Ụhịrẹyị 23:17 - IWE ỌNỊNỊ

¹⁷ Asị ẹhẹ aza ọhịmị vá wụ, ama wee hí angwa Ẹnẹyịmavara ịnị ụmẹ tụra ụmẹ.

Ụhịrẹyị 23:17 ပူးပေါင်းရင်းမြစ်များ

Ahẹ Ụgama 111:10

Ọza ọ̀ọ nyị angwahi Ohomorihi, o si nyima aa yẹ ịrẹyị. Avaba aza ana a saasa ọda anị vi ana nyayịnẹ ẹ yẹ ịrẹyị Ohomorihi a vọrọ ka àa kụ́ avọ pooro zịna-zịna nị.

Ụhịrẹyị 15:16

O vene zoza ka ọza ọ nyị ịsa chee di o hí angwa Ẹnẹyịmavara huuni ka ọza nyị ogu ẹnẹmẹhị tụra ịrẹsụ akanya.

Ụhịrẹyị 24:1

Asị ụ va ụva ebira aza edivi, dị asị u re beri wa zị ògù

Ụhịrẹyị 24:19

Asị ịrẹyị aza ọhịmị kata wụ ẹngụ. Asị ụ kụ ịhị ebira odivi ẹnịnị.

Ụhịrẹyị 24:21

Ozi emi, nyị angwahi Ẹnẹyịmavara ọnịrị ohinọyị. Asị ụ zị ògù aza anaa mẹ̀ akamawụ hị́ wa.

Ụhịrẹyị 28:14

Ịrẹsụ ọyịza ọ vị yị ọza ene hí angwa Ẹnẹyịmavara nị ama Anakamawụ vi ene vee vu.

Ụhịrẹyị 3:31

Asị ụ kụ ụhị ọza anaā mẹ̀ ezigi. Asị ụ hama a mẹ̀ ebira ana a mẹ̀.

Ịrẹyị Ọzwọzịsa 5:6

Asị ụ zẹẹ ka ịrẹyị irenu awụ ọ sị ụ na mẹ ịvị. Asị ụ na kà a yị ọnụtụ Ohomorihi ana ya ịnị irehi Ohomorihi ka ụ nyeeyi ka aka ụ vaa mẹ̀ ịsa ọnọnị nị. Sị ẹ vẹ dị wee sì ka Ohomorihi ọ̀ hụ agụvị ịrẹyị irenu kụ ayị dị ò du avaba ịsị ụ sị ụvọ awụ mẹ ha.

Ịrẹyị Ọzwọzịsa 5:7

Osusu kẹnẹ ụra ọ yị ra ọnịrị ịrẹka ọrụrụ ọ yị kụ vị nị. Agụvị avọọ o hí angwa Ohomorihi.

Odeyi 9:31

Dị avaba anịragụ Ohomorihi ene hi Ijudiya ọnịrị Igariri ne beri Ịsamarịya nyị ẹngwọọrọ yị ụmẹ chee nị. Ẹnịnị aa vịra, ệ nyị angwahi Ohomorihi, Ụhwẹ Ọnịnị aa mẹ ọgụvọọ yị wa, dị ẹyaa rụrụụ hu avọọ nị.

2 Anịkọrịntị 7:1

Ẹwụ nịnị anda ayị, avaba ayị a kà a ka a vaa mẹ̀ ịsa ẹnẹẹ yị nị. Agụvị avọọ, à vẹ ya nyịna ẹngụ ayị hụụnị avaba ịsị ẹẹ̄ mẹ ka asị ẹngụ ọza ọnịrị ayị ọza nị! À vẹ ya vị Ohomorihi saka-saka ini oze angwahi Ohomorihi ọyịnyị.

1Ipita 1:17

Wàa mẹ̀ aduwa nịnị, ụụ̄ hị́ Ohomorihi: Nda, nịnị. Ohomorihi àaa mẹ̀ ọkarẹyị aza anka ịsị ẹ mẹ, ọ mā mẹ irikichi; agụvị avọọ, nyị angwahi Ohomorihi ịnị avaba ịsa ọnị ụ waa mẹ nịnị, ụ mẹ̀ vị ọzọga hi ẹhẹ nịnị booro aanị.