Ama di u yi, di waa jẹ ịrajẹ dị waa mẹrị sadaa nị. Wâ wụ imaaru ọnịrị atẹmẹ, dị waa rị, di wee hú eche o mè zee wu eyi nị. Ụ ka, “sị ọ vị, à vẹ ya rị dị ye hú ajịnị ka ụhwọ i wusu.”
Wa sị da nịnị, ẹwụ nịnị ana aa kwẹẹtẹ ẹnẹnẹ viri-viri di wee hú echee zị nịnị. Avọọ u mè vee hú eche ọnọọ pooro huu na ngụ ịrahụ, dị ọ kụkụ aa mẹrị wụ nịnị nị.
Ịjị ọ na aa mẹ ẹkụhị chee, dị ana vị ozweyi kụ́ ogu anị gụ, di o si hu aa hụrẹ eehi nọ ẹkụra onoze nị. Ịjị o tù ịzọọ, dị ọ sị ebira kẹnẹ-kẹnẹ, di o si du avaba ogu anị ha saka-saka nị.
Dị Ijeesu ka, “Sị eyi pe ẹngụ awụ nịnị, oo! Asị ụ sị eche ọyịrị pooro ọnịrị eche ahaahara oyihú ne beri ariro ẹhẹ ọnọnị dọ ẹngụ awụ nịnị oro! Agụvị ka ẹ̀ yị vị avọọ, ẹkụhị ọnọọ o vee tù wu nịnị ịnị ụmẹ oni u wè yi ro nịnị.
