Ụhịrẹyị 22:8 - IWE ỌNỊNỊ

⁸ Ọza ene chire atọ odivi vi ene vee re ọhịmị, dị ẹ yị kụkụ zụ mẹ ẹvaya yị ọza.

Ụhịrẹyị 22:8 ပူးပေါင်းရင်းမြစ်များ

Ijoovu 4:8

Ọ kà ọnị ọ yẹ hụrẹ ụmọrụmọ ka odivi ọnị ọza chire ọọ ha nị.

Ahẹ Ụgama 125:3

Vị aza edivi ẹẹ vaa mẹ ohinọyị pooro tụ́ ịnị ẹtẹ ana asị yị aza ana aa mẹ̀ ebira ana vọrọ. À yị vị avọọ vị aza ana aa mẹ̀ ebira ana vọrọ ẹnị rẹ kụkụ ee nyima dị ẹ yaa mẹ̀ ebira odivi nị.

Ụhịrẹyị 1:31

Ịsa ọnị ụ chire ụ vaa ha nị. Ịrẹyị ẹngụ awụ vee du wụ eyi.

Ụhịrẹyị 14:3

Ịrẹyị irenu ọnụra ọọ̄ ku akanya tụ ọ nị ama ịrẹyị irenu ọyẹrẹyị o sere e nị.

Ayịsaya 10:25

Ohomorihi ka ọnị aa vaa za ụvọọ jẹẹ dị ọnị ọ yị kụkụ sị ụya rị wụ nịnị. Ama ọnị vaa tana ụvọọ za Anasiriya ẹtẹẹtẹrẹ.

Ayịsaya 10:5

Anasiriya nịnị ẹ sị dà. Ayị màa kụ mị mâ sị wa mẹ inori

Ayịsaya 14:29

Ọ kà ẹwụ nịnị Anihwirisiti, asị ụ na jẹ nịnị ka inori ana a vịdị ee sii tú wu nịnị o si che. Éwụ́ òo sú, ẹ́wụ́ ene divi hu avọọ aā chịị dọ ẹngụ anị ịrẹsụ nị. Ẹ́wụ́ edivi-edivi ẹẹ̄ chịị hụụnị ajẹ ẹ́wụ́ nị.

Ayịsaya 30:31

Ịjị Anasiriya ẹ̀ẹ wụ́ ka Ẹnẹyịmavara ộ kà ịrẹyị, angwa vee hí wa. Ẹnẹyịmavara vị ana vaa sị okutẹ anị dị ọ sị wụ̀ wa va hi ẹtẹ.

Ayịsaya 9:4

Aza ana vịdị aa mẹ ẹchakaa yị wa, wa kụ́ aza ẹnẹẹ gara ha. Wa raà tụ̀ ọkẹẹkẹrẹ ana a vịdị sị tụ́ wa, dị a sịị sị ụyaa rị wa. Wa raà nyị ẹbẹẹba anẹkụra ọnọọ ana mẹ̀ ẹvaya, dị ẹ yaa kụ ogu ẹnịnị Wâ mẹ ka ẹ̀ nyị ehuna anka a mẹ̀ nyị ehuna Animidiya ịyẹẹyẹ avọọ.

Ihoseya 10:13

Ama ebira odivi ọnị ê chire ẹ vaa ha nị. Ireche ọ vaa vị ẹtụtụ ọnị ẹ vaa rị nị.

Ihoseya 8:7

Ẹnịnị ee chire ahị tụ ịnị aarẹ, okoruwa ọ vị ịsa ọyịna ọnị e vee re nị. Ọchị ihwiti ana aa jẹẹ vị ana vaa wụ̀, dị ẹ yị nyị ịsa, Ẹnịnị ẹ̀ẹ nyị ịsa ọyịna akụ, anikinami kẹnẹ aa rị ọ yị wa nị.