Ụhịrẹyị 21:6 - IWE ỌNỊNỊ

⁶ Ọgụ ọnị ọza sị asuvu nyị vị anaa ta hi ẹtẹ anka areyi avọọ, usu vị ọnị ọ sịị gẹ ọbẹ.

Ụhịrẹyị 21:6 ပူးပေါင်းရင်းမြစ်များ

Ụhịrẹyị 10:2

Ogu ọnị ọza sị ebira odivi si ọ mā nyị ịrẹma ama ịzẹyịza vị ana sị ọza ku orubo.

Ụhịrẹyị 13:11

Ẹkẹhị ịrịra o mē ku dị ọ ta ama ututo ẹkẹhị sị gụ nị.

Ụhịrẹyị 20:14

Ọza anaa hị́ ịsa vị anaā jị ọza anaa na ụra òo si hu dị a gá ẹngụ anị ka ọnị ọ yara hị́ ịsa.

Ụhịrẹyị 20:21

Ọza ọ zụ sị ọhọha ne si ogu ẹnẹnẹ viri-viri ama ẹzẹtẹ anị o me zoza.

Ụhịrẹyị 22:8

Ọza ene chire atọ odivi vi ene vee re ọhịmị, dị ẹ yị kụkụ zụ mẹ ẹvaya yị ọza.

Ụhịrẹyị 30:8

Ộ ka Ohomorihi ọ sị apẹ ọnịrị ireche noze rịịrị ọnị. Asị ọ zẹ ka iruwa ọ za ọnị, dị asị ọ rẹ mẹ̀ ogu hi ẹtẹ yị ọnị baaba, ama ọ sị ẹhụ ịsọyịrị anị kẹnẹ yị ọnị.

Ụhịrẹyị 8:36

Ọza ẹnẹ ẹ yị nyị ịrẹyọyẹ vị anaa tọ̀ ẹngụ anị ụnava. Ọza anaa nyị ịhyẹrẹ ịrẹyọyẹ vị anaa hị́ isu tu ẹngụ anị.

Ijeremaya 17:11

Ijeremaya ka, ọza anaa sị irikichii nyị ẹkẹhị; vị ana sị mẹẹ anka irekwose enee kú ajẹ ẹnẹ ẹ yị vị ọnị ọ tụ́ avọọ. Avaba ogu anị vana vaa taa hi ọ ụvọ ẹhẹ anị ọọ maanị ta jẹẹ yị ọ kẹnẹ. Ọvavẹ ịrẹma anị dị o ne tù ka ọnụra kẹnẹ ọnị vị nị.

Ezikẹẹrị 18:31

Sị ụvọ hụụnị ebira odivi ọnị waa mẹ nịnị, dị waa dọ ayị ọwọọwa ọnịrị ụhwẹ ọwọọwa nịnị. Ẹwụ nịnị Anisirẹrị, sị ẹ vẹ di wee sì ka we sú nịnị?

Ịtayịtọsị 1:11

Ẹyaa sị ịsa ẹnẹ ẹ̀ yị vọrọọ zụ̀ aza. Dị ẹyaa kụ́ avaba aza ene hi ini eehi ọnyaa nyeeyi. Ẹkẹhị kẹnẹ ẹ sị eyi tụ́ ịnị anị nị. Re ka ẹngụ aza ẹnẹẹ waa za wa irenu kú oku.

2Ipita 2:3

Ọnịsẹ ireche ẹnẹẹ vị eneyọhụrẹ, agụvị avọọ dị ẹyaa sị ịtọpa irechee vene wu nịnị, agụvị dị ẹ̀ zụ sị wụ nịnị sẹ ohu. O si kù ọnị ọmọkarẹyị ẹnịnị tenyi ẹngụ tịtẹ. Ụmẹ ana vọ aa chee aanị, dị à wụ̀ wa vá ha.