Ụhịrẹyị 21:4 - IWE ỌNỊNỊ

⁴ Aza anaa mẹ odivi vi anaā sịị ẹngụ tụ́ ẹba di e yee wu. Ịrẹyị odivi kẹnẹ ọ jị wa areyi nị.

Ụhịrẹyị 21:4 ပူးပေါင်းရင်းမြစ်များ

Ijoovu 18:5

Éyiye de, ịsa odivi ọ vaa za ẹhẹ aza edivi ẹtẹ nị. Vị́ ọ́ vaa sịị mẹẹ ịra enee mi avọọ nị.

Ijoovu 18:6

Ẹhẹ aza edivi vaa sịị mẹẹ anka ịra ene mi ini eehi avọọ nị. Ọ́ rẹ sị mẹẹ ozotupa ana si gẹ ene mi avọọ nị.

Ahẹ Ụgama 10:4

Aza edivi vi ene ee wo otoo zị ẹ yị kà ka ẹnị ee sì Ohomorihi. Ẹ yị nyị ụmẹ ọnị ẹ hyakụ sị tamayị Ohomorihi ịnị ayị ẹnịnị.

Ahẹ Ụgama 101:5

Ọza ene ee weree kà ịrẹyị ịrẹma ọza vị ọnị maa sịị hụrẹ oze. Mẹ yị vaa dọ ka ọza ọ̀ọ mẹ eyi, di òo wuu zị.

Ahẹ Ụgama 131:1

Ẹnẹyịmavara, wâ yẹ ka mẹ mā mẹ eyi, mẹ yị kà ka â nyị ịsị mị vị. Mẹ mā sị ụvọ nọ ịnị ịrẹyị ẹbanyị-ẹbanyị ọnị ụvọ amị ò yi tù.

Ụhịrẹyị 15:8

Ẹnẹyịmavara ọ nyị ịhyẹrẹ ịsọvọ ọza ọhịmị ama ọọ̄ wụ́ aduwa ọza ọyịza.

Ụhịrẹyị 21:27

Ẹnẹyịmavara ọ̀ nyị ịhyẹrẹ ịsọvọ ọnị aza edivi aa mẹ̀ dị ọ vaa sị vị ka agụvị ịsa odivi ẹ yaa mẹ̀ ẹ nị.

Ụhịrẹyị 24:20

Aza ọhịmị ẹ yị nyị ẹhẹ ịrẹma. Ẹ yị jẹẹ dị ịra ẹnịnị ọ mi.

Ụhịrẹyị 30:13

Aza ẹnyị vị anaā sịị ẹngụ ẹnịnị tụ ẹba, dị ẹ yaa sị eyii wụ̀ aza ana vọ.

Ụhịrẹyị 6:16

Aa nyị ịsa ịhịnọnyị ọnị Ẹnẹyịmavara nyị ịhyẹrẹ anị. Dị a nyị ịhịmba ana vị enyisi yị ọ nị.

Ụhịrẹyị 6:17

Ẹnẹyịmavara ọ nyị ịhyẹrẹ ọza ana a sị ẹngụ tụ ẹba, ọza ene cheeche ọnịrị ọza ana a wụ̀ ọza kẹnẹ-kẹnẹ.

Ụhịrẹyị 8:13

Ọza ana sị ụbanyị yị Ẹnẹyịmavara ẹẹ̄ nyị ịhyẹrẹ ịsa edivi nị. Ẹngụ ọza ọnọọ ọọ̄ nyị ịhyẹrẹ aza ana sị ẹngụ tụ ẹba, dị ẹ rẹ mẹ ịkanggụ. Ọnị ọ nyị ịhyẹrẹ ebira odivi ọnịrị ịrẹyị kẹnẹ-kẹnẹ ọ yị ka nị.

Ayịsaya 10:12

Ama Ananyị yị ọnị ka ọnị ọ̀ọ sị ịsị ọnị ka ọnị aa mẹ mẹ hụrẹ ụvọ ịnị ataba ọnịrị Ijerusarẹmị, ọnị vaa sị ụyaa rị Anasiriya, agụvị irenu ẹnị ẹ vavọọ aa nyị, dị ẹ rẹ yaa mẹ eyi avọọ.

Ayịsaya 2:11

Ụmẹ ọnya aa vẹ, avaba aza ene ee wu ịkaa zị, dị Ẹnẹyịmavara kà wa chị, dị ọ tẹ avaba aza ana aa mẹ eyii zi. Ịnị ụmẹ ọnọọ, Ẹnẹyịmavara ịnya kẹnẹ aza vaa sị ụbanyịị yị nị.

Ayịsaya 2:17

Dị ọ za avaba ịsị ọza ee sii wu ika dị ọ vara a ụtẹ, ịsa aza aa sịị mẹ eyi dị ọ vara a ịrẹyị ụhị. Ịhị ọnọọ Ẹnẹyịmavara ịnya kẹnẹ aza vaa sị ụbanyịị yị nị.

Ayịsaya 3:16

Ẹnẹyịmavara kà ọnị ka eyi ana anyẹnẹẹ Anịzayọnị aa mẹ ọ sị vị ẹnẹmẹhị. Ẹ̀ẹ yaa zị ụsẹ dị ệ tana ọrọkọ ẹnịnị. Avọọ ẹ mẹ̀ dọ ọda ịrẹkọyịsẹ nị. Ẹ̀ẹ yaa na, dị ẹ tangwa ee hu ahụ dị ịsa ẹ si tụ́ ahụ ọnị aa sụ́ ịrẹyị;

Iruuku 11:34

Eyi ọ vị ẹtohweyi ẹngụ ọza nị. Eyi ọza òo zoza, ẹtohweyi vaa ngụ ịnị avaba ẹngụ anị. Ama eyi ọza òo si divi, avaba ẹngụ anị vị ana vaa vị ịrahụ-ịrahụ.

Iruuku 18:14

Dị Ijeesu ka, “Dị ma kà a wụ nịnị ka ọdẹkẹhirehi ọnọọ Óhomorihi jị ịhị yị, dị aa nọ eehi nị, ẹ yị vị Anihwarisi ọnọọ. Agụvị ka ọza ana àa kà ẹngụ anị hịrẹ, vị Ohomorihi vaa kà a chí nị; ọza ana àa rẹ kà ẹngụ anị chí, dị Ohomorihi kà a hịrẹ.”

Aniroomi 14:23

Wàaa rị ịsa ẹnyị, dị ụ raa mẹ ayị ẹẹva tụ́ ịnị anị nị, wàa rị ịsa ọnọọ, vị Ohomorihi aa jị ịvịị yị wụ nị, agụvị ka ịsị ụ waa mẹ, ọyị jẹẹ tụ́ ịrẹsụ ịsụ ụ dọ wụ́. Ịsa tụra ịsa ọnị ọza ọ̀ọ mẹ, dị ọ̀ yị mẹẹ agụvị ka ộ vavọọ dọ wụ́ nị, ịvị ọ vị nị.

1Ipita 5:5

Ẹwụ nịnị ezweyi bẹẹ, re ka waa ka ịrẹsụ hi yị azọkụ nịnị. Avaba awụ nịnị ọ̀ọ sị ụbanyị yị ẹngụ nịnị, dị ụ waa sị ịrẹsụ ọkahii mẹ awuru chire nịnị, agụvị ka Iwe Ohomorihi ộ kà a ka: Ohomorihi ó yi sì aza anaā sịị ẹngụụ tụ́ ẹba, ama ọọ̄ mẹ̀ ọyịzaa yị aza anaā kà ẹngụ ẹnịnịị chi.