẹ yà ịnị ẹngwa agụvị Ijeesu Ikirisiti booro aanị nị.